Genesisi 47:29 - Tshwa Bible

²⁹ Laha a xikhati xa kufa ka Israel xi nga wa tshinele, yena i lo vitana Josefa nʼwana wakwe, aku ka yena: Loku mina nzi kumile thomo mahlweni ka wena, enghenisa a canja ga wena lahasi ka hangaswa ga mina, u nzi mahela hi liranzo ni kutsumbeka, lezaku u nga nzi lahli lomu Gipite.

Genesisi 47:29 Mawu Ofanana

Genesisi 24:2

Abrahama i te ngalo ka nanza gakwe ga hombe ga yindlu yakwe, loyi a nga wa fumela zontlhe lezi a nga wa hi nazo: Enghenisa a canja ga wena lahasi ka hangaswa ga mina.

Genesisi 24:49

Makunu nzi byeleni loku mu ranza a ku mu mahela wuxinji ni zinene a hosi ya mina; ni loku zi nga hi lezo nzi byeleni kambe; kasi nza fela ku hunzuluka nziya tlhelweni ga xinene kutani ka ga xibhabha.

Genesisi 27:2

I te ngalo kakwe: Languta, makunu nzi khosahele, a nzi gi tivi a siku ga kufa ka mina.

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

Genesisi 48:21

Zonake Israeli aku ka Josefa: Nzi tafa; kanilezi Nungungulu i tava na nwina, i ta mu tlhelisa muya tikweni ga vakoko va nwina.

Genesisi 50:12

A vana va Jakobe va lo maha ka yena kota lezi a nga va leletele.

Genesisi 50:5

Dadani wa mina i nzi hlamhanyisile aku: Nzi lava kufa; u ta ya nzi lahla nkeleni wa mina, lowu nzi ti xaveleko tikweni ga Kanani. Makunu nzi vumeleni nzi kanziha nzi ya lahla dadani; nzi ta wuya.

2 Samueli 14:14

Hakuva zi te dlunya lezaku hi tafa hakunene; hi fanana ni mati lawa ma halatilweko lahasi ma nga ha kotekiko ku wungeletelwa kambe, Nungungulu a nga susi wutomi ga munhu, kanilezi i xuva lezaku loyi a hlongolweko ngha a nga hambani naye. Tis. 89:49; Ezek. 18:23, 32

2 Samueli 2:32

Zonake va lo teka Asaheli va ya mu lahla le xilahleni xa raru wakwe, le Betlehema. Joabe ni vanhu vakwe va lo famba wusiku gontlhe, giku gi sangula kuca na va chikela le Hebroni.

2 Samueli 7:12

Loku masiku ya wena ma mbhelile, na u etlele ka vararu va wena, mina nzi ta yimisa a nʼwana wa wena a nzhako ka wena, loyi a ta nga huma xiwunwini xa wena, nzi tiyisa mufumo wakwe.

1 Tihosi 2:1

Makunu laha masiku ya kufa ka Davida ma nga wa tshinele, i lo leletela nʼwana wakwe Solomoni, aku:

Joba 14:14

Loku ku wo khwatsi a munhu a fileko wa tlhela a hanya kambe, Xikhatini xa mina xontlhe xi yimisilweko nzi wa ta rinzela, Kala kuta a kutlhatlhiswa ka mina.

Joba 30:23

Hakuva mina nza zi tiva lezaku u nzi yisa kufeni: Ndlwini leyi u yi longiseleko vo ntlhe vahanyako.

Joba 7:1

A xikhati xa munhu laha misaveni a hi xa kulwa ke? Ni masiku yakwe a me khwatsi masiku ya munhu a tholilweko ke?

Tisimu 49:7

A munhu a nga zi koti ku tirula a nakulobye, Hambu ku mu humesela nzhiho ka Nungungulu.

Tisimu 49:9

Lezaku kasi a ta fela ku hanya kala kupinzuka, Na a nga woni kubola.

Tisimu 6:5

Hakuva kufeni a ka ha alakanyiwi; Himani a ta nga ku bonga le Xeole ke? Tis. 88:11; Isa. 38:18

Tisimu 89:48

Himani loyi a hanyako, loyi a to kala a nga woni kufa ke? Himani a nga tlhatlhisako muhefemulo wakwe hi le Xeole ke? (Sela.)

Deuteronome 31:14

Jehova i te ngalo ka Mosi: A masiku ya wena ya kufa ma tshinele kusuhani! Vitana Joxua, uta naye lomu ka tenda ga mutlhangano, nzi ta ta mu wumbela lomo. Zonake Mosi na Joxua va lo ya yima lomu ka tenda ga mutlhangano.

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

Maheberu 11:22

Hi kukholwa Josefa na a hi kusuhani ni kufa, i lo wulawula hi kuhuma ka vanana va ka Israeli, a va lelela hi marambu yakwe. Gen. 50:24

Maheberu 9:27

Kambe kota lezi ku yimiselweko vanhu a kuva vafa kanwe, va lamulwa; Gen. 3:19; 2 Kor. 5:10; Kuv. 20:12

Joxua 2:14

Ni vavanuna va te ngalo kakwe: A wutomi ga hina ga nwina kala kufeni, loku nwina mu nga puxisi timhaka ta hina; kasi loku Jehova a hi nyika legi tiko, hina hi ta ku hawukela hi maha kusasa ha nwina.

Joxua 23:14

Langutani, inyamutlha mina nza famba hi ndlela ya yontlhe misava. Nwina ma zi tiva khwatsi hi timbilu tontlhe ta nwina ni mihefemulo yontlhe ya nwina, lezaku ku hava ni ginwe gezu ka wontihe magezu yo saseka lawa Jehova Nungungulu wa nwina a ma wulileko hehla ka nwina, ma nga kala ku maheka; kanilezi ma mahekile wontihe, ku hava ni gezu ginwe gi wileko hasi.

1 Samueli 26:10

Davida i te ngalo: Nzi hlambanya hi Jehova a hanyako, Jehova yece hi yena a ta nga mu lovisa, kutani ku chikelelwa hi masiku ya kufa kakwe, kutani kuya le yimpini aya dawa kona!