Genesisi 47:24 - Tshwa Bible

²⁴ Zonake a siku ga kutshovela, a xirunzu xa wuntlhanu mu ta nyika Faro, lezi za mune zi tava za nwina, mu ta ti vekela mbewu leyi mu ta nga byala ha yona, ni kuga nwina ni mingango ya nwina ni vanana va nwina.

Genesisi 47:24 Mawu Ofanana

Genesisi 14:20

A khesiwe Nungungulu a nga Hehla-hehla, a nga nyikela valala va wena mandleni ya wena. Na Abrama i lo mu nyika za wukhume ka zontlhe.

Genesisi 14:21

A hosi ya le Sodoma yi te ngalo ka Abrama: Nzi nyike a vanhu, wena u teka a tshomba yontlhe.

Genesisi 28:22

Legi ribye nzi gi yimisako laha akuva mhinga, gi ta kuva a yindlu ya Nungungulu; zonake ka zontlhe lezi u ta nga nzi nyika zona, nzi ta susa nzi nyikela za wukhume.

Genesisi 41:34

Ngha Faro a veka ni tinduna lomu tikweni gontlhe, leti ti ta nga teka xipanze xa wuntlhanu xa lezi va ta nga hula lomu tikweni gontlhe ga Gipite, lomu ka ntlhanu wa malembe ni mambiri ya pfuno.

Genesisi 47:23

Zonake Josefa aku ka vanhu: Nzi mu xavile mu maha vanhu va Faro, nwina ni masimu ya nwina. Makunu a mbewu ya nwina hi leyi, fambani mu ya rima masimu.

Genesisi 47:25

Vona vaku: U hi hlayisile! Ngha hi kuma thomo mahlweni ka hosi ya hina, hina hi ta kuva tikhumbi ta Faro.

Tisimu 112:5

I katekile a munhu loyi a zwelako wusiwana, a lombisa, A timhaka takwe ti ta yimeliwa kulamulweni. Mav. 14:21; Lu. 6:34

Tisimu 41:1

I katekile loyi a zwelako lava va vumalako, Jehova i ta mu hlanguta hi siku ga khombo. Mav. 19:17; Isa. 58:7

Levi 27:30

A xipanze xa wukhume xa zontlhe lezi zi tshovelwako, lezi zi pambulweko lomu ka timbewu, ni mihanzu ya tisinya, za Jehova, zi basiselwe Jehova.

Levi 27:32

Kanilezi a za wukhume za zifuyo lezi za hombe ni lezi za zi tsongwani, zontlhe lezi zi risiwako, a za wukhume ga zona zi ta basiselwa Jehova.

Mitsengo 18:21

Languta, mina nzi nyikile a vanana va ka Levi, a minyikelo ya zontlhe za wukhume, lezi zi humeswako hi va ka Israeli, zi tava tshomba yabye, hi kota ya ntiro lowu va tirako lomu ka tenda ga mutlhangano.

Deuteronome 14:22

Wena u ta susa xipanze xa wukhume ka zontlhe lezi zi ta nga huma ka timbewu ta wena, ni lezi zi ta nga mila lomu masinwini ya wena, wontihe malembe.

Deuteronome 26:12

Loku u mbhetile ku susa zontlhe zawukhume za kuhula ka wena lomu ka lembe ga wunharu, gi nga gona a lembe ga zawukhume, u ta nyika muLevi, ni muluveli, ni xisiwana, ni noni, kasi vona va fela kuga va xura laha mutini wa wena; Levi 27:30