Genesisi 46:34 - Tshwa Bible

³⁴ Nwina mu taku ngalo ka yena: Malanza ya wena mbarisi, kusukela wunwananeni kala lezi, hina ni vararu va hina. Hi kona mu ta ngaya aka le Goxeni, hakuva vontlhe varisi va mitlhambi zinyenyeko lomu Gipite. Gen. 47:6; Ekso. 8:26

Genesisi 46:34 Mawu Ofanana

Genesisi 13:7

Ku wa hi kona maguwa xikari ka varisi va tihomu ta Abrama, ni varisi va tihomu ta Loti; a maKanani ni maPerezi va wa akile lomu tikweni xikhatini lexo.

Genesisi 13:8

Abrama aku ngalo ka Loti: Ngha ku nga hi kona maguwa xikari ka mina na wena, ni xikari ka varisi va mina ni varisi va wena, hakuva hi vamakabye.

Genesisi 26:20

Zonake a varisi va le Gerari va lo kanetisana ni varisi va Isaka, vaku: I mati ya hina. Yena i lo chula a vito ga hlowo ku Eseki; hakuva va lo kanetisana naye.

Genesisi 30:35

Hi lego siku i lo humesa a timhongo leti ta mavalavala, ni ta makhwanga ni wontihe mapswele ya timbuti leti ta matlhakatlhaka ni ta makhwanga, ni tontlhelele leti ta ku basa, ni ta ntima tontlhelele xikari ka tiyivu, i lo ti nyikela canjeni ga vana vakwe.

Genesisi 34:5

Jakobe i lozwa lezaku va xakele a nhanyana wakwe Dina; kanilezi i lo miyela a vafana vakwe va kala va wuya hi le tihonwini le mikoveni.

Genesisi 37:12

Zonake a vanakulobye va Josefa va lo famba kuriseni ka mitlhambi ya raru wabye le Xekemi.

Genesisi 37:2

Makunu a tixaka ta Jakobe hi leti: Josefa i wa hi ni 17 wa malembe na a kari a risa mitlhambi zinwe ni vanakulobye; makunu a mufanyana loyi i wa tolovelene ni vana va Bilha, ni vana va Zilpa, a vasati va raru wakwe; na Josefa i woya a blevela a raru wakwe a wudumo ga kubiha kabye.

Genesisi 43:32

Va lo mu phamela hi tlhelo, ni vaGipite lava a nga kari aga navo va lo phamelwa hi tlhelo, hakuva a vaGipite va wa nga gelani ni maHeberu, hakuva lexi xi wa hi xinyenyeko kabye.

Genesisi 45:10

U ta ta aka tikweni ga le Goxeni, u tava kusuhani na mina, ni vana va wena, ni vazukulu va wena, ni tiyivu ta wena, ni tihomu ta wena, ni zontlhe lezo u nga nazo.

Genesisi 45:18

mu ta ya wuya ni raru wa nwina, ni mingango ya nwina, seno ka mina; nzi ta ta mu nyika tiko ga gi nene ga Gipite, muga kunona ka tiko.

Genesisi 46:32

Vona mbarisi, hakuva a ntiro wabye hi ku risa mitlhambi, va tile ni tiyivu tabye ni tihomu tabye, ni yontlhe nhunzu leyi va nga nayo.

Genesisi 47:11

Josefa i lo akisa a raru wakwe ni vanakulobye lomu tikweni ga Gipite; i lo va nyika wutshamu go nona tikweni ga Ramsesi, kota kuleletela ka Faro.

Genesisi 47:3

Faro aku ka vanakulobye va Josefa: Mitiro ya nwina nja yini? Vaku ka Faro: Malanza ya wena mbarisi, hambu ni vararu va hina kambe.

Genesisi 47:4

Vaku ka Faro kambe: Hi tela ku ta luvela lomu tikweni legi, hakuva a ga hi kona wuriselo ga mitlhambi ya malanza ya wena, hi kota ya ndlala yi tikileko le tikweni ga Kanani; hikwalaho ha ku kombela lezaku a malanza ya wena ma vumelwa ku aka le tikweni ga le Goxeni.

Genesisi 47:6

A tiko ga Gipite gi kona mahlweni ka wena; akisa a raru wa wena ni vanakuloni ka tiko go saseka nguvu; va akise tikweni ga le Goxeni. Loku va hi kona vavanuna vo tlhariha xikari kabye, va yimise a kuva varisi va tihomu ta mina.

Eksodusi 8:22

A siku lego nzi ta hambanyisa a tiko ga Goxeni, legi ku tshamako a vanhu va mina, lomo ku nga tava kona mabhawani, kasi wa fela ku zi tiva lezaku nzi mina Jehova xikari ka misava.

Eksodusi 8:26

Mosi aku ngalo: A zi faneli ku maha lezo; hakuva a miphahlelo leyi hi phahlelako ha yona Jehova, Nungungulu wa hina, yi tava leyi yi yilako ka vaGipite. Loku hi tlhava lezi zi yilako mahlweni ka vaGipite, va ta hi gandla hi maribye.