Genesisi 46:3 - Tshwa Bible

³ Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.

Genesisi 46:3 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 15:13

Na yena i te ngalo ka Abrama: Zi tive khwatsi lezaku a pswalo wa wena wu tava valuveli a tikweni legi gi nga hiko gabye, va ta ya khoza; va ta xaniswa 400 wa malembe;

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 18:18

Lezo Abrahama a ta ngava tiko ga hombe ga ntamu hakunene, a matiko wontihe ya misava ma ta katekiswa hi yena. Ekso. 1:7; Miti. 3:25; Gal. 3:8

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 35:11

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

Genesisi 47:27

A vaIsraeli va lo aka tikweni ga Gipite le tikweni ga Goxeni; laho va lo fuya, va tala, va enzelekelana nguvu.

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

Genesisi 48:19

Kanilezi a raru wakwe i lo ala, aku: Nza zi tiva, nwananga, nza zi tiva; yenawu i tava a tiko, ni lezaku yenawu i tava wa hombe; hambu zi hi tano a nzisana yi tava wa hombe kakwe, ni pswalo wakwe wu tava matiko manyingi.

Eksodusi 1:12

Kanilezi hambu lezo va nga wa xaniswa, hi laho va nga wa anza nguvu, va tala. Hi laho a vanana va ka Israeli va nga wa vengiwa ha kona.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Jeremia 40:9

Zonake Gedalia a nʼwana Ahikamu wa Xafani i lo hlambanya ka vona ni ka vanhu vabye, aku: Mu nga chaveni a ku tirela a maKaldea! Tshamani lomu tikweni, mu tirela a hosi ya le Babuloni, mu ta tshameka khwatsi.

Mitiro 27:24

yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.

Mitiro 7:17

Kanilezi loku xi chikele a xikhati xa xitsumbiso, lexi Nungungulu a nga xi tsumbisa ka Abrahama, a vanhu va wa anza va enzelekelana le Gipite, Gen. 15:13

Deuteronome 1:10

Jehova Nungungulu wa nwina i mu enzelekisile, zonake inyamutlha mu tele kota tinyeleti ta tilo.

Deuteronome 10:22

Vararu va wena va relele vaya Gipite na va hi 70, makunu lezi Jehova Nungungulu wa wena i ku anzisile khwatsi hi tinyeleti ta tilo. Gen. 15:5; 22:17; 46:27

Deuteronome 26:5

Zonake wena u ta wulawula mahlweni ka Jehova Nungungulu wa wena, uku: Dadani i wa hi muAramea loyi a nga lava kufa, kanilezi i loya Gipite ni tsengo wutsongwani wa vanhu, a tshama kona na hi muluveli; na yena i mahile a tiko ga hombe ga ntamu, ga vanhu vo tala. Gen. 11:31; 46:5