Genesisi 46:1 - Tshwa Bible

¹ Israeli i lo suka ni zontlhe lezi a nga wa hi nazo; i lo chikela Berexeba, a phahlela ka Nungungulu wa Isaka, a raru wakwe.

Genesisi 46:1 Mawu Ofanana

Genesisi 12:8

I lo rura laho aya xitsungeni le Mutsuwuka-gambo wa Beteli, a ya yimisa a tenda gakwe kona, kasi Beteli ku le Muhlwa-gambo, ni Ai ku le Mutsuwuka-gambo; laho i lo aka a alati ga Jehova, a khozela a vitweni ga Jehova kona.

Genesisi 21:14

Abrahama i lo vuka ni mixo a teka a kuga ni nghotso ya mati, a nyika Hagari, a yi pakatsa makatleni yakwe, i lo mu nyika ni nʼwana a mu fambisa; i lo famba a nzulanzula xiwuleni xa Berexeba.

Genesisi 21:31

Hikwalaho i lo chula lego wutshamu ku ngalo hi Berexeba; hakuva va lo hlambanya laho vona vambiri.

Genesisi 21:33

Abrahama i lo byala a tisinya le Berexeba, i lo khongela laho a vito ga Jehova. Nungungulu wa pinzukelwa.

Genesisi 22:13

Abrahama i lo tlakusa a mahlo yakwe, i lo wona a hamba hi lenzhako kakwe na yi khwekele lomu likwareni hi timhonzo ta yona; Abrahama i lo ya teka a hamba, a yi maha munyikelo wa kuhiswa wutshanwini ga nʼwana wakwe.

Genesisi 28:10

Jakobe i lo suka le Berexeba aya le Harani.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 31:42

Loku ku wa nga hi lezi a nga na mina Nungungulu wa dadani, ni Nungungulu wa Abrahama, loyi Isaka a mu chavako, ngha u lo nzi fambisa na nzi nga hi na nchumu. Nungungulu i wonile a kuxaniseka ka mina, ni mitiro ya mandla ya mina, a kala a ku kawuka atolo ni wusiku.

Genesisi 31:53

Nungungulu wa Abrahama, Nungungulu wa Nahori, ni Nungungulu wa vararu vabye, a lamule xikari ka mina na wena. Jakobe i lo hlambanya hi loyi a chabyiwako hi Isaka.

Genesisi 33:20

Laho i lo aka a alati, i lo gi chula ku ngalo hi El-Elohe-Israeli.

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

Genesisi 35:7

Zonake i lo aka laho a alati, a gi chula wutshamu lego ku ngalo, El-Beteli; hakuva hi kwalaho Nungungulu a nga ti wonekelisa ka yena xikhatini lexi a nga wa chava nakulobye.

Genesisi 4:4

Na Abeli i lo neha a matewula ya tiyivu takwe, leyi yi nonileko. Jehova i lo xalala ha Abeli ni munyikelo wakwe; Maheb. 11:4

Genesisi 45:28

Zonake Israeli aku: Ku enele! A nʼwana wa mina wa hanya; nzi taya nzi ya mu wona na nzi nga se kufa.

Genesisi 8:20

Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Amosi 7:9

A matshamu ma tlakukileko ya Isaka ma ta hahlulwa, ni matshamu ma basileko ya ka Israeli ma ta hangalasiwa; nzi ta vukela a yindlu ya ka Jeroboamu hi supado. 2 Tih. 17:20

Mitiro 7:15

Jakobe i lo relela aya Gipite, a ya fela kona, yena ni vakoko va hina; Gen. 49:33; Ekso. 1:6

Joxua 24:4

Na Isaka nzi lo mu nyika Jakobe na Esau. Esau nzi lo mu nyika xitsunga xa Seire, xi maha xakwe; kanilezi Jakobe ni vanana vakwe va lo relela Gipite. Gen. 25:21, 24; 46:1

1 Samueli 3:20

Vontlhe va ka Israeli, kusukela le Dani kala le Bere-Xeba, va lo zi tiva lezaku Samueli i yimisilwe ku maha muprofeti wa Jehova.

1 Samueli 8:2

A vito ga nʼwana wakwe wa matewula i wa hi Joeli; a ga nzisana ya kona i wa hi Abija. Va wa hi valamuli le Berxeba.