Genesisi 44:29 - Tshwa Bible

²⁹ Hikwalaho loku mu nzi tekela ni loyi, kutani a kumiwa hi timhango, nwina mu ta relelisa a wuvu ga hloko ya mina hi xiviti le nkeleni.

Genesisi 44:29 Mawu Ofanana

Genesisi 37:35

A vafana vakwe vontlhe ni vanhanyana vakwe vontlhe va lo mu chavelela, kanilezi i lo ala ku chavelelwa, aku: Nzi ta relela nziya kufeni a ka nʼwana wa mina hi hlomulo. A raru wakwe i lo mu rilela.

Genesisi 42:36

Jakobe a raru wabye, aku ka vona: Ma nzi mbhetela vanana! Josefa a nga ha hi kona, yenawu Simoni a nga ha hi kona, lezi mu lava ku nzi tekela na Benjamini. Zontlhe zo nzi xanisa mina!

Genesisi 42:38

Jakobe aku; Mu nga ta famba ni nʼwana wa mina, hakuva a nakulobye i file, hi yena yece a seleko; loku mu famba naye mu dzuka mu humelwa hi mhango lomu ndleleni leyo mu ta nga famba ka yona, mu ta relelisa a wuvu ga mina hi xiviti le nkeleni.

Genesisi 42:4

Kanilezi Benjamini, a nakulobye wa Josefa, Jakobe a nga mu rumangi ni vanakulobye, hakuva i waku a nga dzuka a humelwa hi mhango.

Genesisi 43:14

Nungungulu wa Ntamu Wontihe a mu mahe mu kuma thomo mahlweni ka naloye, kasi a fela ku mu tlhatlhisela munwani nakuloni zinwe na Benjamini. Loku mina zi nzi fanele a kuva nzi lahlekelwa hi vana va mina, a nzi lahlekelwe hi vona.

Genesisi 44:31

laha a ta nga wona lezaku a mufana a nga kona, zalezo i tafa, zonake hina malanza ya wena hi ta relelisa a wuvu ga hloko ya raru wa hina nkeleni na a hi ni xiviti.

Deuteronome 31:17

Kanilezi a zanga ya mina yi ta vura hi lego siku, nzi va tsika, nzi fihla a nghohe ya mina ka vona, va lobyiswa, a makhombo ya ku tala ni hlomulo zi tata hehla kabye, zonake va ta ku ngalo: Kasi lawa makhombo ma tako hehla ka hina, a hi lezi Nungungulu wa hina a nga hiko kona xikari ka hina ke?