Genesisi 43:30 - Tshwa Bible

³⁰ Zonake Josefa i lo hatlisa a ya lava wutshamu go ya rila ka gona, hakuva a mbilu yakwe yi lo henyiwa hi liranzo ka nakulobye; i lo enghena ndlwini yakwe, a ya rila kona.

Genesisi 43:30 Mawu Ofanana

Genesisi 42:24

Zonake Josefa i lo va fularela a rila; i lo tlhela a wuya kabye a ta wulawula navo; i lo teka Simoni a mu boha mahlweni kabye.

Genesisi 45:2

Zonake i lo tlakusa a gezu gakwe i lo rila; ni vaGipite va lo zizwa zinwe ni yindlu ya Faro.

Genesisi 46:29

Zonake Josefa i lo bohelela a kareta yakwe, i lo kanzihaa ku ya khinga Israeli a raru wakwe le Goxeni. Laha na a chikele kakwe, i lo wela nhanweni yakwe, a rila lomu nhanweni ya raru wakwe xikhati xo leha.

1 Tihosi 3:26

Zonake a nwinyi wa nwanana loyi a hanyako i lo dzuka lomu mbilwini yakwe, aku ka hosi: Hosi yanga: Mu nyike a nwanana loyi a hanyako, va nga kali va mu daya! Kanilezi loyi munwani i te ngalo: Cima a nga ta kuva wa mina, hambu kuva wa wena, a panziwe hi laha xikari! Isa. 49:15

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Mitiro 20:19

nzi tirela Hosi hi kutikoramisa kontlhe ni mihloti, ni xikari ka minzhingo leyi nzi nga welwa ha yona hi kota ya makungo ya vaJuda; Vesi 3

Mitiro 20:31

Hikwalaho rinzelani, na mu alakanya lezaku hi malembe manharu a nzi tsikangi ku luleka munwe ni munwani wa nwina hi mihloti a wusiku ni mumu.

Mitiro 20:37

Vontlhe va lo rila nguvu, va wela nhanwini ya Paule, va mu pswopswa, Gen. 45:14

Va le Filipi 1:8

Hakuva Nungungulu hi kustumunyu wa mina, lezaku nwina nza xuva ku mu wona hi liranzo la Kristu Jesu.

Va le Filipi 2:1

Hikwalaho loku ku hi kona a kutangaliswa ka Kristu, loku ku hi kona a kuchavelelwa ka liranzo, loku ku hi kona a kutlhangana ka Moya, loku ku hi kona wuxinji ni ku zwela wusiwana. 2 Kor. 13:14

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

2 Timote 1:4

ni loku nzi alakanya a mihloti ya wena, nzi navela ku ku wona, lezaku nzi fela ku tatiswa hi kutsaka;

1 Johani 3:17

Kanilezi kani hi wihi a nga ni zilo za tiko legi, a wona makabye na a vumala, a nga mu hawukeli, a liranzo la Nungungulu li nga tshamisa kuyini ka yena? Deut. 15:7; Lu. 3:11