Genesisi 43:18 - Tshwa Bible

¹⁸ Zonake va lo dzuka, hilezi va nga wa heleketwa ndlwini ya Josefa, vaku: Hi yiswa lomu ndlwini yakwe hi kota ya mali yi nga wa enghenisilwe lomu tisakweni ta hina xikhati lexiyani; kasi va kuma xigelo xo hi vukela ha xona, va wela hehla ka hina, va hi khoma ni timbongola ta hina, hi maha tikhumbi takwe.

Genesisi 43:18 Mawu Ofanana

Genesisi 42:21

Vona va lo wulawulisana voce, vaku: Hakunene hi na ni nanzu ka nakulori, hakuva hi lo mu wona na a xaniseka Mbilwini yakwe, hi ala ku mu zwela wusiwana, laha a nga wa hi khongotela; hi kota ya lezo ha humelwa hi khombo ga kunghahi.

Genesisi 42:27

Laha va nga chikela wutshanwini ga ku etlela, a munwe wabye i lo tlhatlha a sakwa yakwe kasi ku nusela mbongola yakwe, i lo wona mali yakwe na yi hi kona nonwini wa sakwa yakwe.

Genesisi 42:28

Zonake aku ka vanakulobye: A mali ya mina yi tlhelisilwe, hi leyi lomu sakweni ya mina. Zonake a timbilu tabye ti lo dzuka, va rurumela vaku ka munwe ni munwani: Xana xini lexi Nungungulu a hi maheleko!

Genesisi 42:35

Makunu laha va nga wa chulula tisakwa tabye, va lo kuma zikhwama za timali tabye vontlhelele; laha va nga wona zikhwama za timali tabye, va lo dzuka zinwe ni raru wabye.

Genesisi 43:17

A wanuna i lo maha kota lezi Josefa a leleteleko, i lo va heleketa ndlwini ya Josefa.

Genesisi 43:19

Va lo tshinela ka nekwa ya yindlu ya Josefa, va lo wulawula naye laha nyangweni ya yindlu,

Genesisi 44:8

Cuwuka, a mali leyi hi nga yi kuma milonwini ya tisakwa ta hina hi tlhelile hi yi neha ka wena, xikhati lexi hi ngata hi le Kanani; makunu hi nga mahisa kuyini a ku yiva a siliva kutani nzalama lomu ndlwini ya hosi ya wena?

Joba 15:21

A guwa ga kuchaviseka ga zwala tindleveni ta yena; Hambu loku ku rulile a mulovisi i ta wela hehla kakwe. Levi 26:36; Deut. 28:65

Joba 30:14

Va nzi tela khwatsi hi loku va enghena hi lifa lo anama, Va ti hoxa xikari ka marumbi.

Tisimu 53:5

Va wa hi ni kuchava ka hombe lomo, Laha ku nga kala ku nga hi na nchumu wo chavisa; Hakuva Nungungulu i hangalasile a marambu ya lava va ku ranzelako; U va wisile tingana hakuva Nungungulu i va tsikile.

Tisimu 73:16

Laha nzi nga alakanya a timhaka leti a kuva nzi ti pimisisa, Zi wa nzi karata nguvu,

Isaya 7:2

Zonake a yindlu ya ka Davida yi byeliwa lezaku: Siria i govile le ka Efraime, zonake a mbilu ya Ahazi ni timbilu ta vanhu vakwe ti lo rurumela, khwatsi a tisinya ta khwati ti tsekatsekiswako hi mheho.

Danieli 6:4

Makunu a tinduna ni tihosana ti lo lava a xigelo xo bihisa Danieli ntirweni wa mufumo, kanilezi a va kumangi mhaka hambu ni nanzu; hakuva i wa tsumbekile, ku wa nga hi na xihoxo hambu xihoheto xi nga kumiwa kakwe.

Marku 6:16

Kanilezi laha Herodi na zi zwile, i te ngalo: Hi Johani, loyi nzi nga mu tsema hloko, i vukile hi ka vafileko. Mat. 14:2; Lu. 3:19

Va le Roma 7:8

Kanilezi a kuonha ku lo kuma xikhati hi kota ya xileletelo ku vuxa nzeni ka mina a tixaka tontlhe ta kunavela; hakuva ahandle ka nayo a kuonha ku file. Xip. 4:15

Deuteronome 22:14

a wulawula ha yena timhaka ta tingana, a mu lumbeta hi leʼzo biha, aku: Loyi wasati nzi mu tekile, na nzi tshinele ka yena, a nzi mu kumangi na hi mubulwa!

Deuteronome 22:17

Makunu i wulawula ha yena a timhaka ta tingana, aku: A nzi kumangi a nʼwana wa wena na hi mubulwa. Kanilezi a xiwoniso xa wubulwa ga nʼwana wa mina hi lexi. Na vona va ta andlala a nguwo mahlweni ka masingalakati ya muti.

Valamuli 13:22

Manoa aku ka sati wakwe: Hizinene hi tafa, hakuva hi wonile Nungungulu. Ekso. 33:20; Deut. 5:26

Valamuli 14:4

Kanilezi a raru ni nyine wakwe va wa nga zi tivi lezaku a mhaka leyo yita hi ka Jehova, lezaku kasi Samsoni a kuma ndlela yo vukela ha yona maFilistia; hakuva lexo xikhati a maFilistia ma wa fumela va ka Israeli.