Genesisi 43:11 - Tshwa Bible

¹¹ Israeli a raru wabye aku ka vona: Loku zi nghaho, mu fanele ku mahisa lezi: Tekani tisakwa ta nwina, mu chela mihanzu yo nanziha ya tiko legi lomu tisakweni ta nwina, mu ya nyika inaloye; mu teka ni hlakati ni wulombe ni makha, ni mure, ni timanga, ni maalmonde.

Genesisi 43:11 Mawu Ofanana

Genesisi 33:10

Jakobe i lo hlamula aku: Ahihi, loku mina nzi kumile thomo mahlweni ka wena, amukela xinyikiwo xa mina; hakuva nzi wonile a nghohe ya wena kotisa loyi a wonileko a nghohe ya Nungungulu, u nzi amukela hi kurula.

Genesisi 37:25

Zonake va to tshama lahasi vaga. Lokuloku va lo tlakusa a mahlo yabye va wona a ntlawa wa va ka Ixmaeli na vata hi le Gileadi, na va hi ni makameli na ma rwele a hlakati ni makha, na vaya nazo le Gipite.

Genesisi 43:10

Hakuva loku hi wa nga hlwelangi, lezi ngha hi tlhelele kambiri.

Genesisi 43:14

Nungungulu wa Ntamu Wontihe a mu mahe mu kuma thomo mahlweni ka naloye, kasi a fela ku mu tlhatlhisela munwani nakuloni zinwe na Benjamini. Loku mina zi nzi fanele a kuva nzi lahlekelwa hi vana va mina, a nzi lahlekelwe hi vona.

Genesisi 43:15

Zonake va lo teka zinyikiwo lezo, va teka ni mali yi wuyetilweko ku hlayiwa canjeni gabye, zinwe na Benjamini; va lo suka va relela kuya Gipite va lo ya chikela ka Josefa.

Genesisi 43:25

Vona va lo longisa zinyikiwo zabye, kasi ku ta nyika Josefa xikhati xa kuwuya kakwe laha munwini; hakuva va wa zwile ku ngalo va taga laho zakuga.

Genesisi 43:26

Laha Josefa a nga wa enghenile lomu ndlwini, va lo neha zinyikiwo lezi va nga wa hi nazo, va ti koramisa mahlweni kakwe.

1 Tihosi 10:15

ahandle ka leyi yi ngata hi ka vamahungani ni ka vaxavisi, ni ka tihosi tontlhe ta le Arabia, ni ka tinduna ta tiko.

1 Tihosi 10:25

loyi ni loyi i lo nehela nzuwo yakwe, zi nga zona zibya za siliva ni za nzalama, ni tinguwo, ni matlhari, ni mipepo, ni mahaxi, ni mamula, zi mahiwa lezo lembe ni lembe.

1 Tihosi 15:19

A kuve kona kuzwanana xikari ka mina na wena, kota lezi ku nga wa hi kona xikari ka raru wa wena ni raru wa mina. Languta, nza rumela ka wena a zinyikiwo za siliva ni za nzalama. Makunu fuvisa a kuzwanana ka wena na Baaxa a hosi ya ka Israeli, kasi yena a fela ku Suka ka mina.

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

2 Tihosi 16:8

Ahaza i lo teka a nzalama ni siliva, lezi zi nga wa hi lomu ndlwini ya Jehova, ni mali ya lomu ndlwini ya hosi, a zi rumela ka hosi ya le Asiria a ku va xinyikiwo. 1 Tih. 15:18

2 Tihosi 20:12

Xikhatini xwalexo Berodaki-Baladani nʼwana Baladani a hosi ya le Babuloni, i lo rumela a papilo ni zinyikiwo ka Hezekia, hakuva i wa zwile lezaku i wa babya.

2 Tihosi 8:8

A hosi yi te ngalo ka Hazaeli: Teka a zinyikiwo u ya wonana ni munhu wa Nungungulu, u wutisa ha yena ka Jehova, uku: Xana nzi ta kalamuka ka legi wubabyi ke?

Estere 4:16

Famba u ya tsombanyisa vontlhe vaJuda lava va nga le Xuxani mu nzi yilela, mu heta masiku manharu na mu ngagi ge hambu kunwa wusiku ni mumu. Minawu ni vanhanyana hi ta maha lezo, zonake nzi taya ka hosi, hambu lezi wu nga hiko nayo; loku nzifa, a nzife.

Tisimu 68:29

Na u hi lomu tempeleni ya wena le Jerusalema; A tihosi ti ta ku humesela zinyikiwo.

Tisimu 72:10

A tihosi ta Tarxixi ni ta le zihlaleni ti ta neha nzhuvo, Ni tihosi ta le Xeba ni Seba ti ta humesa zinyikiwo. Isa. 60:5; Mat. 2:11

Tisimu 76:11

Fungani ka Jehova a Nungungulu wa nwina, mu tatisa zifungo za nwina; Vontlhe lava va mu ranzeleko ngha va neha zinyikiwo ka loyi a faneleko ku chabyiwa. Deut. 23:21

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Mavingu 17:18

A munhu a nga hiko na kupima wa tsumbisa, ti enghenisa nanzwini wa muakelane.

Mavingu 18:16

A xinyikiwo xa munhu xa mu mahela wutshamu; i mu tshineta mahlweni ka vanhu va hombe,

Mavingu 19:6

Vanyingi va sasela hosana; unhu ni munhu munghana wa loyi a nyikako zinyikiwo.

Mavingu 21:14

A xinyikiwo xa le xihundleni xi bohlisa zanga; i nchachazelo wa le kufihlaleni wu bohlisa khulo ga hombe.

Xizimba xa ka Solomoni 4:10

Li nanzihisa kuyini a liranzo la wena, makweru wanga, makoti wa mina! A liranzo la wena li hunza vinya; Ni kunuhela ka mafura ya wena ku hunza tontlhe tixaka ta makha.

Xizimba xa ka Solomoni 4:14

A narda ni safroni, Kalamusi ni kinamoni, ni tontlhe tisinya ta hlakati; A mure ni alosi, ni mipepo yontlhe yo nuhela.

Xizimba xa ka Solomoni 8:14

Suka, u tsutsuma, xiranzwa xanga, Kukotisa a pswele ga mhuti, kutani ximhutana, Hehla ka zitsunga za zibyalwa za kunuhela.

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Ezekieli 27:15

A vana va Dedani va wa xuja ka wena; a zihlale zinyingi zi wa hi mabazari a mandleni ya wena. Va wa ku xavela hi timhonzo ta tindlovu ni ebano.

Ezekieli 27:17

Juda ni tiko ga Israeli va wa xuja ka wena; va wa xava zibya za wena hi tirigo ga le Miniti, ni Pannagi, ni wulombe, ni mafura, ni balsamu.

Ezekieli 27:22

A vamahungani va le Xeba ni le Raama va lo xuja ka wena, va xava zibya za wena hi mipepo yo nuhela khwatsi, ni maribye ya lisima, ni nzalama.

Levi 20:24

Nzi sina nzi mu byelile lezaku: Nwina mu taya fumela a tiko gabye, nzi ta mu nyika gona giva tshomba ya nwina; a tiko gi khulungako masi ni wulombe. Hi mina Jehova, Nungungulu wa nwina, loyi nzi mu hambanyisileko xikari ka matiko.

Mitiro 21:14

Laha a nga kala a nga hi ingisi hi lo miyela, hiku: A kuranza ka Hosi a ku maheke. Mat. 6:10; 26:42; Lu. 11:2; 22:42

Deuteronome 33:14

Ni mihanzu yo nanziha ya gambo, Ni mihanzu yo nanziha ya tihweti,

1 Samueli 25:27

Makunu a xinyikiwo lexi a nanza ga wena a xi nehileko ka hosi ya mina, ngha u nyika majaha lawa ma lanzelako a hosi ya mina.

1 Samueli 9:7

Saule i te ngalo ka nanza gakwe: Hi zona; kanilezi loku hiya ka munhu wa kona, hi ta famba na yini ke? Hakuva a hi na zibaba lomu mikwameni ya hina, ni kambe a hi na munyikelo wa ku ya nyikela ka munhu loye wa Nungungulu. Xini hi nga naxo? 1 Tih. 14:3; 2 Tih. 4:42