Genesisi 42:28 - Tshwa Bible

²⁸ Zonake aku ka vanakulobye: A mali ya mina yi tlhelisilwe, hi leyi lomu sakweni ya mina. Zonake a timbilu tabye ti lo dzuka, va rurumela vaku ka munwe ni munwani: Xana xini lexi Nungungulu a hi maheleko!

Genesisi 42:28 Mawu Ofanana

Genesisi 27:33

Isaka i lo dzuka hi kururumela ka hombe nguvu, aku: Himani yena loyi a nga nzi hlotela nyama, a yi neha ka mina? Nzi loga yontlhe na u nga se ku chikela wena, nzi lo mu katekisa. Hakunene a xikatekiso xi na yena.

Genesisi 42:29

Laha na va chikele ka Jakobe a raru wabye, le tikweni ga le Kanani, va lo hlawutela zontlhe lezi zi nga va humela, vaku:

Genesisi 42:36

Jakobe a raru wabye, aku ka vona: Ma nzi mbhetela vanana! Josefa a nga ha hi kona, yenawu Simoni a nga ha hi kona, lezi mu lava ku nzi tekela na Benjamini. Zontlhe zo nzi xanisa mina!

Genesisi 43:23

A nekwa yiku ka vona: A kurula a kuve na nwina, hakuva Nungungulu wa nwina ni Nungungulu wa raru wa nwina hi yena a mu nyikileko mali lomu tisakweni ta nwina; a mali ya nwina nzi yi kumile. Zonake i lo humesa Simoni lomu paxweni.

1 Tihosi 10:5

ni zakuga za laha mezeni yakwe, ni matshamela ya malanza yakwe, ni matirela ya tinduna takwe, ni tinguwo tabye, ni vakhomi va magombe yakwe, ni minyikelo leyi a yi nyikelako lomu ndlwini ya Jehova, zonake i lo mbhela ntamu hi kuhlamala,

Tisimu 61:2

Nzi rilela ka wena na nzi hi magemeta-musi wa misava, Hakuva a mbilu ya mina ya mbhela ntamu; Nzi fambise ribyeni legi gi tlakukileko ku nzi hunza.

Xizimba xa ka Solomoni 5:6

Nzi lo vululela a muranziwa wa mina, Kanilezi i wa sina a sukile; A muhefemulo wa mina wu lo nyawutana loku a wulawulile na mina. Nzi lo mu lava, kanilezi a nzi mu kumangi; Nzi mu vitanile, kanilezi a nga nzi hlamulangi.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Mikosi 3:37

Himani a zi kotako ku wula a mhaka yi maheka, Loku Hosi yi nga yi leletangi ke?

Levi 26:36

Kasike lava va ta nga pona, nzi ta va maha va tsemeka mihlana lomu matikweni ya valala vabye. A guwa ga tluka gi ta va hlongola, va tsutsuma khwatsi hi loku va tsutsuma mahlweni ka matlhari, va tawa na va nga hlongolwi hi munhu. Isa. 30:17

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Luka 21:26

Vanhu va ta titivala hi kuchava, ni ku langutela lezi zi tako tikweni; hakuva a mintamu ya tilo yi ta tsekatsekiswa.

Deuteronome 28:65

A xikari ka lawo matiko wena u nga ta kuma kurula, ni kambe cima ku nga tava kona kuhumula ka nkonzo wa wena; kanilezi leyo Jehova i ta ku nyika a mbilu yo rurumela, ni mahlo ma pfhupelako, ni mbilu yi gavata-nako.