Genesisi 42:15 - Tshwa Bible

¹⁵ nwina mu ta ringiwa laha, hakuva nzi tiyisile na nzi hlambanya hi wutomi ga Faro! Cima mu nga ta huma laha, loku mu nga nehi nzisana ya nwina laha!

Genesisi 42:15 Mawu Ofanana

Genesisi 42:12

Yena aku ka vona: Ahihi, mu tela ku ta hlola tiko kasi ku wona laha mu ta nga gi putsuketa ha kona.

Genesisi 42:14

Josefa aku ka vona: Hi zalezo nzi wulako ha zona lezaku mu tihloli;

Genesisi 42:16

Rumani munwe wa nwina a lanza nzisana ya nwina; nwina nwentlhe mu ta bohiwa mu sala laha, kasi a timhaka ta nwina ti ta woneka lezaku ti nene; loku zi nge nghaho, nza hlambanya hi wutomi ga Faro, mu tihloli.

Genesisi 42:20

Mu ta ya wuya ni makabye wa nwina wa tsongwani, kasi magezu ya nwina ma woneka ma hi ya zinene, kasi mu ngafi. Va lo maha zalezo.

Genesisi 42:30

Inaloye, a hosi ya tiko lego, i la su wulawula ka hina hi mona, aku: Mu tela ku ta hlola tiko.

Genesisi 42:34

Mu ta ya wuya ni nzisana ya nwina, kasi nzi ta tiva lezaku a mu tihloli, mu vanhu va nene. Nzi ta ta mu nyika nakuloni, ni lezaku mu ta simamisa kuta mu xuja ka legi tiko.

Genesisi 42:7

Laha Josefa a nga wona vanakulobye, i lo va tiva; yena i lo ti mahisa ku khwatsi hi munhu a nga va tiviko, a wulawula kabye hi mona, aku: Muta hi kwihi? Vaku: Hita hi tikweni ga le Kanani, hita hi ta xava zakuga.

Genesisi 43:3

Juda i lo hlamula, aku: Inaloye i tiyisile ka hina, aku: Cima mu nga ta wona a nghohe ya mina loku mu nga wuyi ni nzisana ya nwina.

Genesisi 43:5

Kanilezi loku u nga hi vumeli ku famba naye, cima hi nga ta famba, hakuva inaloye i te ngalo ka hina; Mu nga ta wona a nghohe ya mina loku mu nga wuyi ni nzisana ya nwina.

Jeremia 5:2

Hambu lezi va nge ngalo: Jehova wa hanya; Vona va hlambanya hi mawunwa.

Jeremia 5:7

Xana nzi nga ku tsetselelisa kuyini? A vanana va wena va nzi tsikile, va hlambanya hi lava va nga hiko vanungungulu. Hambu loku nzi va xurisile hi gi eneleko, vona va mahile wubhayi, va lo tsombana lomu ndlwini ya wuoswi na va tele nguvu.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Jakobe 5:12

Nguvunguvu, vamakabye va mina, mu nga hlambanyi hi nchumu, hambu hi tilo, hambu ni misava, ge ni kwihi kuhlambanya; kanilezi ngha a Ina wa nwina a hi Ina, ni Ahihi wa nwina a hi Ahihi; kasi mu nga weli kulamulweni. Mat. 5:34

1 Samueli 1:26

A wasati aku: Hosi yanga, khwatsi hi lezi a muhefemulo wa wena wu hanyako, nzi mina wasati loyi a nga yimile laha mahlweni ka wena, nzi khongela ka Jehova.

1 Samueli 17:55

Makunu a xikhati Saule a nga wona Davida na ya vukela vaFilistia, i te ngalo ka Abneri a nduna ya yimpi: Abneri, a mufana loyi i nʼwana mani? Abneri i lo hlamula, aku: Khwatsi hi lezi a muhefemulo wa wena wu hanyako, O hosi, a nzi mu tivi.

1 Samueli 20:3

Zonake Davida i lo hlambanya aku: A raru wa wena wa zi tiva lezaku mina nzi kumile thomo mahlweni ka wena, zonake i taku: Jonatani ngha a nga tivi a mhaka leyi, yi nga mu tsanwisa! Kanilezi nzi hlambanya ha Jehova a hanyako, ni muhefemulo wa wena wu hanyako; ko sala xipimo xa zambo ginwe basi a kuva nzi chikela kufeni.