Genesisi 42:13 - Tshwa Bible

¹³ Vaku kakwe: Hina malanza ya wena hi 12 wa vavanuna, a vana va munhu munwe le tikweni ga le Kanani; loyi wa tsongwani i sele kaya ni dadani wa hina, kanilezi munwani a nga hi kona.

Genesisi 42:13 Mawu Ofanana

Genesisi 37:30

Hikwalaho i lo hanzula tinguwo takwe, i lo wuya ka vanakulobye aku: A nwanana a nga ha hi kona, xana nzi taya kwihi mina?

Genesisi 42:11

Hina hontlhe hi vana va munhu munwe, hi vanhu va nene, a malanza ya wena cima a hi tihloli ta nchumu.

Genesisi 42:12

Yena aku ka vona: Ahihi, mu tela ku ta hlola tiko kasi ku wona laha mu ta nga gi putsuketa ha kona.

Genesisi 42:14

Josefa aku ka vona: Hi zalezo nzi wulako ha zona lezaku mu tihloli;

Genesisi 42:32

Hina hi vana va raru munwe; hi wa hi khume ni vambiri, kanilezi munwani a nga ha hi kona, ni loyi wa nzisana i le kaya ka dadani le tikweni ga Kanani.

Genesisi 42:36

Jakobe a raru wabye, aku ka vona: Ma nzi mbhetela vanana! Josefa a nga ha hi kona, yenawu Simoni a nga ha hi kona, lezi mu lava ku nzi tekela na Benjamini. Zontlhe zo nzi xanisa mina!

Genesisi 42:38

Jakobe aku; Mu nga ta famba ni nʼwana wa mina, hakuva a nakulobye i file, hi yena yece a seleko; loku mu famba naye mu dzuka mu humelwa hi mhango lomu ndleleni leyo mu ta nga famba ka yona, mu ta relelisa a wuvu ga mina hi xiviti le nkeleni.

Genesisi 43:29

Josefa i lo tlakusa mahlo yakwe a wona Benjamini a nakulobye wo belekwa naye nyine munwe, aku: Hi yena nakuloni tsongwani loyi mu nga nzi hlawutela ha yena ke? Aku: Nungungulu a ku katekise, nwananga!

Genesisi 43:7

Vona va lo hlamula, vaku: Inaloye i lo hi wutisisa hi kutikisa, a timhaka ta hina ni ngango wa hina, aku: A raru wa nwina wa hanya ke? Hikwalaho hina hi lo mu byela, hi hlamula magezu yakwe. Ngha hi zi tivisile kuyini lezaku i taku ngalo: Fambani mu ya teka a nakuloni ke?

Genesisi 44:20

Hina hi te ngalo ka hosi ya mina: Hi naye raru, yena xikhosana, ni nʼwana loyi a nga mu beleka wukhosaneni gakwe, wa nzisana; ni nhonzo yakwe a yi kona, hi yena yece a seleko lomu ndlwini ya nyine wabye, hikwalaho dadani wa mu ranza nguvu.

Genesisi 44:28

Munwani i lo suka ka mina, mina nzi alakanya lezaku i pfhemulwe hi zivanza; kusukela lezo a nza ha mu wonangi kambe.

Genesisi 45:26

Zonake va lo ya mu byela ku ngalo: Josefa wa hanya; hi yena a nga hosi lomu tikweni gontlhe ga Gipite. Kanilezi a mbilu ya Jakobe yi lo mbhela ntamu, hakuva i wa nga kholwi ha vona.

Jeremia 31:15

Jehova i ngalo: A huwa ya zwala le Rama, Ya hlomulo ni mihloti ya xiviti, Hi Rakeli a rilelako zihlangana zakwe, Wa ala ku chavelelwa kota lezi a vana vakwe va teku bhi.

Mikosi 5:7

Vadadani va hina va onhile, makunu a va ha hi kona, Hi hina hi rweleko a zigoho zabye. Ekso. 20:5; Ezek. 18:2

Mateu 2:16

Zonake Herodi laha na a wonile lezaku i kanganyisilwe hi titlhari, i lo zangara nguvu; i lo rumela ku ya daya a zihlangana zontlhe za vavanuna za lomu Betlehema ni tiko ga kona, a ku sukela ka va malembe mambiri nf kuya hasi, hi ku pima xikhati lexi a nga wutisisa ha xona a titlhari.

Mateu 2:18

A huwa yi lo zwala le Rama, A kurila ni hlomulo wa hombe; Hi Rakeli a rilelako a vanana vakwe; I wa nga vumeli ni ku chavelelwa, hilezi a nga sele kubaseni. Jer. 31:15