Genesisi 41:42 - Tshwa Bible

⁴² Faro i lo susa a phera yakwe titihweni lakwe, a yi vekela litihweni la Josefa, i lo mu ambexa a tinguwo to saseka ta wukene, i lo mu boha a kadiyadi ga nzalama nhanwini yakwe.

Genesisi 41:42 Mawu Ofanana

Genesisi 38:18

Yena i te ngalo: U lava a xifungo muni? Wasati aku: Nzi lava a xingwavila xa wena, ni masinza ya wena, ni nhonga leyo yi nga canjeni ga wena. Yena i lo zi nyika ka yena, i loya enghena ka yena, a mu xurisa nyimba.

Genesisi 41:43

I lo mu khilelisa kareteni yakwe ya wumbiri, va kanyuluka mahlweni ka yena, vaku: Abreki! Lezo i lo mu yimisa hehla ka tiko gontlhe ga Gipite.

Estere 10:3

Hakuva muJuda Mordekai hi yena a nga gamela hosi Ahasuerusi a hi wa hombe xikari ka vaJuda, na a ranzeka ka zidlemo za va ka kabye, a va mahela kusasa, a kanela kurula ka lixaka lontlhe la ka kabye. Gen. 41:40

Estere 3:10

A hosi yi lo susa a phera ya yona canjeni ga yona a yi nyikela ka Hamani nʼwana Hamedata a muAgage, a nala wa vaJuda;

Estere 3:12

Zonake a vamatsalani va hosi va lo vitaniswa hi hweti yo ranga hi siku ga 13, ku ta tsaliwa zontlhe lezi Hamani a nga wa leletele, zi rumelwa ka tinduna, ni vafumeli va matiko wontihe, ni ka tihosana ta vanhu; a tiko ni tiko hi matsaiela ya gona, a ka lixaka ni lixaka hi lirimi la lona; zi wa tsalilwe vitweni ga hosi Ahasuerusi, zi vekelwa a xifungo xa hosi.

Estere 8:10

I lo zi tsala vitweni ga hosi Ahasuerusi a zi tiyisa hi xifungo xa hosi, a mitsukano yi hangalasa mapapilo lawo hi mahaxi ya hosi ya tsutsumela ga nwacima, ma nga belekiwa ziteveleni za hosi.

Estere 8:15

Mordekai i lo Suka mahlweni ka hosi na ambele a tinguwo ta wukosi ta wukuxe ni to basa, na hi ni xidlodlo xa hombe xa nzalama, ni bhaji go saseka go mahiwa hi wukene go zirila. A muti wa Xuxani wu lo kanyuluka hi kutsaka.

Estere 8:2

A hosi yi lo susa a phera ya yona, leyi a nga yi tekile ka Hamani, a yi nyikela ka Mordekai. Estere i lo yimisa Mordekai kuva nwinyi wa yindlu ya Hamani.

Estere 8:8

Nwinawu kambe tsalelani vaJuda hi vito ga mina ni zihi lezi mu zi ranzako, mu veka xifungo xa hosi mutsalweni lowo; hakuva ni wihi mutsalo wu tsalilweko vitweni ga hosi wu tiyiswa hi xifungo xa hosi, a nga kona a nga wu hunzulako. Dan. 6:8, 15, 17

Tisimu 73:6

Hikwalaho kutikulisa zingwavila zabye, Va ambele tihanyi kukotisa nguwo.

Mavingu 1:9

Hakuva lexo xi tava xidlodlo xo saseka hlokweni ya wena, i gobo nhanwini ya wena.

Mavingu 31:22

Yena wa ti lukela mikumba yo saseka; kuambala kakwe ka wukene ni xiwunguwungu.

Mavingu 31:24

I maha tinguwo to saseka ta wukene a ti xavisa, xavisa mabhandi ka vamahungani.

Xizimba xa ka Solomoni 1:10

A marama ya wena ma sasekisile hi tidayimani, Ni nhamu ya wena hi wuhlalo ga nzalama.

Xizimba xa ka Solomoni 4:9

Wena u wutlile a mbilu ya mina makweru wanga, makoti wa mina; U wutlile a mbilu ya mina hi ku nzi wonisa xipswati, Hi ketani yinwe ya nhamu ya wena.

Isaya 3:23

a mawoni, ni mahembe ya wukene, ni maduku, ni tiveli.

Jeremia 52:33

I lo mu tlhatlhisa a tinguwo takwe ta wuperesu, aga zakuga mahlweni ka hosi wontihe masiku ya kuhanya kakwe.

Ezekieli 27:7

A nguwo ya wukene yi komelweko ya le Gipite yi wa hi tangi ga wena, kasi kuva nghapa ya wena; ni tenda ga wena gi wa hi nguwo ya mavalavala ya wukuxe ni kuzirila ya le zihlaleni za Elixa.

Danieli 5:16

Kanilezi nzi zwile ha wena lezaku wa zi kota ku tlhamusela ni ku tsetsula a mifihlakalo. Loku wena u zi kota ku nzi gonzela lowu mutsalo ni ku nzi byela a tlhamuselo wa wona, u ta ambexwa a tinguwo to zirila, uva ni ketani ya nzalama nhanwini ya wena, u mahiwa mufumeli wa wunharu mufunweni wa mina.

Danieli 5:29

Zonake Belxazzare i lo rumisa lezaku Danieli a ambexwa a tinguwo to zirila, ava ni ketani ya nzalama nhanwini yakwe, ku biwa nyiwo ha yena lezaku i tava mufumeli wa wunharu lomu mufunweni.

Danieli 5:7

A hosi yi lo kanyuluka yi vitanisa a vangoma ni titlhari ni zitumbe. A hosi yiku ka titlhari ta Babuloni: Ni wihi munhu a ta nga gonza a mutsalo lowu, a nzi byela a tlhamuselo wa wona, i ta ambexiwa tinguwo to zirila, ava ni ketani ya nzalama nhanwini yakwe, a maha mufumeli wa wunharu lomu mufunweni wa mina.

Luka 15:22

Kanilezi a raru wakwe i te ngalo ka malanza yakwe: Hatlisani, mu neha a nguwo yo saseka nguvu, mu mu ambexa; mu mu mehela a phera litihweni lakwe, ni zilato mikonzweni yakwe;

1 Samueli 18:4

Jonatani i lo tlhatlha a bhaji gakwe legi a nga wa ambele, a nyika Davida zinwe ni tinguwo takwe, hambu ni supado yakwe ni wura gakwe, ni bhandi gakwe.