Genesisi 41:30 - Tshwa Bible

³⁰ Hi le nzhako ku tata a malembe ya ntlhanu ni mambiri ya ndlala; a pfuno wontihe wu ta rivalwa lomu tikweni gontlhe ga Gipite, a ndlala yi ta mbheta tiko.

Genesisi 41:30 Mawu Ofanana

Genesisi 41:21

Kanilezi loku ti ti mitile, a ti wonekangi lezaku ti wa gile nchumu; ti lo simamisa ti hi mikotso kota kale. Zonake nzi lo khindlimuka.

Genesisi 41:27

A tihomu leto ta ntlhanu ni timbiri ta mikotso na ti nyenyezile, leti ti nga huma a nzhako ka leti to saseka, hi malembe ya ntlhanu ni mambiri; ni miponwani leyi ya ntlhanu ni mimbiri ya mipumbunzela yo wuna, na yi swile hi moya wa xikobani, ku tava a malembe ya ntlhanu ni mambiri ya ndlala.

Genesisi 41:31

A pfuno wu nga ha ta tibyiwa lomu tikweni hi kota ya ndlala leyi yi ta ngata hi le nzhako, hakuva yi tava ndlala ya hombe nguvu.

Genesisi 41:51

Loyi wa matewula, Josefa i lo mu chula ku ngalo hi Manasse, aku: Nungungulu i nzi mahile nzi rivala kuxaniseka ka mina, ni zontlhe za le kaya ka dadani.

Genesisi 41:54

Zonake ku lo sangula a malembe ya ntlhanu ni mambiri ya ndlala, kota lezi Josefa a nga wa wulile. A ndlala yi lo tshinga matikweni wontihe; kanilezi lomu tikweni gontlhe ga Gipite ku wa hi kona zakuga.

Genesisi 41:56

A ndlala yi lo fenengeta tiko gontlhe; zonake Josefa i lo vulula zihlangala zontlhe za kuga, a xavisa mavele ka vaGipite; ni ndlala yi lo anza nguvu tikweni ga Gipite.

Genesisi 47:13

Ku wa hi hava zakuga tikweni gontlhe, hakuva a ndlala yi wa tshingile nguvunguvu; lomu tikweni ga Gipite ni tikweni ga le Kanani va wa boteka hi ndlala.

2 Samueli 24:13

Gadi i loya ka Davida a ya mu tivisa timhaka leti, aku kakwe; U hlawula yini? Kutani 7 wa malembe ya ndlala mave kona lomu tikweni ga wena, kutani ku panzanywa hi valala va wena tihweti tinharu, kutani a kuva ni ntungu masiku manharu lomu tikweni ga wena ke? Makunu ehleketa u nzi tivisa lezi nzi ta nga ya hlamula ka Loyi a nzi rumileko. Jer. 29:17; Ezek. 6:11

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

2 Tihosi 8:1

Makunu Elixa i wa tivisile a wasati loyi a nga mu hanyisela a nʼwana wakwe, aku: Suka ni ngango wa wena u ya luvela lomu u ta nga ku kuma, hakuva Jehova i vitanile a ndlala lomu tikweni; yi tava kona 7 wa malembe. Rute 1:1; 2 Tih. 4:33

Tisimu 105:16

A tiko i lo gi vitanela ndlala, A lovisa zakuga zabye zontlhe.

Mavingu 31:7

Ngha a ginwa a rivala wusiwana gakwe, nga ha alakanyi zikarato zakwe kambe.

Isaya 65:16

Kasi ni wihi loyi a ti katekisako laha misaveni I ta ti katekisa hi Nungungulu wa zinene; Ni wihi lomu tikweni a ta nga hlambanya, I ta hlambanya hi Nungungulu wa zinene. Hakuva a makhombo ya kale ma rivelwe, Ma fihlilwe mahlweni ka mina.

Luka 4:25

Mina nziku ka nwina: Ku wa hi kona tinoni to tala ka Israeli masikwini ya Elija, laha tilo gi nga wa valilwe a malembe manharu ni ntlhanu wa tihweti hi yinwe, kuva ni ndlala ya hombe tikweni gontlhe; 1 Tih. 17:9; 18:1; Jak. 5:17

Jakobe 5:17

Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. 1 Tih. 17:1; Miti. 14:15