Genesisi 4:7 - Tshwa Bible

⁷ Loku u maha khwatsi u nga ta tlakuswa ke? kanilezi loku u nga mahi khwatsi a xionho xi xiyelela nyangwe-ni, kuxuva ka xona ku ta kuva ka wena; kanilezi wena u ta xi fumela. Rom. 6:12

Genesisi 4:7 Mawu Ofanana

Genesisi 19:21

Yena i te ngalo: Languta, nza ku vumela ka mhaka leyo, nzi nga ta lovisa a muti lowu u wu wulako.

Genesisi 3:16

Ni ka wasati aku ngalo: Nzi ta ku engetela nguvu a kubayiseka ka wena laha u ta ngava ni rumbu; u ta beleka vanana hi kubayiseka; a kunavela ka wena ku taya ka nuna wa wena, na yena i ta ku fumela.

2 Samueli 24:23

Arauna i lo nyikela lezo ka hosi, aku ka yona: Jehova Nungungulu wa wena a ku amukele!

2 Tihosi 8:28

I lo hloma zinwe na Joramu nʼwana Ahabi a ku yalwa ha Hazaeli a hosi ya Siria le Ramote-Gileade; kanilezi a maSiria ma lo mu tlhava Joramu.

Joba 11:14

Loku u susa a kugoha ku nga mandleni ya wena, U nga tsiki kubiha ku tshama tindlwini ta wena;

Joba 11:15

Zonake u ta tlakusa a nghohe ya wena u nga hi na tingana, U ta tiya, u nga ta kuva na wutoya.

Joba 29:4

Khwatsi hilezi nzi nga hi zona ntangeni ya wujaha ga mina, Laha Nungungulu a nga tshamile tendeni ga mina kukotisa munghana;

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Mavingu 18:5

A zi saseki ku yimela loyi wa kubiha, asi ku vukela loyi a lulamileko kulamuleni. Levi 19:15; Deut. 1:17

Mavingu 21:27

A muphahlo wa loyi wa kubiha manyalataniso; guvunguvu loku a wu nyikela hi makungo ya kubiha.

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Malaki 1:10

O loku ku wo khwa i kona xikari ka nwina loyi a nga valako a tinyangwa, kasi mu nga dziveli a nzilo mahala laha alatini ga mina! A nzi xalaliswi hi nwina, ku wula Jehova wa tiyimpi, kambe nzi nga ta amukela a muphahlo wu tiswako hi canja ga nwina.

Malaki 1:13

Mu engeta muku: Langutani a makaratela ya yona! mu tlhela mu yi njorola, ku wula Jehova wa tiyimpi. Mu neha lezi zi phangilweko, ni lezi zi khwitako, ni lezi zi babyako mu ta maha muphahlo hi zona! Nzi ta zi amukela mandleni ya nwina ke? ku wula Jehova.

Malaki 1:8

Loku mu maha muphahlo hi xihari xi tileko mahlo, a hi kubiha loko ke? Loku mu nyikela hi lezi zi khwitako ni leʼzi babyako, a hi kubiha loko ke? Loku u wa ta zi yisa ka mufumeli wa wena, i wa ta xalaliswa ha wena ke? I wa ta ku amukela ke? ku wula Jehova wa tiyimpi. Levi 22:20; Deut. 15:21

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.

Mitiro 10:35

kanilezi ka tixaka tontlhe loyi a mu chavako, ni ku maha kululama, wa amukeleka ka yena. Xip. 15:9; Rom. 2:13; 3:22

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Va le Roma 14:18

Hakuva loyi a tirelako Kristu kota lezi wa tsakisa Nungungulu, a ranzeka ka vanhu. 2 Kor. 8:21

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

Va le Roma 6:12

Hikwalaho ngha mu nga vumeli a kuonha ku fuma mirini wa nwina wa kufa, lezaku mu ingisa a kunavela ka wona. Efe. 4:22

Va le Roma 6:16

Xana a mu zi tivi lezaku mu malanza ya nwinyi loyi mu ti nyikelako kakwe, mu maha malanza ya loyi mu mu ingisako, kutani ya kuonha loku ku yisako kufeni, hambu ya kuingisa loku ku yisako kululameni ke?

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

1 Timote 5:4

Kanilezi loku a noni yi hi ni vana kutani vazukulu, ngha vona va ranga ku kombisa xichawo ka va ka kabye, ni ku va tlhelisela mulere a vapswali vabye; hakuva lezo za amukeleka mahlweni ka Nungungulu. Mat. 15:4

Maheberu 11:4

Hi kukholwa Abeli i lo nyikela ka Nungungulu a muphahlelo wu nene ku hunza lowu wa Kana, lowu a nga mahelwa wukustumunyu ha wona lezaku i lulamile; Nungungulu wutsumbu i lo maha wukustumunyu hi kota ya minyikelo yakwe; hi kukholwa loko wa ha wulawula hambu lezi a fileko. Gen. 4:4, 10

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22