Genesisi 4:26 - Tshwa Bible

²⁶ Yenawu Sete i lo beleka nisanyana, i lo mu chula vito gakwe ku hi Enoxi. Hi xikhati lexo a vanhu va lo sangula ku khozela Jehova.

Genesisi 4:26 Mawu Ofanana

Genesisi 12:8

I lo rura laho aya xitsungeni le Mutsuwuka-gambo wa Beteli, a ya yimisa a tenda gakwe kona, kasi Beteli ku le Muhlwa-gambo, ni Ai ku le Mutsuwuka-gambo; laho i lo aka a alati ga Jehova, a khozela a vitweni ga Jehova kona.

Genesisi 26:25

Yena i lo aka laho a alati, a khozela vitweni ga Jehova, i lo yimisa a tenda gakwe laho; kwalaho a malanza ya Isaka ma lo kela a hlowo.

1 Tihosi 18:24

Zonake nwina mu ta khongela ka nungungulu wa nwina, minawu nzi ta khongela ka Jehova. A nungungulu loye a ta nga hlamula hi nzilo, hi yena a nga Nungungulu. A vanhu vontlhe va lo hlamula, vaku: Hi zona, zinene lezo!

Tisimu 116:17

Nzi ta nyikela ka wena a muphahlo ya kubonga, Nzi ta khongela vitweni ga Jehova.

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Isaya 63:19

Makunu hi fanana ni vanhu lava cima u nga va fumelangiko, Khwatsi hi lava va nga vitwangiko hi vito ga wena.

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Zefania 3:9

Hakuva a siku lego nzi ta nyika a matiko milomu yiswa leyi yi basileko, kasi wontlhe ma fela ku vitana a vito ga Jehova, ma mu tirela hi mbilu yinwe.

Luka 3:38

wa Enosi, wa Sete, wa Adamu, wa Nungungulu. Gen. 5:1, 2

Mitiro 11:26

Laha a nga wa mu kumile, i lo mu heleketa le Antiokia. Va lo tshama kona lembe gontlhe va tsombana ni handla, va gonzisa vanhu vanyingi. Hi kwa le Antiokia a vapizani va nga sangula kona a ku vitanwa aku maKristu.

Mitiro 2:21

Ku ta maheka lezaku ni wihi a ta nga khongela vitweni ga Hosi i ta hanyiswa. Rom. 10:13

Va le Roma 10:13

Hakuva kani hi wihi a kombelako vitweni ga Hosi i ta hanyiswa. Joeli 2:32; Miti. 2:21

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9