Genesisi 4:17 - Tshwa Bible

¹⁷ Kana i lo tiva sati wakwe; i lo xura nyimba, a beleka Enoki. Anzhako ka lezo i lo aka muti, a chula vito ga muti a vito ga nʼwana wakwe Enoki.

Genesisi 4:17 Mawu Ofanana

Genesisi 11:4

Vaku: A hi akeni a muti ni likhokhola, leli a xixungwa xa lona xi ta nga chikela tilweni; hi ti chula a vito kasi hi nga hangalaki misaveni yontlhe.

Genesisi 4:16

Kana i lo suka mahlweni ka Jehova, a ya tshama tikweni ga le Node, hi le Mutsuwuka-gambo wa Edeni.

Genesisi 4:18

Enoki i lo beleka Irade; Irade i lo beleka Mehujaeli: Mehujaeli i lo beleka Metuxaeli: Metuxaeli i lo beleka Lameki.

Genesisi 5:18

Laha Jerede a nga hi ni 162 wa malembe, i lo beleka Enoki.

Genesisi 5:22

Anzhako kakuva a belekile Metusela. Enoki i lo famba zinwe na Nungungulu 300 wa malembe; a ka xikhati lexo i lo beleka varisanyana ni vanhanyana.

2 Samueli 18:18

Makunu Absalome na ha hanya, i wa ti mahele a mhinga ya xialakanyiso le koveni wa hosi, hakuva i waku: A nzi na nʼwana wa mufana wa ku hlayisa xialakanyiso xa vito ga mina; hilezo i lo yi chula vito gakwe, yi vitanwa ku ngalo xialakanyiso xa Absalome kala ni lezi. Gen. 14:17

Tisimu 49:11

Va alakanya lezaku a tiyindlu tabye ti ta yima tiku tseka, Ni wuakelo gabye ka zizukulwana ni zizukulwana; Va vitana a matiko hi mavito yabye.

Tisimu 49:12

Hakuva munhu a nga na ku simamisa a hanya hambu loku a hi ni kufuma, I fanana ni zihari lezi zi fako.

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.