Genesisi 39:9 - Tshwa Bible

⁹ I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

Genesisi 39:9 Mawu Ofanana

Genesisi 13:13

Kanilezi a vanhu va le Sodoma va wa bihile, va wa onha nguvu mahlweni ka Jehova.

Genesisi 20:3

Kanilezi Nungungulu i lota ka Abimeleki a norweni wa wusiku, i te ngalo kakwe: Languta, wena u file hi kota ya loyi wasati u mu tekileko; hakuva i sati wa vambe.

Genesisi 20:6

Nungungulu i te ngalo kakwe le norweni: Nza zi tiva lezaku u mahile lezo zilo hi kululama ka mbilu ya wena; hikwalaho nzi lo ku siwukisa mina, akuva u nga nzi onheli; hi kota ya lezo a nzi ku vumelangi a kuva u mu henya.

Genesisi 20:9

Zonake Abimeleki i lo vitana Abrahama, aku ngalo kakwe: U mahile yini ka mina ke? Nzi onhile yini ka wena ke? U neha a nanzu wa hombe ka mina ni mufumo wa mina hi kota ya yini ke? U nzi mahele lezi zi nga faneliko a ku mahiwa.

Genesisi 24:2

Abrahama i te ngalo ka nanza gakwe ga hombe ga yindlu yakwe, loyi a nga wa fumela zontlhe lezi a nga wa hi nazo: Enghenisa a canja ga wena lahasi ka hangaswa ga mina.

Genesisi 39:10

Hambu lezo a nga wa wulawula na Josefa masiku ni masiku lezaku ngha a etlela naye, ni kuva zinwe naye, Josefa a nga vumelangi.

Genesisi 41:40

Wena u tava wa hombe hehla ka yindlu ya mina, a tiko ga mina gontlhe gi ta fumelwa hi nomu wa wena. Ntsena lezaku nzi tava wa hombe ka wena hi wuhosi ga mina basi. Tis. 105:21; Miti. 7:10

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

2 Samueli 11:27

Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Nehemia 6:11

Mina nziku: A munhu wo kota mina a nga tsutsuma? I kona munhu wo kota mina a nga enghenako lomu tempeleni kasi ku ponisa wutomi gakwe? Cima nzi nga ta enghena kona.

Joba 31:23

Hakuva nza chava a ku tsayiswa hi Nungungulu, A nzi zi koti ku yima mahlweni ka kutlakuka kakwe.

Tisimu 51:4

Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4

Eksodusi 20:14

U nga bhayi.

Mavingu 6:29

Hikwalaho loyi a enghenako ka wasati wa muakelane wakwe, i wihi loyi a mu henyako, a nga ta kuva hava nanzu.

Mavingu 6:32

Loyi a bhayako ni wasati, a nga na kupimisisa; oyi a zi mahako i lovisa muhefemulo wakwe.

Mutshawuteli 7:26

Nzi lo kuma lezaku a wasati loyi a mbilu yakwe yi nga minzhiyo ni zikhunguvanyiso, loyi a mawoko yakwe ma nga magota, wa bava ku hunza kufa. Loyi a xalalisako Nungungulu wa pona kakwe, kanilezi a muonhi i ta phasiwa hi yena.

Jeremia 28:16

Hikwalaho Jehova i ngalo: Nzi ta ku susa misaveni; u tafa hi lembe gwalegi, hakuva u kanele kuhluwuka u vukela Jehova.

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Levi 6:2

Loku munhu a onhile, a mahile lezi zi nga faneliko mahlweni ka Jehova, hi kukhohlisa muakelane wakwe hi zilo zi vekilweko mandleni yakwe, kutani hi zilo zi lombilweko, kutani hi lezi zi wutlilweko, kutani i yivile a zilo za muakelane wakwe,

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.

Luka 12:48

kanilezi legi gi nga ku tiviko, gi maha lezi zi faneleko kubiwa, gi ta xupulwa hi tirimbiri ti tsongwani. Ni wihi a nyikilweko nguvu, ka yena ku ta labyiwa zo tala; ni loyi ku vekelweko zo tala ka yena, ku ta labyiwa zo tala ka yena. Levi 5:17; 1 Tim. 1:13

1 Va le Korinte 4:2

Tlhatakumbiri ku laveka ka tinekwa lezaku ti kumeka na ti tsumbekile.

Titusi 2:10

va nga yivi nchumu, kanilezi va tsumbeka; kasi zilweni zontlhe va fela ku bombisa a gonzo ya Nungungulu a Muhanyisi wa hina.

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

1 Johani 3:9

Kani hi wihi a belekilweko hi Nungungulu a nga onhi, hakuva a mbewu ya Nungungulu yi tshamile ka yena; a nga zi koti ku onha, hakuva i belekilwe hi Nungungulu. 1 Ped. 1:23

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6