Genesisi 37:8 - Tshwa Bible

⁸ A vanakulobye vaku ka yena: Kasi u tava hosi ya hina, u fuma hehla ka hina ke? Zonake va lo mu venga nguvunguvu hi kota ya miloro yakwe ni kuwulawula kakwe.

Genesisi 37:8 Mawu Ofanana

Genesisi 27:41

Esau i lo venga Jakobe hi kota ya xikatekiso lexi a raru wakwe a nga wa mu katekisile ha xona. Esau i te ngalo lomu mbilwini yakwe: A masiku ya ku rilela dadani ma tshinele; zonake nzi ta daya nakulori.

Genesisi 37:4

Makunu laha vanakulobye va nga wona lezaku wa ranziwa hi raru wabye ku hunza vontlhe vanakulobye, zonake va lo mu venga, va nga wulawuli naye hi kurula.

Genesisi 37:9

Zonake i lo lora munwani noro, i lo engeta a byela vanakulobye, aku: Nzi lorile munwani noro kambe; nzi lorile na nzi wona a gambo ni hweti ni tinyeleti ta khume ni yinwe na zi nzi khizamela.

Genesisi 42:10

Vona vaku kakwe: Ahihi hosi, a malanza ya wena ma tela ku ta xava zakuga.

Genesisi 44:18

Zonake Juda i lo tshinela kusuhani ka Josefa, aku: O! hosi yanga, ngha a nanza ga wena gi wula gezu ginwe tindleveni ta hosi ya mina; ngha a zanga ya wena yi ngave hehla ka nanza ga wena, hakuva wena u ecana na Faro.

Genesisi 49:26

A zikatekiso za raru wa wena za hombe ku hunza zikatekiso za vadadani va mina, Ni kusaseka ka zitsunga za kala kupinzuka, A zi tshame hehla ka hloko ya Josefa, Ni le hlokweni ya loyi a nga hosi xikari ka vanakulobye!

Genesisi 50:18

A vanakulobye va lo ta ti wisa wutsumbu gabye mahlweni ka yena, vaku: Hina hi malanza ya wena.

Tisimu 118:22

A ribye legi gi nga aliwa hi vaaki, Gi mahile a hloko ya magumo. Isa. 28:16; Mat. 21:42; 1 Ped. 2:4

Eksodusi 2:14

Yena aku: Himani, a ku vekileko akuva hosi ni mulamuli xikari ka hina? U lava ku nzi daya kota lezi u nga daya a muGipite ke? Mosi i lo chava, aku: Hizinene, a mhaka leyi yi tibyilwe!

Luka 19:14

Kanilezi a vanhu va tiko gakwe va wa mu venga, va ruma a mitsumi hi lenzhako kakwe, vaku: A hi ranzi ku fumiwa hi munhu loyi. Joh. 1:11

Luka 20:17

Kanilezi i lo va cuwuka, aku: Kasi zi wula yini lezi zi tsalilweko, ku ngalo: A ribye legi gi nga aliwa hi vaaki, Gi mahile a hloko ya magumo? Tis. 118:22; Mat. 21:42

Mitiro 7:35

Mosi loyi va nga mu alile, vaku: Himani a ku vekileko a hosi ni mulamuli? yaloye Nungungulu i mu rumile a ku maha hosi ni mutiruli wabye hi ngelosi leyi yi nga woneka ka yena xihlahleni. Ekso. 14:19

Deuteronome 33:16

Ni mihanzu yo nanziha ya misava, ni ya kutala ka yona. Ni tipswalo ta loyi a nga wa tshamile xihlahleni. A zi tshame hlokweni ya Josefa, Ni le hlokweni ya hosi ya vanakulobye! Ekso. 3:2; Miti. 7:30

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

1 Samueli 10:27

Kanilezi a vanwani lava vo biha, va te ngalo: Xana loyi munhu i ta hi ponisisa kuyini? Va lo mu kanyisa, va nga nehi nzuvo kakwe. Kanilezi Saule a nga wulangi nchumu ha zona.

1 Samueli 17:28

Kanilezi a nhonzwa yabye Eliabe a nga mu zwile na wulawula ni vanhu, i lo zangarela nguvu Davida, aku kakwe: U tele yini seno? Himani u nga mu siya ni tiyivana leti ti nga le xiwuleni? Nza ma tiva mahatsahatsa ni matshanza ya wena. Hi zona zi ku mahileko uta ku ta wona yimpi.

1 Samueli 18:8

Zonake Saule i lo zangara nguvu, hakuva a timhaka leti a ti mu xalalisangi; hikwalaho i te ngalo: Vona va nyikile ka Davida 10,000, kanilezi va wulile ha mina 1,000 basi; mufumo basi a wu vumalako.