Genesisi 37:34 - Tshwa Bible

³⁴ Jakobe i lo hanzula tinguwo takwe, i lo boha tisakwa, a rila nʼwana wakwe masiku yo tala.

Genesisi 37:34 Mawu Ofanana

Genesisi 37:29

Zonake Rubeni i lo tlhela aya rinzini, i loya wona lezaku Josefa a nga kona.

Genesisi 42:38

Jakobe aku; Mu nga ta famba ni nʼwana wa mina, hakuva a nakulobye i file, hi yena yece a seleko; loku mu famba naye mu dzuka mu humelwa hi mhango lomu ndleleni leyo mu ta nga famba ka yona, mu ta relelisa a wuvu ga mina hi xiviti le nkeleni.

Genesisi 44:13

Vona va lo hanzula tinguwo tabye, zonake vontlhelele va lo rwexa timbongola tabye va tlhelela mutini.

2 Samueli 1:11

Zonake Davida i lo hanzula tinguwo takwe, ni lava a nga hi navo va lo mahawu zalezo.

2 Samueli 3:31

Davida i te ngalo ka Joabe ni ka vontlhe vanhu lava va nga wa hi zinwe naye: Hanzulani tinguwo ta nwina, mu ambala tinguwo ta xirilo mu hlaluka Abneri. Hosi Davida i lo lanzela lihlaka.

1 Tihosi 20:31

A malanza yakwe ma te ngalo kakwe: Hina hi zwile lezaku a tihosi ta yindlu ya ka Israeli ti na ni tipswalo. Hi vumele hi ambala a tinguwo ta tisakwa ziwunwini za hina, ni tingoti tihlokweni ta hina, hi huma hiya mahlweni ka hosi ya ka Israeli, kutani i ta ku tsika u hanya.

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

2 Tihosi 19:1

Laha hosi Hezekia a nga wa zi zwile, i lo hanzula a tinguwo takwe, a fenengela a tinguwo ta tisakwa, a enghena lomu ndlwini ya Jehova. Isa. 37:1

2 Tihosi 2:12

Elixa i wa kari a mu wona; i loba huwa aku: Dada, dada! Wena u nga tikareta ta ka Israeli ni vakhileli va mahaxi ya kona! A nga ha mu wonangi kambe. Zonake Elixa i lo tlemerela a tinguwo takwe a ti hanzula hi laha xikari.

2 Tihosi 22:11

Makunu laha a hosi yi nga zwile a timhaka ta bhuku ga milayo, yi lo hanzula a tinguwo ta yona.

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

1 Kronekele 7:22

A raru wabye Efraime i wa hi hlomulweni xikhati xo leha, ni vanakulobye va lo ta mu chavelela.

Nehemia 9:1

Makunu hi siku ga 24 ga hweti ywaleyi a vanana va ka Israeli va lo tsombana va yila, na va ambele tinguwo ta xirilo, va ti cheletela a tshuri.

Joba 1:20

Zonake Joba i lo suka a yima, a hanzula tinguwo takwe, a halula hloko yakwe, a ti wisa lahasi a khongela, aku:

Joba 16:15

Nzi rungele nguwo ya sakwa hehla ka hlonge ya mina, Nzi reletile a limhonzo la mina tshurini.

Joba 2:12

Ku te loku va tlakusa mahlo yabye na va hi kule, va nga mu tivi, va lo tlakusa magezu yabye, va rila; va lo hanzula tinguwo tabye, va xwanyela khuma hehla ka tihloko tabye gi tsutsusela tilweni.

Tisimu 69:11

Nzi lo ambala a nguwo ya xirilo, Zonake nzi lo maha xihlekiso kabye.

Isaya 32:11

Rurumelani nwina vavasati lava mu tshamekileko; Chavani nwina mu ti tsumbako; Tlomulani tinguwo ta nwina, mu ambala tisakwa ziwunwini za nwina.

Isaya 36:22

Zonake ku lota mahlweni ka Hezekia, Eliakimu a nʼwana Hilkia, loyi a nga hi nduna ya yindlu ya hosi, na Xebna a mutsali, na Joaha a nʼwana Asafa, a muhlayisi wa timhaka, a tinguwo tabye na ti hanzulwe va ta mu byela a timhaka ta Rabxake.

Jeremia 36:24

A hosi ni malanza ya yona loku va zwile tontlhe leti timhaka, a va chavangi hambu a ku hanzula a tinguwo tabye. 2 Tih. 22:11

Jeremia 48:37

Hakuva a tihloko tontlhe ti halulwe, ni malevu wontihe ma cingilwe; a mawoko wontihe ma cekelelwe, na va ambele tisakwa ziwunwini.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Mateu 26:65

Zonake a mupristi wa hombe i lo hanzula a tinguwo takwe, aku: I wulile nzhukano! Ka ha laveka hikuyini a vakustumunyu ke? Nwina mu yi zwile a nzhukano ya kona.

Mitiro 14:14

Kanilezi laha vapostoli, Barnabasi na Paule, va nga wa zizwa, va lo hanzula tinguwo tabye, va tsutsumela xidlenwini, va kanyuluka,

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Valamuli 11:35

Laha Jefta a nga mu wona, i lo hanzula tinguwo takwe aku: Ha, u nzi hlomule nguvu; u munwe wa lava va nzi xanisako. Nzi ahlamile a nomu wa mina ka Jehova, nza tsanzeka ku tlhelisa.