Genesisi 37:27 - Tshwa Bible

²⁷ Ngha hi mu xavisa ka vaIxmaeli, kasi a mandla ya hina ma ngavi hehla kakwe, hakuva yena i nakulori, i nyama yinwe na hina. A vanakulobye va lo mu vumela.

Genesisi 37:27 Mawu Ofanana

Genesisi 29:14

Labani aku ngalo ka yena: Hakunene u rambu ga mina, ni nyama ya mina. I lo tshama naye a hweti yinwe.

Genesisi 37:22

Rubeni i lo engeta aku: Mu nga halati nkhata, kanilezi mu hoxeni lomu rinzini ga le xiwuleni, mu nga kali mu veka canja hehla ka yena. Yena i lo wula lezo kasi ku mu ponisa mandleni yabye, a mu tlhelisa ka raru wakwe.

Genesisi 42:21

Vona va lo wulawulisana voce, vaku: Hakunene hi na ni nanzu ka nakulori, hakuva hi lo mu wona na a xaniseka Mbilwini yakwe, hi ala ku mu zwela wusiwana, laha a nga wa hi khongotela; hi kota ya lezo ha humelwa hi khombo ga kunghahi.

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

2 Samueli 12:9

Hi kuyini u xanza a mhaka ya Jehova hi ku maha lezi zi bihileko mahlweni kakwe ke? U dele Uria a muHiti hi tlhari, u tlhela u mu tekela ni sati wakwe a maha wa wena; u mu daya ni tlhari ga vanana va ka Amoni.

Nehemia 5:5

Kasike a mimiri ya hina yi fana ni ya vanakulori, ni vana va hina va fana ni vana vabye. Langutani, hi yisa a vana va hina ni vanhanyana va hina wukhumbini, ni lezi a vanwani vanhanyana va hina va sina va hi kona wukhumbini. Hi vumala ni ntamu wa ku va vuna, hakuva a masimu ya hina ni zivina za hina zi mandleni ya vanwani.

Nehemia 5:8

Nziku ka vona: Hi ntamu wa hina hi tirule vanakulori, va nga vaJuda lava va nga wa xabyisilwe ka vamatiko; kanilezi nwina mu xavisa vanakuloni. Va ta xabyiswa ka hina ke? Zonake va su kaye, va vumala ni xa ku wula.

Eksodusi 21:16

Loye a yivako a munhu a mu xavisa, kutani a kumiwa mandleni yakwe, a khamba lego gi ta dawa.

Eksodusi 21:21

Kanilezi loku a hanya a siku ginwe kutani mambiri, a nga ta tsayiswa hakuva i mali yakwe.

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

Mateu 26:15

A yaku ngalo: Mu ta nzi nyika yini loku nzi mu nyikela ka nwina ke? Va lo mu pimela 30 wa macheleni.

1 Timote 1:10

ni varembi, ni lava va mahako wukochani, ni vapfuli va vanhu, ni vahembi va mawunwa, ni lava va hlambanyelako mawunwa, hambu ni xihi xilo xi hambeneko ni gonzo yi hanyisako

Kuvululelwa 18:13

ni kinamono, ni mafura yo nuhela, ni mpepo, ni hlakati yo nuhela, ni vinya, ni mafura, ni mapa, ni tirigo, ni tihomu, ni tiyivu; ni mahaxi, ni tikareta, ni tikhumbi, ni mihefemulo ya vanhu. Ezek. 27:13

1 Samueli 18:17

Saule i te ngalo ka Davida: Nzi ta ku nyika Merabe, a nʼwana wa mina wa matewula, a kuva sati wa wena, ntsena lezaku wena u tava nghwazi ya mina, ya kulwa tiyimpi ta Jehova. Hakuva Saule i waku mbilwini yakwe: Nzi nga ta tlhateka a canja ga mina hehla kakwe, kanilezi a canja ga vaFilistia gi tava hehla ka yena!