Genesisi 34:30 - Tshwa Bible

³⁰ Jakobe i te ngalo ka Simoni na Levi: Mu nzi gisile mihumbo, mu nzi mahile xinyenyeko ka vanhu va tiko legi, ni ka maKanani, ni ka maPerezi, na ha hi vatsongwani; va ta so tsombana va nzi hlasela, nzi lova ni yindlu ya mina.

Genesisi 34:30 Mawu Ofanana

Genesisi 12:12

Laha a vaGipite va ta nga ku wona, va taku ngalo: Loyi hi sati wakwe, va ta nzi daya, wena u hanya.

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 12:6

Na Abrama i lo tsemakanya tiko aya chikela tikweni ga le Xekemi, sinyeni ya More. A maKanani ma wa akile lomo tikweni xikhatini lexo.

Genesisi 13:7

Ku wa hi kona maguwa xikari ka varisi va tihomu ta Abrama, ni varisi va tihomu ta Loti; a maKanani ni maPerezi va wa akile lomu tikweni xikhatini lexo.

Genesisi 34:2

Xekemi a nʼwana Hamori a muHivi, a hosi ya tiko, i lo mu wona a mu teka, a etlela naye, a mu xakela.

Genesisi 34:29

Va lo phanga ni yontlhe tshomba yabye, ni vontlhe vanana vabye, ni vasati vabye ni zontlhe lezi zi nga hi lomu tindlwini.

Genesisi 34:31

Vona va te ngalo: Saseka ku mu maha kota xibhayi a makabye wa hina ke?

Genesisi 46:26

Vontlhe vanhu lava va nga famba Gipite zinwe na Jakobe, lava va humileko hi lomu xiwunwini xakwe, va wa hi 66 wa mihefemulo, ahandle ka vasati va vana va Jakobe.

Genesisi 46:27

Makunu a vana va Josefa, lava va nga belekiwa le Gipite, va wa hi vambiri. Vontlhe vanhu va Jakobe lava va ngaya le Gipite, va wa hi 70 wa mihefemulo. Deut. 10:22; Miti. 7:14

2 Samueli 10:6

Kanilezi a vanana va ka Amoni va lo wona lezaku va vangile livengo ka Davida; zonake va lo rumisa a kuva ku rambiwa 20,000 wa maSiria ya le Bete-Rehoba, ni maSiria ya le Zoba; a hosi ya le Maaka leyi yi nga wa hi ni 1,000 wa vavanuna, ni vanana va Toba va wa hi 12,000 wa vavanuna.

2 Samueli 16:21

Ahitofeli i te ngalo ka Absalome; Yana u ya enghena ka mindlukulu ya raru wa wena, leyi a yi siyileko ku hlayisa yindlu, kasi vontlhe va ka Israeli va ta zi tiva lezaku u mahile xikanya ka raru wa wena, zonake a mandla ya vontlhe lava va nga na wena ma ta tiyiswa.

1 Tihosi 11:25

Yena i lo maha nala wa va ka Israeli wontihe masiku ya wutomi ga Solomoni, a engetela kubiha ka Hadade. Yena i lo nyenya va ka Israeli; i lo fumela a tiko ga maSiria.

1 Tihosi 18:18

Yena aku: Mina a nzi xanisangi va ka Israeli, kanilezi hi wena ni yindlu ya raru wa wena, lezi mu tsikileko a milayo ya Jehova, mu lanzela Baali.

1 Kronekele 16:12

Ehleketani hi zihlamaliso lezi a nga zi maha! A zihlamaliso zakwe ni kulamula ka nomu wakwe. Deut. 26:8

1 Kronekele 16:19

Laha nwina ma ba hiko vatsongwani, Na mu hi valuveli lomu tikweni;

1 Kronekele 19:6

Laha a vana va ka Amoni va nga wona lezaku va vangile livengo ka Davida, Hanuna ni vana va ka Amoni va lo rumela 1,000 wa titalenta ta siliva kasi ku lomba a tikareta zinwe ni vakhileli va mahaxi ka Aram-Naharaime ni ka vaAram-Maaka ni va le Zoba.

1 Kronekele 2:7

A vana va Karmi: Akare a mukaratisi wa ka Israeli, loyi a nga onha hi zilo zi nyikelisilweko.

Tisimu 105:12

Va wa nga se ku tala, Futsi, va wa hi vatsongwani, va hi tinzhuveti tikweni,

Eksodusi 5:21

Ngha Jehova a cuwuka ka nwina, a mu lamula, hakuva mu hi mahele a xixowo mahlweni ka Faro, ni mahlweni ka malanza yakwe; mu vekile a supado canjeni gabye kasi va fela ku hi daya.

Mavingu 11:17

A munhu wa wuxinji i maha zinene ka muhefemulo wakwe; anilezi a wa kubiha wa hlokisa a nyama yakwe wutsumbu.

Mavingu 11:29

Loyi a vangako hlomulo mutini wakwe, a mheho yi tava tshomba yakwe; i xipumbu xi tava nanza ga loyi a nga ni mbilu ya wutlhari.

Mavingu 15:27

Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

Deuteronome 4:17

kutani xifananiso xa xihari xi fambako laha misaveni, kutani xifananiso xa xinyanyani xi hahako le tilweni,

Deuteronome 4:27

Jehova i ta mu hangalasa xikari ka matiko, zonake mu ta siyiwa mu hi tsengwana wutsongwani xikari ka matiko lawo Jehova a ta nga mu yisa ka wona.

Deuteronome 7:7

Jehova a nga mu ranzangi hambu ku mu hlawula hi kota ya kuva mu hunzako matiko wontihe hi kutala, hakuva nwina mu wa hi vanhu vatsongwani nguvu ka wontihe matiko;

Joxua 7:25

Joxua i te ngalo kakwe: U hi xanisele yini ke? Jehova i ta ku xanisawo inyamutlha! Zonake vontlhe va ka Israeli va lo va gandla hi maribye, va lo va hisa, va va gandla hi maribye.

1 Samueli 13:4

Zonake a va ka Israeli vontlhe va lozwa lezaku Saule i hlasele a butho ga vaFilistia, ni lezaku vaIsraeli zinyenyeko ka vaFilistia. Zonake vontlhe vanhu va lo tsombana le Gilgali va lanzela Saule.

1 Samueli 16:2

Samueli aku: Nzi ta fambisa kuyini? Hakuva loku Saule a zizwa, i ta nzi daya. Jehova aku kakwe: U ta teka a thokazi u famba nago, u yaku: Nzi tela ku ta nyikela muphahlelo ka Jehova.

1 Samueli 27:1

Zonake Davida i lo alakanya mbilwini yakwe, aku: Ginwani siku nzi ta kala nzi dawa hi Saule; ku hava yinwani ndlela, ahandle ko tsutsumela tikweni ga vaFilistia, kasi Saule a fela ku kala a nga ha nzi hloti lomu tikweni gontlhe ga ka Israeli; zonake nzi ta pona canjeni gakwe.

1 Samueli 27:12

Kanilezi Akixi i wa mu tsumba Davida, aku: Yena i maha a nzhukano leyo ka va ka Israeli vabye hi lezi va mu swirako, kanilezi ka mina i ta simamisa a maha nanza ga mina xontlhe xikhati.