Genesisi 34:14 - Tshwa Bible

¹⁴ Va te ngalo kabye: A hi na ku nyikela makabye wa hina ka khuna; hakuva lexo manyala ka hina.

Genesisi 34:14 Mawu Ofanana

Genesisi 17:11

Mu tava mikwera, mu susa a dewu ga le magumo ka nyama ya nwina, ku tava xifungo xa xivumelwano xikari ka mina na nwina.

Genesisi 17:14

A wanuna loye a nga khuna, a nga hiko kwera hi dewu ga nyama ya magumo kakwe, loye munhu i ta suswa xikari ka va ka kabye, hakuva i tshovile a xivumelwano xa mina.

Genesisi 34:13

A vana va Jakobe va lo hlamula Xekemi ni raru wakwe Hamori hi ku va khohlisa, hi kota ya lezi a nga xakela Dina a makabye wabye.

Genesisi 34:15

Kanilezi i chukwana hi vumelana ka tlhelo legi lezaku mu kota hina; va enghena wukwera vontlhe vavanuna xikari ka nwina.

2 Samueli 1:20

Mu nga dzuki mu byela va le Gati, Mu nga zwati timhaka leto lomu maphangweni ya le Axkeloni, Va nga bhuma; a vanhwana va vaFilistia, Ni vanhwana va makhuna va nga khana.

2 Samueli 15:7

Makunu laha na ku hunzile mune wa malembe, Absalome i te ngalo ka hosi: Nzi kombela kuya le Hebroni nzi ya tatisa a xifungo xa mina lexi nzi xi mahileko mahlweni ka Jehova.

1 Tihosi 21:9

Lomu mapapilweni i tsalile ku ngalo: Banani hungu ga kuyila, mu nyika Nabote a wutshamu ga le mahlweni;

Mateu 2:13

Makunu loku va sukile, a ngelosi ya Hosi yi lo woneka ka Josefa hi noro, yiku: Suka, u teka xihlangana ni nyine wa xona, u chavela Gipite, u ya tshama kona nzi kala nzi ku byela; hakuva Herodi i ta lava a xihlangana ku xi daya.

Mateu 2:8

I lo va rumela Betlehema, aku ngalo: Fambani mu ya lavisisa khwatsi a nwanana loyi; loku mu mu kumile, mu ta nzi tivisa, kasi na minawu nzi ya mu khozela.

Va le Roma 4:11

I lo amukela a xikombiso xa ku enghena wukwera, xi maha xifungo xa kululama ka kukholwa loku a nga hi nako na a nga seva xitshiva. Lezaku kasi a fela ku maha raru wa vontlhe va kholwako, hambu loku va hi makhuna, kasi a kululama ku fela ku hlayelwa ka vona. Gen. 17:10; Lu. 19:9; Joh. 8:39

Valamuli 14:3

Zonake a raru ni nyine wakwe va te ngalo kakwe: A ku na wasati xikari ka vanhwana va vamakabye va wena, kutani lomu tikweni ga hina ke, ko kala uya teka wasati wa maFilistia lawa ma nga makhuna? Samsoni aku ka raru wakwe: Nzi lowoteni yena, hakuva i nzi xalalisile. Ekso. 34:16; Deut. 7:3

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.