Genesisi 33:10 - Tshwa Bible

¹⁰ Jakobe i lo hlamula aku: Ahihi, loku mina nzi kumile thomo mahlweni ka wena, amukela xinyikiwo xa mina; hakuva nzi wonile a nghohe ya wena kotisa loyi a wonileko a nghohe ya Nungungulu, u nzi amukela hi kurula.

Genesisi 33:10 Mawu Ofanana

Genesisi 19:19

Languta, a nanza ga wena gi kumile a thomo mahlweni ka wena, u kulisile a tipswalo ta wena hi ku hlayisa a wutomi ga mina; a nzi na ku chavela xitsungeni, ku nga taku a khombo gi nzi kamanyeta nzifa.

Genesisi 32:30

Jakobe i lo chula a vito ga wutshamu lego ku Penueli; hakuva i te ngalo, Nzi wonile Nungungulu nghohe hi nghohe, hambu zi hi tano a wutomi ga mina gi lonzowotilwe.

Genesisi 33:11

Maha wuxinji u amukela xinyikiwo xa mina lexi xi nehilweko ka wena, hakuva Nungungulu i nzi mahele wuxinji, ni lezaku nzi na ni zo tala. Yena i lo mu khongotela kala a amukela.

Genesisi 33:9

Esau i te ngalo: Nzi na ni zinyingi, nakulori wanga; lezo u nga nazo a zive za wena.

Genesisi 43:3

Juda i lo hlamula, aku: Inaloye i tiyisile ka hina, aku: Cima mu nga ta wona a nghohe ya mina loku mu nga wuyi ni nzisana ya nwina.

Genesisi 47:29

Laha a xikhati xa kufa ka Israel xi nga wa tshinele, yena i lo vitana Josefa nʼwana wakwe, aku ka yena: Loku mina nzi kumile thomo mahlweni ka wena, enghenisa a canja ga wena lahasi ka hangaswa ga mina, u nzi mahela hi liranzo ni kutsumbeka, lezaku u nga nzi lahli lomu Gipite.

Genesisi 50:4

Makunu laha na masiku ya xirilo ma hunzile. Josefa i lo wulawula ni vanhu va yindlu ya Faro, aku: Loku mina nzi kumile thomo mahlweni ka nwina, nzi wuleleni tindleveni ta Faro muku:

2 Samueli 14:24

A hosi yiku: A tshame ndlwini yakwe, a nga woni nghohe ya mina. Zinghaho Absalome i lo tshama ndlwini yakwe, a ngayi ka hosi.

2 Samueli 14:28

Loku Absalome a tshamile malembe mambiri le Jerusalema na a nga woni a nghohe ya hosi,

2 Samueli 14:32

Absalome aku ka Joabe: Mina nzi rumele gezu go ku vitanisa, nziku: Ngone nzi ta ku ruma ka hosi, u yaku: Nzi wuyele yini hi le Gexura? Ku wa nga hi chukwana loku nzi wa simamisile nzi tshama leyo ke? Hikwalaho mina nzi lava ku wona a nghohe ya hosi; loku nzi hi ni nanzu, a nzi daye.

2 Samueli 3:13

Davida i lo hlamula, aku: Hi zona, nzi ta maha xivumelwano na wena. Kanilezi nzi kombela a xilo xinwe basi ka wena; nzi ngalo: U nga ta wona a nghohe ya mina, loku u nga tangi hi ku neha Mikali wa Saule, a siku lego u tako ku ta nzi wona.

Joba 33:26

Loku a kombela Nungungulu i ta mu hawukela; A mu kombeta nghohe yakwe hi kutsaka, Hakuva i ta tlhelisela munhu loye a kululama kakwe. Isa. 58:9

Tisimu 41:11

Nza zi tiva lezaku wa nzi ranza, Hakuva a nala a nga vumelwi ku hlalela ha mina.

Jeremia 31:2

Jehova i ngalo: A vanhu lava va ponileko matlhari va kumile tipswalo xiwuleni; Nzi ta ya nyika Israeli a kuhumula.

Mateu 18:10

Ti woneleni lezaku mu nga kanyisi ni munwe wa lava va tsongwani; hakuva nza mu byela, lezaku a tingelosi tabye le tilweni ta wona xikhati xontlhe a nghohe ya Dadani wa mina loyi a nga le tilweni. Maheb. 1:14; Lu. 1:19

Kuvululelwa 22:4

Ma ta wona nghohe yakwe, ni vito gakwe gi ta tsaliwa zimombyeni zabye. Mat. 5:8; 1 Joh. 3:2; Xip. 14:1

Rute 2:10

Zonake i lowa lahasi hi nghohe yakwe, a khizama aku: Hi kuyini u rizi mahela tipswalo, laha na u wona lezaku mina nzi wa matiko ke?

1 Samueli 20:3

Zonake Davida i lo hlambanya aku: A raru wa wena wa zi tiva lezaku mina nzi kumile thomo mahlweni ka wena, zonake i taku: Jonatani ngha a nga tivi a mhaka leyi, yi nga mu tsanwisa! Kanilezi nzi hlambanya ha Jehova a hanyako, ni muhefemulo wa wena wu hanyako; ko sala xipimo xa zambo ginwe basi a kuva nzi chikela kufeni.