Genesisi 32:29 - Tshwa Bible

²⁹ Jakobe i lo mu wutisa, aku ngalo: Nzi byele a vito ga wena. Yena aku ngalo: U nzi wutisela yini a vito ga mina ke? Yena i lo mu katekisa kwalaho.

Genesisi 32:29 Mawu Ofanana

Genesisi 17:5

A vito ga wena gi nga ta ha vitanwa ku ngalo, Abrama, kanilezi a vito ga wena gi ta kuva Abrahama; hakuva nzi ku mahile a raru wa matiko manyingi.

Genesisi 35:10

Nungungulu i te ngalo kakwe: A vito ga wena u Jakobe, kanilezi a vito ga wena va nga ta ha wula vaku Jakobe; a vito ga wena u Israeli; zalezo i lo mu chula vito ga Israeli.

Genesisi 35:9

Nungungulu i lo engeta a ti wonekelisa ka Jakobe laha na a wuya hi le Padanaramu, i lo mu katekisa.

1 Tihosi 18:31

Elija i lo teka a 12 wa maribye, ku ringana ni tsengo wa tixaka ta vanana va ka Jakobe, loyi Jehova a teku kakwe: A vito ga wena gi tava Israeli. Gen. 32:28; 30:10; Jox. 4:5, 20

2 Tihosi 17:34

Ni nyamutlha lezi va ha lanzela mikhuwo yabye yo sangula, a va chavi Jehova; ni kambe a va lanzeli milayo ni mikhuwo yakwe, hambu ni zileletelo lezi Jehova a leleteleko a vanana va Jakobe loyi a chulilweko vito ga Israeli. Gen. 32:28; 35:10; 1 Tih. 18:31

1 Kronekele 1:34

Abrahama i lo beleka Isaka. A vana va Isaka: Esau, na Israeli.

Joba 11:7

Wa zi kota ku mu tiva Nungungulu hi ku mu lavisisa ke? Wa zi kota ku pimisisa kumbhelela ka Nyamintamu ke?

Mavingu 30:4

Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Mitsengo 20:14

Laha va nga hi Kadexe, Mosi i lo ruma mitsumi ka hosi ya ka Edomi, aku: Makwenu Israeli i ngalo: Wena wa tiva a zikarato zontlhe lezi hi humelweko ha zona.

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Deuteronome 29:29

A zilo lezi zi fihleleko za Jehova Nungungulu wa hina, kanilezi a zilo lezi zi wonekako za hina ni vanana va hina kala kupinzuka, kasi ha fela ku maha tontlhe timhaka ta lowu nayo. Tis. 147:19