Genesisi 32:10 - Tshwa Bible

¹⁰ a nzi faneli ka gontlhe wuxinji ga wena, ni ka zinene za wena, lezi u zi maheleko a nanza ga wena; hakuva nzi lo tlhatuka loyi Jordani na nzi hi ni nhonga ya mina basi, makunu lezi nzi mitlawa mimbiri.

Genesisi 32:10 Mawu Ofanana

Genesisi 18:27

Abrahama i lo hlamula, aku ngalo: Languta, makunu nzi tiyile ku wulawula ni Hosi ya mina, mina loyi nzi nga tshuri ni khuma.

Genesisi 24:12

Yena i te ngalo: Jehova, Nungungulu wa nwinyi wa mina Abrahama, nzi vune nyamutlha, u mu mahela wuxinji a nwinyi wa mina Abrahama.

Genesisi 24:27

aku ngalo: A ku khesiwe Jehova, Nungungulu wa nwinyi wa mina Abrahama, loyi a nga tsikangiko a ku mahela nwinyi wa mina a wuxinji ni kutsumbeka. Jehova i nzi rangele lomu ndleleni a nzi yisa ndlwini ya maxaka ya nwinyi wa mina.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 30:43

Loyi munhu i lo anza nguvu, hi kuva ni mitlhambi yo tala, ni malanza ya xinuna ni ya xisati, ni makameli ni timbongola.

Genesisi 31:3

Jehova i te ngalo ka Jakobe: Tlhelela tikweni ga vakoko va wena ni le maxakeni ya wena; mina nzi tava zinwe na wena.

Genesisi 32:5

Nzi na ni timbongola, ni tihomu, ni tiyivu, ni malanza ya xinuna ni ya xisati; makunu nza ruma ku ta bika ka hosi ya mina, kasi nza kuma thomo mahlweni ka wena.

Genesisi 32:7

Zonake Jakobe i lo chava nguvu, a karateka; i lo avanyisa a vanhu lava a nga wa hi navo, ni tiyivu, ni tihomu, ni makameli, i lo maha mitlawa mimbiri.

2 Samueli 17:24

Zonake Davida i lo chikela le Mahanaime. Absalome i lo tlhatuka Jordani ni vontlhe va ka Israeli lava a nga hi navo.

2 Samueli 7:18

Zonake Davida i lo enghena a tshama mahlweni ka Jehova, aku: Hi minawu mani, Hosi Jehova? A yindlu ya mina yona ya kuva xini, ko kala u nzi neha laha? Gen. 32:10

Joba 17:9

Kasike loyi a lulamileko i ta khomelela ndleleni yakwe; Ni loyi a mandla ya yena ma basileko i ta enzeleka a tiya mbilu.

Joba 8:7

Hambu lezi a masangulo ya wena ma nga hi matsongwani, A magumo ya wena ma ta kuliswa ma enzelekelana.

Tisimu 16:2

Nzi ngalo ka Jehova: Hi wena Hosi ya mina, A nzi na kusasa handle ka wena!

Tisimu 18:35

U nzi nyikile a xitlhangu xa kuhanyisa ka wena; A woko ga wena ga xinene gi nzi tiyisile, A wunene ga wena gi nzi kulisile.

Tisimu 61:7

Yi ta tshama xitshanwini xakwe xa wuhosi mahlweni ka Nungungulu kala kupinzuka; Ngha a tipswalo ni kululama zi mu gongola.

Tisimu 8:5

Hakuva wena u mu mahile kutsongwani a lava ku ecana ni Nungungulu; U mu bombisile hi wukosi ni kudzunziwa.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 6:5

Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Isaya 63:7

Nzi taba hungu hi mitiro ya Jehova ya wuxinji, Ni wudzunzo ga Jehova, Maringano ni zontlhe lezi Jehova a hi maheleko, Ni wunene gakwe ga hombe hehla ka yindlu ya ka Israeli, Legi a va maheleko hi wuxinji gakwe Ni liranzo lakwe la hombe.

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Luka 17:10

Hizalezo na nwinawu, loku mu mahile zontlhe lezi mu layilweko zona, wulani muku: Hi malanza ma nga vuniko nchumu, hakuva hi mahile ntsena lezi hi yimelweko hi ku zi maha. Joba 22:3; Mat. 25:30; Rom. 3:12

Luka 5:8

Simoni Pedro loku a zi wonile, i lowa hasi madzolweni ya Jesu, aku: Hosi, suka ka mina, hakuva nzi muonhi. 2 Sam. 6:9; 1 Tih. 17:18

2 Va le Korinte 12:11

Makunu nzi mahile xipumbu, hi ku ti dzunza, na kasi hi nwina mu nga nzi kurumeta; hakuva nzi wa fanele a kuva nzi dzunziwa hi nwina. Hakuva a nzi hunziwangi ha nchumu hi vapostoli lava va hombe, hambu lezi nzi nga hiko nchumu. Gal. 2:6

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.