Genesisi 31:30 - Tshwa Bible

³⁰ Loku hakunene u famba, kota u xuvileko kuya ndlwini ka raru wa wena, makunu u yivele yini vanungungulu va mina ke?

Genesisi 31:30 Mawu Ofanana

Genesisi 31:19

Labani i wa yile ku ya kaya tiyivu; Rakeli i lo yiva materafime ya raru wakwe. Vala. 17:5; 1 Sam. 19:13; Hos. 3:4

Genesisi 31:31

Jakobe i lo hlamula, aku ngalo ka Labani: Nzi wo chava lezaku u nga nzi wutlela a vana va wena.

Genesisi 35:2

Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3

2 Samueli 5:21

Vona va lo siya ni zifananiso zabye, zonake Davida ni vanhu vakwe va lo zi teka.

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Isaya 37:19

Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 43:12

Nzi ta dzivela nzilo lomu tindlwini ta vanungungulu va Gipite; Nebukadrezzare i ta ti hisa a yisa zifananiso wukhumbini. I ta ti fenengeta hi tiko ga Gipite kukotisa a murisi a bohako nguwo yakwe; zonake i ta huma lomo hi kurula.

Ezekieli 21:21

Hakuva a hosi ya le Babuloni yi yimile laha mahanzakanyeni ya tindlela timbiri, kasi ku vumba; yi chukumisa a tigalala, yi wutisa zifananiso, yi cuwuka lomu ka xivinzi.

Mitsengo 10:30

Hobaba i lo hlamula, aku kakwe: Mina nzi nga ta famba; kanilezi nzi ta tlhelela tikweni ga hina, ni le maxakeni ya mina.

Mitsengo 33:4

A vaGipite va wa kari va lahla lava Jehova a nga va daya xikari kabye, ma nga wona matewula yabye wontihe, hakuva Jehova i lo tshanza nongameto xikari ka vanungungulu vabye.

Joxua 24:2

Zonake Joxua i te ngalo ka vontlhe vanhu: Jehova Nungungulu wa Israeli i ngalo: A xikhatini xa kaleloko a vararu va nwina, yena Tera a raru wa Abrahama, ni raru wa Nahori, va wa lo aka le tlhatuko wa congo, va khozela vanwani vanungungulu.

Valamuli 18:17

A ntlhanu wa vavanuna lava va nga wa yile ku ya hlola tiko, va lo kanziha lomu ndlwini va ya teka a xifananiso xi vatlilweko, ni efode, ni terafime, ni xifananiso xi wumbilweko; a mupristi yena i wa yimile laha nyangweni ni 600 wa vavanuna lava va hlomileko.

Valamuli 18:24

Yena aku: Hi lezi mu tekileko vanungungulu va mina lava nzi va mahileko, ni mupristi wa mina, mu famba navo. Xini nzi seleko naxo? Ni lezi mu nge: Wo bayiswa hi yini!

Valamuli 6:31

Joaxi i lo hlamula vontlhe lava va nga wa mu vukela, aku: Hi nwina mu yimelako Baali ke? Mu lava ku mu ponisa ke? Loyi a mu yimelako a dawe na ga ha hi mixo. Loku a hi mingungulu, a ti lwele ha yece, hakuva a alati gakwe gi khungumulweko.