Genesisi 31:24 - Tshwa Bible

²⁴ Nungungulu i lota ka Labani a muArame hi kulora ni wusiku, i te ngalo kakwe: Ti wonele lezaku u nga wulawuli ka Jakobe a kusasa hambu kubiha.

Genesisi 31:24 Mawu Ofanana

Genesisi 20:3

Kanilezi Nungungulu i lota ka Abimeleki a norweni wa wusiku, i te ngalo kakwe: Languta, wena u file hi kota ya loyi wasati u mu tekileko; hakuva i sati wa vambe.

Genesisi 20:6

Nungungulu i te ngalo kakwe le norweni: Nza zi tiva lezaku u mahile lezo zilo hi kululama ka mbilu ya wena; hikwalaho nzi lo ku siwukisa mina, akuva u nga nzi onheli; hi kota ya lezo a nzi ku vumelangi a kuva u mu henya.

Genesisi 24:50

Zonake Labani na Betueli va hlamula vaku ngalo! A mhaka leyi yi tako hi ka Jehova; hi nga ta wula ka wena kubiha hambu kusasa.

Genesisi 28:5

Isaka i lo mu fambisa Jakobe; i loya le Padanaramu ka Labani a nʼwana wa Betueli, a muAramea, makabye wa Rebeka, a nyine wa Jakobe na Esau.

Genesisi 31:10

Hakuva a xikhatini lexi a tiyivu ti nga xura a tinyimba, nzi lo tlakusa mahlo ya mina, nzi lo wona lomu norweni, a tihamba tontlhe leti ti nga lanza tiyivu ti wa hi ta makhwanga ni ta matlhakatlhaka ni to valala.

Genesisi 31:11

A ngelosi ya Nungungulu yi te ngalo ka mina hi kulora: Jakobe! Nziku: Nzi laha.

Genesisi 31:23

I lo famba ni vamakabye vakwe va mu lanza a pfhuka wa ntlhanu wa masiku ni mambiri; i lo ya mu kuma le xitsungeni xa Gileadi.

Genesisi 31:25

Labani i lo ya mu kuma Jakobe. Jakobe i wa gwimbile a tenda gakwe le xitsungeni; Labani ni vamakabye va wa gwimbile le xitsungeni xa Gileadi.

Genesisi 31:29

Zi le ntanweni wa mina ku ku lamata; kanilezi Nungungulu wa raru wa wena i wulawulile ka mina atolo ni wusiku, aku: Ti wonele, u nga wulawuli ka Jakobe kusasa hambu kubiha.

Genesisi 31:42

Loku ku wa nga hi lezi a nga na mina Nungungulu wa dadani, ni Nungungulu wa Abrahama, loyi Isaka a mu chavako, ngha u lo nzi fambisa na nzi nga hi na nchumu. Nungungulu i wonile a kuxaniseka ka mina, ni mitiro ya mandla ya mina, a kala a ku kawuka atolo ni wusiku.

Genesisi 31:7

Kanilezi a raru wa nwina i nzi khohlisile khume ga zikhati a hunzulusa a hakhelo ya mina; kanilezi Nungungulu a nga vumelangi a kuva a nzi mahela kubiha.

Genesisi 40:5

A nduna ya vacheleteli va zakunwa za hosi; ni nduna ya vabhiki va hosi ya Gipite, lava va nga lomu paxweni, va lo lora miloro hi wumbiri gabye, loyi ni loyi a lora zakwe ka gona wusiku lego ga ginwe; wunwe ni wunwani wu wa hi ni tlhamuselo ya wona.

Genesisi 41:1

Zonake kumbheleni ka malembe mambiri, Faro i lo lora noro. I lo lora na a yimile mbhirini ya congo.

2 Samueli 13:22

Kanilezi Absalome a nga wulangi nchumu xo biha hambu xo saseka ka Amnoni, hakuva Absalome i lo venga Amnoni hi lezi a nga onha makabye wakwe Tamara.

1 Tihosi 3:5

Jehova i lo woneka ka Solomoni le Gibeoni ni wusiku hi ku lora; Nungungulu i te ngalo kakwe: Kombela lexi u xi lavako a kuva nzi ku nyika xona.

Joba 33:25

A miri wakwe wu tava wuswa ku hunza wa xihlangi; I ta tlhelela masikwini ya wuswa gakwe.

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Hosea 12:12

Jakobe i chavele tikweni ga Arama; Israeli i tirele a sati, a risa mitlhambi kasi ku kuma sati. Gen. 27:43; 28:5

Mitsengo 12:6

Zonake aku ngalo: Zwanani timhaka ta mina! Loku ku hi kona muprofeti xikari ka nwina, mina Jehova nzi ti tivekisa ka yena hi miwoniso, nzi wulawula naye hi miloro.

Mitsengo 22:20

Zonake Nungungulu i lota ka Balaami ni wusiku, a ta ku ngalo kakwe: Lezi a vanhu lava va tako va ta ku vitana, famba navo; ntsena lezaku u taya maha lezi nzi ta nga ya ku byela zona.

Mitsengo 22:26

A ngelosi ya Jehova yi lo tshinela mahlweni, yi ya yima hi laha ka wutshamu go hlongana, ku nga hava wutshamu go hambukela kona xineneni ni xibhabheni.

Mitsengo 24:13

Hambu loku Balake a nzi nyika a yindlu yakwe na yi tele hi siliva ni nzalama, nzi nga ta hambunyeta kuleletela ka Jehova, nzi ti lavela za mina zo saseka kutani zo biha; kanilezi lezi Jehova a ta nga ya nzi byela, hi zalezo nzi ta nga wula zona.

Mateu 1:20

Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35

Mateu 2:12

Na va layilwe hi Nungungulu hi kulora lezaku va nga hunzi hi ka Herodi, va lu tlhelela tikweni gabye hi yinwani byela; Xip. 1:20

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Deuteronome 26:5

Zonake wena u ta wulawula mahlweni ka Jehova Nungungulu wa wena, uku: Dadani i wa hi muAramea loyi a nga lava kufa, kanilezi i loya Gipite ni tsengo wutsongwani wa vanhu, a tshama kona na hi muluveli; na yena i mahile a tiko ga hombe ga ntamu, ga vanhu vo tala. Gen. 11:31; 46:5