Genesisi 30:27 - Tshwa Bible

²⁷ Labani i te ngalo kakwe: Loku mina nzi kumile thomo mahlweni ka wena, wa nga tshama; hakuva nza wona lezaku Jehova wa nzi katekisa hi kota ya wena.

Genesisi 30:27 Mawu Ofanana

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Genesisi 18:3

aku ngalo: Hosi yanga, loku nzi kumile thomo mahlweni ka wena u nga hunzi a nanza ga wena.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 30:30

Hakuva ti wa hi titsongwani leti u nga wa hi nato na nzi nga se kuta mina, makunu lezi ti anzile nguvu ti tele; Jehova i ku katekisile hi kuta ka mina; makunu hi rini nzi ta nga tirela a wa mina ngango ke?

Genesisi 33:15

Esau i te ngalo: Ngha mina nzi ku siya ni vanwani vanhu va mina. Yena aku ngalo: Hi kota ya yini xana? Zi enele loku nzi kuma thomo mahlweni ka hosi ya mina.

Genesisi 34:11

Xekemi i te ngalo ka raru wa Dina, ni ka vamakabye vakwe: Ngha mina nzi kuma thomo mahlweni ka nwina. Wulani, kani hi xihi mu ta nga nzi byela nzi ta mu nyika.

Genesisi 44:5

A hi gona a gombe legi mu tekileko a hosi yi nwako ha gona, ni ku hlahluva ha gona ke? Mu onhile hi lezi mu mahileko.

Genesisi 47:25

Vona vaku: U hi hlayisile! Ngha hi kuma thomo mahlweni ka hosi ya hina, hina hi ta kuva tikhumbi ta Faro.

2 Samueli 6:11

A arke ga Jehova gi lo tshama tihweti tinharu lomu ndlwini ya Obedi-Edome, a muGati, zonake Jehova i lo katekisa Obedi-Edomi ni yindlu yakwe yontlhe.

1 Tihosi 11:19

Hadade i lo kuma thomo ga hombe mahlweni ka Faro, a mu nyika a makabye wa sati wakwe, a makabye wa muzinza Tahpenesi a kuva sati wakwe.

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Nehemia 2:5

Nzi te ngalo ka hosi: Loku a hosi yi vumela, ni loku a hosi yi xalaliswa hi mina, u wa ta nzi rumela le Juda, mutini wa zilahla za vadadani va mina, kasi nzi fela ku ya wu aketa.

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Eksodusi 3:21

Nzi ta maha lava vanhu va kuma thomo mahlweni ka vaGipite. Loku mu famba mu nga ta famba na mu nga hi na nchumu; Gen. 15:14

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Isaya 65:8

Jehova i ngalo: Loku ku hi ni dosi lomu ka xitata xa mauva, ve ngalo: U nga xi tsemi, hakuva xa ha hi ni zikatekiso! Minawo nzi ta mahisa lezo hi kota ya malanza ya mina: Nzi nga ta lovisa vontlhe.

Danieli 1:9

Makunu Nungungulu i lo maha Danieli a kuma thomo ni wuxinji mahlweni ka nduna ya mithenwa.

Mitsengo 11:11

Zonake Mosi aku ka Jehova; U karatela yini a nanza ga wena; hikuyini u nga nzi zweliko wusiwana, lezi u nzi binzisako hi nzhwalo wa vontlhe vanhu lava ke?

Mitsengo 11:15

Loku zi nghaho, nza ku kombela lezaku u nzi zwela wusiwana u nzi daya zalezi, kasi nzi nga ha woni a hlomulo lowu.

Mitiro 7:10

a mu tlhatlhisa makhombyeni yakwe wontihe, a mu nyika thomo ni kutlhariha mahlweni ka Faro, a hosi ya le Gipite; a hosi yi lo mu yimisa a kuva mufumeli wa le Gipite, ni wa yindlu yakwe yontlhe. Gen. 42:6

Rute 2:13

Zonake yena aku: Hosi yanga, u nzi mahele tipswalo; hakuva u nzi tangalisile, u wulawula hi wuxinji ka nanza ga wena; hambu loku nzi nga ringani ni ginwe ga malanza ya wena ya xisati.

1 Samueli 16:22

Zonake Saule i lo rumela mhaka ka Jese; aku: Vumela Davida a tshama laha ka mina a nzi tirela, hakuva i kumile thomo mahlweni ka mina.