Genesisi 3:4 - Tshwa Bible

⁴ Ni nyoka yi ku ngalo ka wasati: Mu nga tafa futsi;

Genesisi 3:4 Mawu Ofanana

Genesisi 3:13

Na Jehova Nungungulu aku ngalo ka wasati: U mahele yini lezi ke? Wasati aku ngalo: Hi nyoka yi nga nzi khohlisa, nziga.

Genesisi 3:3

kanilezi a mihanzu ya sinya leyi yi nga xikari ka simu, Nungungulu i te ngalo, mu nga ta yiga, hambu ni ku yi henya, kasi mu ngafi.

2 Tihosi 1:16

Zonake Elija i te ngalo ka yona: Jehova i ngalo: U kala u ruma mitsumi yi ya wutisa ka Baali-Zebuba a nungungulu wa le Ekroni, kasi lomu tikweni ga ka Israeli a ku na Nungungulu wa kuva u wutisa hi vito gakwe ke? Hikwalaho cima u nga ta vuka ka legi sango u etleleko ka gona, u tafa.

2 Tihosi 1:4

Hikwalaho Jehova i ngalo: Cima u nga ta vuka ka legi sango u etleleko ka gona, u tafa hakunene. Zonake Elija i lo suka.

2 Tihosi 1:6

Vona va te ngalo kakwe: Ku lota munhu a ta tlhangana na hina, aku: Tlhelani mu famba ka hosi ya nwina leyi yi mu rumileko, mu yaku ka yona: Jehova i ngalo: Xana lomu tikweni ga ka Israeli ko va hava Nungungulu, lezi u rumako ku ya wutisa ka Baali-Zebuba a nungungulu wa le Ekroni ke? Hikwalaho cima u nga ta vuka ka legi sango u etleleko ka gona, u tafa.

2 Tihosi 8:10

Elixa i te ngalo kakwe: Famba u ya mu byela ku ngalo: U ta kalamuka; kanilezi Jehova i nzi kombisile lezaku wena u tafa futsi.

2 Kronekele 18:21

Wona wu te ngalo: Nzi ta ya maha moya wa mawunwa milonwini ya vaprofeti vakwe vontlhe. Jehova i te ngalo: Hakunene u ta ya mu khohlisa u mu hlula; yana u ya maha zalezo!

Tisimu 10:11

I wula mbilwini yakwe, aku: Nungungulu i rivakelwe, I fihlile a nghohe yakwe, cima a nga ta zi wona.

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

2 Va le Korinte 2:11

kasi Satani a nga hi hluli; hakuva a hi kohlwi hi mano yakwe. 1 Ped. 5:8

Deuteronome 29:19

Ni kambe ku nga dzuki kuva kona munhu waku loku a zwile timhaka ta xifungo lexi, a rutisa mbilu yakwe aku: Nzi tava ni kurula, hambu loku nzi famba kuranzeni ka mbilu ya mina; lezo ku ta lova a byanyi go nyuka ni go woma.

1 Timote 2:14

Tlhatakumbiri, a hi Adamu a nga khohliswa, kanilezi hi wasati a nga khohliswa, a hambunyeta nayo.