Genesisi 3:19 - Tshwa Bible

¹⁹ U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Genesisi 3:19 Mawu Ofanana

Genesisi 18:27

Abrahama i lo hlamula, aku ngalo: Languta, makunu nzi tiyile ku wulawula ni Hosi ya mina, mina loyi nzi nga tshuri ni khuma.

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Genesisi 3:18

yi ta ku milisela mizwa ni mahlehlo; u taga zibyalo za khwati.

Genesisi 5:5

Ni wontihe masiku ya kuhanya ka Adamu ma wa hi 930 wa malembe, zonake i lofa.

Joba 1:21

Nzi lo huma nzi nga hi na nchumu hi lomu rumbyini ga mamani, nzi ta tlhelela kona nzi nga hi na nchumu. Jehova i nzi nyikile, Jehova i tlhelile a teka; a gi dumiswe a vito gakwe! Mutsa. 5:14; 1 Tim. 6:7

Joba 10:9

Alakanya lezaku u nzi mahile kukotisa wumba, U ta nzi tlhelisa nziya tshurini kambe ke?

Joba 19:26

Hambu loku a hlonge ya miri wa mina yi onhekile, Nzi ta mu wona Nungungulu na nzi nga ha hi nyameni. 1 Kor. 13:12

Joba 21:26

Lava vambiri va etlele zinwe misaveni, Va pomelwa hi ziwungwani hi wumbiri gabye.

Joba 34:15

Yontlhe nyama yi wa ta lova khatiginwe, Ni munhu a tlhelela tshurini.

Joba 4:19

Ku hunzeletisa kuyini ka lava va tshamako lomu tindlwini ta wumba, Lava a xiseketelo xabye xi nga laha tshurini, Va hetiswa kukotisa xiwungwani? 2 Kor. 5:1

Tisimu 103:14

Hakuva yena wa tiva lezi hi nga wumbiswa zona, Wa alakanya lezaku hina hi ntshuri.

Tisimu 104:23

A munhu a huma, aya ntirweni wakwe, A tira kala gambyeni.

Tisimu 104:29

Zi karateka loku u fihla a nghohe ya wena, Loku u susa moya wa zona, zafa, Zi tlhelela tshurini.

Tisimu 127:2

A zi mu vuni nchumu ku vinzuka ni mixo, Ni ku pileka ni wusiku ga hombe, Muga zakuga hi kukarateka; Hakuva a muranziwa wakwe i nyikwa za ku tano wurongweni gakwe. Gen. 3:17, 19; Mat. 6:25

Tisimu 22:15

A ntamu wa mina wu womile khwatsi xirengele, A lirimi la mina li namarele tihlayeni ta mina; Wena u nzi nehele tshurini wa kufa.

Tisimu 22:29

Vontlhe vahombe va misava va taga va mu khozela; Vontlhe lava va relelako xilahleni va ta mu koramela, Lava va nga zi kotiko ku ti hanyisa. 1 Sam. 2:8

Tisimu 90:3

Wena u tlhelisa vanhu ntshurini, Uku: Tlhelani nwina vana va vanhu. Gen. 3:19; Mutsha. 12:7

Mavingu 21:16

A munhu loyi a hambukako ndleleni ya kupimisisa, I ta tshama hlengeletanweni wa vafileko.

Mutshawuteli 1:13

Nzi lo nyiketela a mbilu ya mina a ku hlotisisa hi wutlhari a zilo zontlhe lezi zi mahiwako lahasi ka tilo; i ntiro wo bayisa lowu Nungungulu a wu nyikileko ka vanana va vanhu lezaku va ti karata ha wona. 1 Tih. 4:29

Mutshawuteli 1:3

I bhinzula yini munhu hi mitiro yakwe yontlhe a yi mahako lahasi ka gambo ke?

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Mutshawuteli 3:20

Zontlhe ziya wutshamu ginwe; zontlhe zi mahilwe hi ntshuri, hikwalaho zontlhe zi tlhela ziya ntshurini kambe. Gen. 2:19; Tis. 104:29; Joba 34:15

Mutshawuteli 5:15

Khwatsi hilezi a nga huma rumbyini ga nyine na a hi ximbyiri, i ta tlhelisa zalezo, cima a nga ta teka nchumu xa ntiro wakwe a suka naxo.

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

1 Va le Korinte 15:47

A munhu wo ranga i lo mahiwa hi misava, ngwa misava; a munhu wa wumbiri ngwa le tilweni. Gen. 3:19; Joh. 3:13, 31

Va le Efesusi 4:28

Ngha loyi a nga hi khamba a nga ha yivi kambe; kanilezi a ti karate a tira lezi zi sasekileko hi mandla yakwe, kasi a fela kuva nazo zo nyika loyi a vumalako.

1 Va le Tesalonika 2:9

Vamakabye, nwina ma alakanya a ntiro wa hina ni kukarateka ka hina; lezi hi nga tira wusiku ni mumu, kasi hi nga binzisi ni munwe wa nwina, laha hi nga kanela ivangeli ya Nungungulu ka nwina. 2 Kor. 11:9

2 Va le Tesalonika 3:10

Hakuva laha hi nga hi zinwe na nwina hi lo mu laya, hiku: Loku a hi kona munhu loyi a nga vumeliko ku tira, ngha a ngagi. Gen. 3:19; 1 Tes. 4:11

Maheberu 9:27

Kambe kota lezi ku yimiselweko vanhu a kuva vafa kanwe, va lamulwa; Gen. 3:19; 2 Kor. 5:10; Kuv. 20:12