Genesisi 3:17 - Tshwa Bible

¹⁷ Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

Genesisi 3:17 Mawu Ofanana

Genesisi 3:11

Na yena i te ngalo: U byelilwe hi mani ku ngalo a ku ambalangi nchumu ke? U gile sinya leyi nzi nga ku byelile lezaku u nga yigi ke?

Genesisi 3:18

yi ta ku milisela mizwa ni mahlehlo; u taga zibyalo za khwati.

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Genesisi 5:29

i lo mu chula vito gakwe ku hi Noa, na aku: Yaloyi i ta hi humuta kukaraleni ka hina, ni le kuxanisekeni ka mitiro ya hina yo rima misava leyi Nungungulu a yi rukateleko.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Joba 14:1

A munhu loyi a pswelweko hi wasati, A masiku yakwe matsongwani, na tele hi zikarato.

Joba 21:17

Zikhati zingani a kandiya ya va kubiha yi timiwako! Zikhati zingani a kulobyiswa ku tako hehla kabye, Lezaku Nungungulu wa va avela a hlokiselelo zangeni yakwe?

Tisimu 127:2

A zi mu vuni nchumu ku vinzuka ni mixo, Ni ku pileka ni wusiku ga hombe, Muga zakuga hi kukarateka; Hakuva a muranziwa wakwe i nyikwa za ku tano wurongweni gakwe. Gen. 3:17, 19; Mat. 6:25

Mutshawuteli 2:11

Kanilezi laha nzi nga cuwukisa mitiro leyi a mandla ya mina ma yi mahileko, nzi alakanya a kukarateka loku nzi nga hi nako loku nzi yi maha, languta, zontlhe zi wa nga nyawuli, zi wa hi ku lanza mheho ntsena; ku wa nga hi na bhinzu lahasi ka gambo.

Mutshawuteli 2:17

Hikwalaho nzi lo venga kuhanya, hakuva nzi lo tsanwa hi lezi zi mahiwako lahasi ka gambo; zontlhe a zi nyawuli, hi ku lanza mheho ntsena.

Mutshawuteli 5:17

Ni ka masiku wontihe yakwe i gela munyameni; na a hi ni hlomulo wa hombe, ni kubayiseka ni zanga.

Mateu 22:12

Yi te ngalo kakwe: Xaka, u enghenisile kuyini laha na u nga hi na nguwo ya muchado ke? Yena a su kaye.

Mateu 25:45

Zonake i ta va hlamula, aku: Hizinene nzi ngalo ka nwina: Kota lezi mu nga kala ku zi maha ka munwe wa lava va tsongwanyani, a mu zi mahangi ka mina. Zak. 2:8; Miti. 9:5

Luka 19:22

Yena aku ngalo ka gona: Nanza go biha, nzi ta ku lamula hi magezu ya wena. Wena u wa kari u zi tiva lezaku nzi munhu wa lunya, nzi tekako lezi nzi nga vekangiko, nzi tshovela lezi nzi nga byalangiko; 2 Sam. 1:16; Joba 15:6; Mat. 25:26

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Maheberu 6:8

Kanilezi loku yi milisa mizwa ni zihlehlwani, ya tsikwa, yi kusuhani ni ku rukateliwa, a magumo ya yona hi ku hiswa.