Genesisi 3:15 - Tshwa Bible

¹⁵ Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Genesisi 3:15 Mawu Ofanana

Genesisi 49:17

Dani i tava nyoka laha ndleleni, A xihihigani laha pfutleni, Lexi xi tumako xirenze xa haxi, Kasi mukhileli wa gona awa ha xinzhakwani.

Tisimu 132:11

Jehova i mahile xihlambanyo xi nene ka Davida, Cima a nga ta hunzuluka ka xona; Ite: Nzi ta veka xitshanwini xa wuhosi xa wena a nʼwana wa nyimba ya wena. 2 Sam. 7:11; Miti. 2:30

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Danieli 9:26

Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Amosi 9:3

Hambu loku va nga ya fihlala le hehla ka Karmeli, nzi ta va lava kala nzi va humesa lomo; hambu loku va nga nzi fihlalela kueteni ka bimbi, nzi ta va rumela a nyoka yi ya va luma kwaleyo.

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Mateu 1:25

Kanilezi a nga mu tivangi kala a beleka a nwanana; i lo mu chula a vito gakwe aku hi Jesu. Lu. 2:7, 21

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Mateu 13:38

a simu hi tiko; a mbewu yi nene hi vana va mufumo; ni nyasavari hi Vana va loyi wa kubiha; Gen. 3:15; Lu. 24:47; Miti. 13:10

Mateu 23:33

Nwina tinyoka, a pswalo wa maphiri, mu ta ponisa kuyini a kulamulwa ka Gehena ke?

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Marku 16:18

va ta khoma tinyoka; hambu loku vanwa a xilo xi dayako, xi nga ta va lamata; va ta tlhateka mandla ka vababyi, va hanya. Miti. 28:5, 8

Luka 1:76

Na wena nwanana, u ta vitanwa aku muprofeti wa loyi a nga Hehla-Hehla, Hakuva u ta famba mahlweni ka Hosi a ku longisa a tindlela ta yona, Isa. 40:3; Mal. 3:1

Luka 10:19

Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. Mar. 16:18; Miti. 28:5

Luka 22:53

Laha nzi nga wa hi na nwina masiku wontihe lomu tempeleni, a mu ringangi ku nzi khoma; kanilezi lexi hi xikhati xa nwina ni ntamu wa munyama. Joh. 12:27

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 13:10

aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

Va le Roma 3:13

A nkolo wabye xilahla xi vululekileko; Va khohlisa hi tirimi tabye; A wuxungu ga tinyoka gi lomu nzeni ka milomu yabye. Tis. 5:9; 140:3

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

Va le Efesusi 4:8

Hikwalaho ku tsalilwe ku ngalo: Laha a nga tlakukela hehla i lo rangela vakhomiwa, A nyika zinyikiwo ka vanhu. Tis. 68:18; Kol. 2:15

Va le Kolosi 2:15

I lo wutla matlhari ya vafumeli va mimoya ni mintamu, a va wisa tingana kubaseni, a giyagiya hi ku va hlula kakwe xihambanweni. Gen. 3:15; Tis. 66:18; Isa. 53:12; Lu. 10:18; Joh. 12:31

Maheberu 2:18

Hakuva lezi yena wutsumbu a nga xaniseka a ringwa, wa zi kota ku vunetela lava va ringiwako.

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

1 Johani 5:5

Himani loyi a hlulako tiko, loku ku nga hi yena loyi a kholwako lezaku Jesu i Nʼwana wa Nungungulu ke? 1 Kor. 15:57

Kuvululelwa 12:17

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu. Gen. 3:15; Xip. 1:2, 9

Kuvululelwa 13:7

Xi lo nyikiwa ntamu wa kuva zilwa ni vobasa, xi va hlula: xi nyikiwa ni ntamu hehla ka tontlhe tixaka, ni mifumo, ni tirimi, ni matiko. Dan. 7:21

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11