Genesisi 3:14 - Tshwa Bible

¹⁴ Na Jehova Nungungulu aku ngalo ka nyoka: Hakuva wena u mahileko lezi, u rukatelwe wena ku hunza zifuyo zontlhelele ni zihari zontlhelele za khwati; u ta famba hi rumbu ga wena uga tshuri masiku wontihe ya kuhanya ka wena.

Genesisi 3:14 Mawu Ofanana

Genesisi 3:1

A nyoka yi wa hi ni mano ku hunza zihari zontlhe za tiko, lezi Jehova Nungungulu a nga wa zi mahile. Yi ku ngalo ka wasati: Hakunene Nungungulu i wulile lezaku mu ngagi ni sinya yinwe ya simu ke?

Genesisi 4:11

Makunu u rukatelwe misaveni leyi yi ahlamileko a nomu wa yona yi amukela a nkhata wa nakuloni a mandleni ya wena.

Genesisi 9:6

Loye a halatako a nkhata wa munhu, a nkhata wakwe wu ta halatwa hi munhu; hakuva Nungungulu i lo maha vanhu hi mufananiso wakwe. Mat. 26:52; Kuv. 13:10

Tisimu 72:9

Lava va tshamako xiwuleni va ta korama mahlweni kakwe, Ni valala vakwe va ta laza a ntshuri.

Isaya 29:4

U ta koramiswa, a gezu ga wena gi ta humela hasi; A timhaka ta wena ti ta huma hi gome ntshurini, A gezu ga wena gi ta fanana ni legi ga xiruti, gi huma misaveni; Gi huma ntshurini khwatsi hi loyi a nʼununʼutako.

Isaya 65:25

A hlolwa ni yivana zi taga zinwe A nghala yi taga byanyi khwatsi i homu; Ni nyoka yi taga ntshuri. Va nga ta lamata hambu ku lovisa Lomu xitsungeni xontlhe xa mina xi basileko, Ku wula Jehova.

Levi 20:25

Hikwalaho hlawulani a zihari lezi zi hlazekileko xikari ka lezi zi nga hlazekangiko, ni zinyanyani zi hlazekileko xikari ka lezi zi nga hlazekangiko, mu nga ti nyenyezisi hi kota ya zihari, ni zinyanyani, ni zontlhe lezi zi kokakokako laha misaveni; lezi nzi mu byelileko lezaku za yila.

Mika 7:17

Va ta laza a tshuri kukotisa a nyoka; vata huma makhokholeni yabye kota zikokakoka za misava na va rurumela; va tata ka Jehova Nungungulu wa hina hi kudzevetana, va ta ku chava.