Genesisi 29:32 - Tshwa Bible

³² Lea i lo xura nyimba, i lo beleka nisanyana, i lo chula vito gakwe ku hi Rubeni; hakuva i te ngalo: Jehova i wonile kuxaniseka ka mina, lezi a nuna wa mina i ta nzi ranza.

Genesisi 29:32 Mawu Ofanana

Genesisi 16:11

A ngelosi ya Jehova yi te ngalo ka yena: Languta, u xure nyimba, u ta beleka nisanyana, u ta chula vito gakwe ku hi Ixmaeli; hakuva Jehova i zwile a kuxaniseka ka wena.

Genesisi 29:31

Jehova i lo wona lezaku Lea wa vengiwa, i lo vulula marumbu yakwe, kanilezi Rakeli i wa hi ngonwa.

Genesisi 31:42

Loku ku wa nga hi lezi a nga na mina Nungungulu wa dadani, ni Nungungulu wa Abrahama, loyi Isaka a mu chavako, ngha u lo nzi fambisa na nzi nga hi na nchumu. Nungungulu i wonile a kuxaniseka ka mina, ni mitiro ya mandla ya mina, a kala a ku kawuka atolo ni wusiku.

Genesisi 35:22

Zonake laha Israeli na akile ka lego tiko, Rubeni i lo etlela na Bilha, a mundlukulu wa raru wakwe; Israeli i lozwa mhaka leyo. Makunu a vana va Jakobe va wa hi khume ni vambiri.

Genesisi 35:23

A vana ya Lea hi Rubeni, a matewula ya Jakobe, na Simoni, na Levi, na Juda, na Isakari, na Zebuloni.

Genesisi 37:29

Zonake Rubeni i lo tlhela aya rinzini, i loya wona lezaku Josefa a nga kona.

Genesisi 42:22

Rubeni i lo va hlamula, aku: A nzi mu byelangi nziku, mu nga mahi kubiha ka nakulori ke? Kanilezi a mu ingisangi; hi nkhata wakwe wu labyiwako makunu.

Genesisi 42:27

Laha va nga chikela wutshanwini ga ku etlela, a munwe wabye i lo tlhatlha a sakwa yakwe kasi ku nusela mbongola yakwe, i lo wona mali yakwe na yi hi kona nonwini wa sakwa yakwe.

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

1 Kronekele 5:1

A vana va Rubeni a matewula ya Israeli (hakuva i wa hi matewula, kanilezi hi kota ya lezi a nga nyenyezisa a sango ga raru wakwe, a wutewula gakwe gi lo nyikelwa ka vana va Josefa nʼwana Israeli; na ku nga hi lezaku Josefa i wa kuva matewula.

Tisimu 106:44

Hambu-lokoke i lo wona kuxaniseka kabye, Laha a ngazwa kurila kabye;

Tisimu 25:18

Cuwuka a hlomulo wa mina ni kubayiseka ka mina, U nzi tsetselela a zionho za mina zontlhe.

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Ezekieli 48:6

A ku gamakana na Efraime xi tava xipanze xa Rubeni, kusukela tlhelo ga Mutsuwuka-gambo kala tlhelo ga Muhlwa-gambo.

Mitsengo 1:5

Laya hi mavito ya vavanuna lava va ta nga mu vuna: Le lixakeni la Rubeni, Elizura nʼwana wa Xedura;

Luka 1:25

Hi lezi Hosi yi nga nzi mahela zona a masikwini laya yi nzi cuwukileko, kasi ku susa a tingana ta mina xikari ka vanhu. Gen. 30:23; Isa. 54:1, 4

Deuteronome 26:7

Kanilezi hi lo rila ka Jehova Nungungulu wa vadadani va hina, zonake Jehova i lozwa a gezu ga hina, a wona kutsimbeketwa ka hina, ni mitiro ya hina, ni kuxaniseka ka hina.

Deuteronome 27:13

Ni lava va ta nga yima xitsungeni xa Ebale va wulawula nzhukano, hi lava: mba ka Rubeni, ni va ka Gadi, ni va ka Axeri, ni va ka Zebuloni, ni va ka Dani, ni va ka Naftali.

1 Samueli 1:11

a hlambanya, aku: Jehova wa tiyimpi, loku u wa cuwuka a hlomulo wa nanza ga wena, u nzi alakanya, u nga rivali a nanza ga wena, u nyika a nanza ga wena a nwanana wa mufana, minawu nzi wa ta mu nyikela ka Jehova wontihe masiku ya kuhanya kakwe, ni likari cima li nga ta henya a hloko yakwe. Mitse. 6:5; Vala. 13:5

1 Samueli 1:20

Ka gwalego lembe Hana i lo xura nyimba a pswala nwanana wa mufana, a mu chula vito ga Samueli, hakuva i te ngalo: Nzi mu kombelile ka Jehova.