Genesisi 28:3 - Tshwa Bible

³ Nungungulu wa Ntamu-wontlhe a ku katekise, a ku maha u pswala, a ku anzisa, u maha lixaka la hombe;

Genesisi 28:3 Mawu Ofanana

Genesisi 1:28

Nungungulu i lo va katekisa, ni ku va laya, aku: Pswalani, mu anza, mu tata misava, mu yi fumela; mu fumela ni zidluwani za bimbi, ni tinyanyani ta tilo, ni zontlhe zi hanyako, zi fambako misaveni.

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 17:20

Kambe nzi ku zwile hi tlhelo ga Ixmaeli; languta, nzi ta mu katekisa nzi anzisa pswalo wakwe, wu anza nguvu, yena i ta beleka a 12 wa tihosana, nzi ta maha ha yena a tiko ga hombe.

Genesisi 24:60

Va lo mu katekisa Rebeka, vaku ka yena: Wena makweru, ngha ma hi mazana ya mazana ya tsanza-vahlayi a pswalo wa wena, ni pswalo wa wena a wu wutle tinyangwa ta valala vabye.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 27:33

Isaka i lo dzuka hi kururumela ka hombe nguvu, aku: Himani yena loyi a nga nzi hlotela nyama, a yi neha ka mina? Nzi loga yontlhe na u nga se ku chikela wena, nzi lo mu katekisa. Hakunene a xikatekiso xi na yena.

Genesisi 35:11

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

Genesisi 41:52

Loyi wa nzisana i lo mu chula vito gaku hi Efraime, aku: Hakuva Nungungulu i nzi nyikile vanana lomu tikweni ga hlomulo wa mina.

Genesisi 43:14

Nungungulu wa Ntamu Wontihe a mu mahe mu kuma thomo mahlweni ka naloye, kasi a fela ku mu tlhatlhisela munwani nakuloni zinwe na Benjamini. Loku mina zi nzi fanele a kuva nzi lahlekelwa hi vana va mina, a nzi lahlekelwe hi vona.

Genesisi 48:3

Jakobe aku ka Josefa: Nungungulu wa Ntamu Wontihe i lo woneka ka mina le Luzi, tikweni ga le Kanani, a nzi katekisa,

Genesisi 48:4

aku ka mina: Nzi ta ku nyika kubeleka nzi ku anzisa, nzi ta ku maha matiko manyingi, nzi ta ku nyika legi tiko, wena ni pswalo wa wena anzhako ka wena, yi tava a tshomba ya kala kupinzuka.

Genesisi 49:25

Hi ntamu wa Nungungulu wa raru wa wena, loyi a ta nga ku vuna; Ni wa Ntamu-Wontlhe loyi a ta nga ku katekisa Hi Xikatekiso za le tilweni le hehla, Ni zikatekiso za lomu kueteni laha hasi, Ni zikatekiso za mavele ni za nyimba.

Genesisi 9:1

Na Nungungulu i lo katekisa Noa ni vana vakwe, aku ka vona: Pswalani mu anza, mu tata misava.

Tisimu 127:1

Loku Jehova a nga aki yindlu, Va tirela mahala lava va yi akako; Loku Jehova a nga hlayisi muti, A varinzeli va lavelela mahala. 1 Kor. 3:7

Tisimu 127:3

Languta, a vanana i tshomba ya Jehova, A mbanzu wa nyimba hi nchachazelo.

Eksodusi 1:7

A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Eksodusi 6:3

Nzi ti wonekelisile ka Abrahama, ni ka Isaka, ni ka Jakobe, na nzi hi Nungungulu wa Ntamu-wontlhe, kanilezi a vito ga mina ga Jehova gi wa nga tiveki ka vona.

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Kuvululelwa 21:22

A nzi wonangi tempeli ka wona; hakuva a tempeli ya wona hi Hosi Nungungulu wa ntamu-wontlhe, zinwe ni Yivana. Joh. 4:23

Rute 2:4

Boazi i lo chikela na ata hi le Betlehema, aku ngalo ka vatshoveli: Jehova ave na nwina! Vonawu vaku: Jehova a ku katekise!