Genesisi 28:20 - Tshwa Bible

²⁰ Jakobe i lo funga xifungo, aku: Loku Nungungulu a tava zinwe na mina, a nzi hlayisa ndleleni, leyi nzi fambako ka yona, a nziha kuga ka kuva nziga, ni tinguwo ta ku ambala,

Genesisi 28:20 Mawu Ofanana

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 31:13

Hi mina Nungungulu wa le Beteli, laha wena u nga tota a mhinga, laho u nga funga xifungo ka mina. Sukake ka legi tiko, u famba tikweni ga nwina.

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

2 Samueli 15:8

Hakuva a nanza ga wena, a xikhati lexi nzi nga wa tshamile le Gexura, tikweni ga Siria, nzi wa ti bohile hi kuhlambanya, nziku: Loku Jehova a nzi tlhelisa kambe nziya Jerusalema, mina nzi ta mu khozela. Gen. 28:20

1 Kronekele 4:10

Jabeza i lo khongela ka Nungungulu wa ka Israeli, aku: Loku u wa nzi katekisa, u engetela a mimbhingano ya mina, a canja ga wena giva zinwe na mina, u nzi vikela ka lezi zi bihileko, kasi nzi nga kumi hlomulo! Nungungulu i lo mu nyika lezi a zi kombeleko.

Tisimu 116:14

Nzi ta rihela zifungo za mina ka Jehova, Kuwoneni ka vanhu vakwe vontlhe.

Tisimu 116:18

Nzi ta riha zifungo za mina ka Jehova, Kuwoneni ka vanhu vakwe vontlhe,

Tisimu 119:106

Nzi hlambanyile, nza zi tiyisa Lezaku nzi ta hlayisa a zilayelo za wena zi lulamileko.

Tisimu 132:2

Lezaku i hlamhanyisile kuyini ka Jehova, A funga ka Nyamintamu wa Jakobe;

Tisimu 22:25

Nzi ta ku dumisa gotsovanyweni wa hombe, Nzi ta tatisa zifungo za mina mahlweni ka lava va mu chavako.

Tisimu 56:12

Nungungulu, nzi fanele ku tatisa a zifungo lezi nzi ku maheleko zona; Nzi ta ku humesela a minyikelo ya kubonga.

Tisimu 61:5

Hakuva wena Nungungulu u zwile a zifungo za mina, U nzi nyikile a tshomba ya lava va chavako a vito ga wena.

Tisimu 61:8

Zonake nzi ta dumisa a vito ga wena kala kupinzuka, Kasi nza tatisa a zifungo za mina siku ni siku.

Tisimu 66:13

Nzi ta enghena ndlwini ya wena ni minyikelo ya kuhiswa, Nzi ta ku riha a zifungo lezi nzi ku hlambanyileko,

Tisimu 76:11

Fungani ka Jehova a Nungungulu wa nwina, mu tatisa zifungo za nwina; Vontlhe lava va mu ranzeleko ngha va neha zinyikiwo ka loyi a faneleko ku chabyiwa. Deut. 23:21

Isaya 19:21

Na Jehova i ta tibyiwa le Gipite, a maGipite ma ta tiva Jehova a ka siku lego; va ta khozela hi miphahlelo ni minyikelo ya zakuga; ina, va ta funga zifungo ka Jehova, va zi tatisa.

Johani 1:16

Hakuva hina hontlhe hi amukele hi kakwe kutala, a wuxinji hehla ka wuxinji. Efe. 1:6; Kol. 1:19

Mitiro 18:18

Paule na a tshamile kona a masiku yo tala, i lo onekana ni vamakabye, a famba hi taru aya Siria, zinwe na Prisila na Akwila; na a cingile hloko le Kenkrea, hakuva i wa ti bohile hi kuhlambanya. Mitse. 6:18; Xip. 21:24; Rom. 16:1

1 Timote 6:8

Loku hi hi ni zakuga ni kuambala, ngha hi eneliswa ha zona. Gen. 28:20; Maheb. 13:5

1 Samueli 1:11

a hlambanya, aku: Jehova wa tiyimpi, loku u wa cuwuka a hlomulo wa nanza ga wena, u nzi alakanya, u nga rivali a nanza ga wena, u nyika a nanza ga wena a nwanana wa mufana, minawu nzi wa ta mu nyikela ka Jehova wontihe masiku ya kuhanya kakwe, ni likari cima li nga ta henya a hloko yakwe. Mitse. 6:5; Vala. 13:5

1 Samueli 1:28

Hikwalaho minawu nza mu nyikela ka Jehova. Wontihe masiku ya kuhanya kakwe i tava loyi a lumbako Jehova. Zonake va lo khizamela Jehova.

1 Samueli 14:24

A vanhu va ka Israeli va wa rerekile nguvu lego siku, hakuva Saule i wa hlamhanyisile vanhu, aku: I rukatelwe loye a ta ngaga zakuga kusukela lezi kala laha gambyeni, hakuva nza ha lava ku phota ka valala va mina! Hikwalaho ku wa nga hi kona munhu a nga wa laza zakuga.