Genesisi 28:15 - Tshwa Bible

¹⁵ Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 28:15 Mawu Ofanana

Genesisi 21:20

Nungungulu i wa hi zinwe ni mufana, i lo kula, a tshama xiwuleni na a hi mukhomi wa wura.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 30:25

Zonake laha Rakeli na belekile Josefa, Jakobe i te ngalo ka Labani: Nzi tlhatlhe nziya wutshanwini ga mina, ni le tikweni ga hina.

Genesisi 31:13

Hi mina Nungungulu wa le Beteli, laha wena u nga tota a mhinga, laho u nga funga xifungo ka mina. Sukake ka legi tiko, u famba tikweni ga nwina.

Genesisi 31:3

Jehova i te ngalo ka Jakobe: Tlhelela tikweni ga vakoko va wena ni le maxakeni ya wena; mina nzi tava zinwe na wena.

Genesisi 31:5

I te ngalo kabye: Nza zi wona lezaku a nghohe ya raru wa nwina a ya ha kotisi za tolo ni tolweni; kanilezi Nungungulu wa dadani wa mina i na mina.

Genesisi 32:9

Jakobe i te ngalo: Nungungulu wa dadani Abrahama, ni Nungungulu wa dadani Isaka, wena Jehova loyi u nga nzi byela ku ngalo: Tlhelela tikweni ga nwina, ni le maxakeni ya wena, nzi ta ku mahela zinene;

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

Genesisi 39:21

Kanilezi Jehova i wa hi zinwe na Josefa; i lo mu kombisa wuxinji, a mu maha lezaku a kuma thomo ka nduna ya paxo.

Genesisi 46:4

Mina nzi ta relela zinwe na wena le Gipite, hakunene, nzi ta tlhela kambe nzi ku kanzihisa nzi ku neha leno; Josefa i ta vala a mahlo ya wena kufeni ka wena.

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

Genesisi 48:21

Zonake Israeli aku ka Josefa: Nzi tafa; kanilezi Nungungulu i tava na nwina, i ta mu tlhelisa muya tikweni ga vakoko va nwina.

1 Tihosi 8:57

Ngha Jehova Nungungulu wa hina ave zinwe na hina, khwatsi hi lezi a nga wa hi zinwe ni vakoko va hina. Ngha yena a nga hi tsiki a hi rivala;

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

Tisimu 91:11

Hakuva i ta ruma a tingelosi takwe, A kuva ti ku hlayisa tindleleni ta wena tontlhe. Mat. 4:6; Lu. 4:10

Eksodusi 13:11

Laha Jehova a ta nga ku chiketa a tikweni ga vaKanani, kota lezi a hlambanyileko ka wena ni ka vararu va wena, a ku ku nyika gona,

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 8:10

Bohani xikungo, kanilezi xi nga ta maheka. Wulawulani mhaka, kanilezi yi nga ta tiya; hakuva Nungungulu i na hina. Joba 5:12; Rom. 8:31

Jeremia 1:19

Va talwa na wena, kanilezi va nga ta ku hlula; ihakuva mina nzi zinwe na wena, kasi ku ku ponisa, ku wula Jehova.

Jeremia 16:15

kanilezi va taku: Jehova wa hanya, loyi a humesileko a vanana va ka Israeli hi le tikweni ga Nwalungu, ni le matikweni wontihe lawo a nga va hlongolele kona. Nzi ta va wuyisa kambe tikweni gabye legi nzi nga nyika vararu vabye.

Levi 26:42

zonake nzi ta alakanya a xivumelwano xa mina na Jakobe, ni kambe nzi ta alakanya a xivumelwano xa mina na Isaka, ni xivumelwano xa mina na Abrahama, nzi ta alakanya ni tiko.

Levi 26:45

Hi kota ya vona nzi ta alakanya xivumelwano xa mina lexi nzi mahileko ni vararu vabye, lava nzi va humesileko tikweni ga le Gipite kuwoneni ka vamatiko, kasi nziva Nungungulu wabye. Hi mina Jehova.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Mitsengo 6:24

Jehova a ku katekise, a ku hlayisa;

Mateu 18:20

Hakuva laha ku tlhangeneko vambiri kutani vanharu vitweni ga mina, kwalaho nzi kona xikari kabye.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Deuteronome 30:3

Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Deuteronome 31:6

Tiyani hlana, mu nga mbheli ntamu! Mu nga chavi, hambu ni ku dzukiswi ha vona, hakuva Jehova Nungungulu wa nwina i famba mahlweni ka nwina, cima a nga ta mu siya, hambu ni ku mu tsika. Jox. 1:5; Maheb. 13:5

Deuteronome 31:8

Jehova i ta famba mahlweni ka wena, ava zinwe na wena; cima a nga ta ku tsika, hambu ni ku ku siya; hikwalaho u nga chavi u mbhela ntamu.

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

Valamuli 6:16

Jehova aku kakwe: Hizinene nzi tava na wena. U ta hlasela vaMidiani khwatsi i munhu munwe. Ekso. 3:12