Genesisi 26:24 - Tshwa Bible

²⁴ Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 26:24 Mawu Ofanana

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 17:8

Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.

Genesisi 21:17

Nungungulu i lozwa a gezu ga mufana; ni ngelosi ya Nungungulu yi vitana Hagari, yi hi le tilweni, yiku kakwe: Hagari, u yini ke? U nga chavi; hakuva Nungungulu i zwile a gezu ga mufana laho a nga kona.

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 22:19

Zonake Abrahama i lo wuya ka malanza yakwe, va lo ta suka va famba Berexeba. Abrahama i lo luvela kona Berexeba.

Genesisi 24:12

Yena i te ngalo: Jehova, Nungungulu wa nwinyi wa mina Abrahama, nzi vune nyamutlha, u mu mahela wuxinji a nwinyi wa mina Abrahama.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 28:3

Nungungulu wa Ntamu-wontlhe a ku katekise, a ku maha u pswala, a ku anzisa, u maha lixaka la hombe;

Genesisi 30:27

Labani i te ngalo kakwe: Loku mina nzi kumile thomo mahlweni ka wena, wa nga tshama; hakuva nza wona lezaku Jehova wa nzi katekisa hi kota ya wena.

Genesisi 31:5

I te ngalo kabye: Nza zi wona lezaku a nghohe ya raru wa nwina a ya ha kotisi za tolo ni tolweni; kanilezi Nungungulu wa dadani wa mina i na mina.

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

Genesisi 46:1

Israeli i lo suka ni zontlhe lezi a nga wa hi nazo; i lo chikela Berexeba, a phahlela ka Nungungulu wa Isaka, a raru wakwe.

1 Tihosi 17:13

Elija i te ngalo kakwe: U nga chavi! Famba u ya maha kota lezi u wulileko; ntsena lezaku ranga hi ku ya nzi mahela a xikhekhetselo u nzi nehela leno handle, anzhako ka lezo u ta ti bhikela za wena ni nʼwana wa wena.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Mikosi 3:57

U lo tshinela a siku nzi nga ku vitana, Uku ka mina: U nga chavi!

Levi 26:42

zonake nzi ta alakanya a xivumelwano xa mina na Jakobe, ni kambe nzi ta alakanya a xivumelwano xa mina na Isaka, ni xivumelwano xa mina na Abrahama, nzi ta alakanya ni tiko.

Levi 26:45

Hi kota ya vona nzi ta alakanya xivumelwano xa mina lexi nzi mahileko ni vararu vabye, lava nzi va humesileko tikweni ga le Gipite kuwoneni ka vamatiko, kasi nziva Nungungulu wabye. Hi mina Jehova.

Mateu 22:32

Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Mitiro 7:32

Hi mina Nungungulu wa vakoko va wena, a Nungungulu wa Abrahama, ni wa Isaka, ni wa Jakobe. Mosi i lo rurumela, i wa nga hi na hlana wa ku cuwuka. Mat. 22:32

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Deuteronome 31:6

Tiyani hlana, mu nga mbheli ntamu! Mu nga chavi, hambu ni ku dzukiswi ha vona, hakuva Jehova Nungungulu wa nwina i famba mahlweni ka nwina, cima a nga ta mu siya, hambu ni ku mu tsika. Jox. 1:5; Maheb. 13:5

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Maheberu 13:6

Hikwalaho hi nga wula na hi tiyilehlana, hiku: A Hosi hi muvuni wa mina, nzi nga ta chava; A vanhu va nga nzi mahela yini ke? Tis. 27:1; 56:11, 12

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Rute 3:11

Makunu, nwananga, u nga chavi! Nzi ta ku mahela zontlhe lezi u zi wulako, hakuva a muti wontihe wa vanhu va ka hina wa zi tiva lezaku wena u wasati a faneleko.