Genesisi 24:7 - Tshwa Bible

⁷ Jehova, Nungungulu wa tilo, loyi a nga nzi teka le ndlwini ka dadani, ni le tikweni ga maheleko, loyi a nga wulawula a hlambanya ka mina, aku: A pswalo wa wena nzi ta wu nyika legi tiko; i ta ruma ngelosi yakwe mahlweni ka wena, u ta ya mu tekela nʼwana wa mina a sati leyo.

Genesisi 24:7 Mawu Ofanana

Genesisi 13:15

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 16:7

A ngelosi ya Jehova yi lo mu kuma le hlobyeni ya mati lomu xiwuleni, hi laha hlobyeni ya ndlela ya kuya le Xure.

Genesisi 17:8

Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.

Genesisi 21:17

Nungungulu i lozwa a gezu ga mufana; ni ngelosi ya Nungungulu yi vitana Hagari, yi hi le tilweni, yiku kakwe: Hagari, u yini ke? U nga chavi; hakuva Nungungulu i zwile a gezu ga mufana laho a nga kona.

Genesisi 22:11

A ngelosi ya Jehova yi lo mu vitana hi le tilweni, yiku: Abrahama. Abrahama! Yena aku ngalo, Nzi laha.

Genesisi 24:3

Nzi ta ku hlambanyisa hi Jehova, Nungungulu wa tilo ni Nungungulu wa misava, lezaku u nga tekeli a nʼwana wa mina a sati xikari ka vanhwana va maKanani, laya nzi tshamileko xikari kabye;

Genesisi 24:40

Yena i te ngalo ka mina: Jehova loyi nzi fambako mahlweni kakwe i ta rumela ngelosi yakwe zinwe na wena, yona yi ta katekisa a pfhumba ga wena; u ta ya tekela a nʼwana wa mina a sati le tixakeni ta mina, lomu ndlwini ya dadani.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Tisimu 103:20

Khesani Jehova, nwina tingelosi takwe, Nwina tinhenha leʼta ntamu, mu mahako kulaya kakwe, Hi kuzwa a gezu ga mhaka yakwe.

Tisimu 136:26

Dumisani Nungungulu wa matilo, Hakuva a wuxinji gakwe ga kala kupinzuka.

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

Tisimu 73:24

U ta nzi rangela hi wusungukati ga wena, Zonake u nzi amukela wukosini ga wena.

Eksodusi 13:5

Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Eksodusi 33:2

Nzi ta ruma a ngelosi leyi yi ta nga ku rangela, zonake nzi ta hlongola vaKanani, ni vaAmori, ni vaHiti, ni vaPerezi, ni vaHivi, ni vajebusi.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Jona 1:9

Yena aku kabye: Nzi muHeberu; nzi chava Jehova, a Nungungulu wa matilo, loyi a mahileko a bimbi ni misava.

Mitsengo 11:12

Xana nzi mina dadani ni mamani wa vanhu lava vontlhe ke? Kutani nzi va pswalile, laha u nga ta ngha uku ka mina: va beleke khwatsi hilezi mupswali a belekako a nwanana loyi a mu anwisako, kala va chikela tikweni legi u tsumbisileko vararu vabye ke?

Mitsengo 14:16

Jehova i tsanzekile ku enghenisa a vanhu ka tiko legi a nga wa hlambayile lezaku i ta va nyika, makunu i va dele le xiwuleni. Deut. 9:28

Mitsengo 14:30

cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.

Mitsengo 32:11

Vontlhe a vanhu lava va humileko le Gipite, kusukela ka lava va nga ni 20 wa malembe ni ku hunza, cima va nga ta wona a tiko legi nzi hlambanyileko ka Abrahama, ni ka Isaka, ni ka Jakobe, hakuva a va nzi lanzelangi hi zinene;

Mitiro 7:5

Kanilezi a nga mu nyikangi tshomba ka gona, ge, hambu ni ya ku veka konzo wakwe kona; kanilezi i lo mu tsumbisa lezaku i ta gi nyika kakwe, giva gakwe ni ga pswalo wakwe, hambu lezi a nga ngha a nga seva na nʼwana. Gen. 12:7; 15:3; 17:8; 26:3

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 34:4

Jehova i te ngalo kakwe: Legi hi gona tiko nzi gi hlambanyileko ka Abrahama, ni ka Isaka, ni ka Jakobe, nziku: Nzi ta gi nyika ka pswalo wa wena; hikwalaho mina nzi ku kombisile gona kasi u gi wona hi mahlo ya wena, kanilezi u nga ta tlhatukela ka gona. Gen. 12:7

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Maheberu 11:9

Hi kukholwa i lo maha muluveli tikweni ga xitsumbiso, a ku khwatsi i tiko ga vambe; a tshama lomu matendeni zinwe na Isaka na Jakobe, va nga ziga-tshomba zinwe naye ya xitsumbiso lexo. Gen. 12:8

Joxua 1:6

Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Joxua 24:3

Zonake nzi lo teka a raru wa nwina Abrahama le tlhatuko wa congo, nzi mu fambisa xikari ka gontlhe tiko ga Kanani, nzi mu anzisela pswalo wakwe, nzi mu nyika Isaka. Gen. 12:1

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Valamuli 2:1

A ngelosi ya Jehova yi lo suka hi le Gilgale yi kanziha Bokima, yi ta ku ngalo: Nzi mu humesile le Gipite, nzi mu tisa ka tiko legi nzi hlambanyileko ku gi nyika ka vararu va nwina, nziku: Cima nzi nga ta tshova xivumelwano xa mina na nwina. Gen. 15:18; Deut. 29:14