Genesisi 24:40 - Tshwa Bible

⁴⁰ Yena i te ngalo ka mina: Jehova loyi nzi fambako mahlweni kakwe i ta rumela ngelosi yakwe zinwe na wena, yona yi ta katekisa a pfhumba ga wena; u ta ya tekela a nʼwana wa mina a sati le tixakeni ta mina, lomu ndlwini ya dadani.

Genesisi 24:40 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 24:56

Yena aku ngalo kabye: Mu nga nzi rivatisi, hilezi Jehova i katekisile a pfhumba ga mina; nzi fambiseni kasi nziya ka hosi ya mina.

Genesisi 24:7

Jehova, Nungungulu wa tilo, loyi a nga nzi teka le ndlwini ka dadani, ni le tikweni ga maheleko, loyi a nga wulawula a hlambanya ka mina, aku: A pswalo wa wena nzi ta wu nyika legi tiko; i ta ruma ngelosi yakwe mahlweni ka wena, u ta ya mu tekela nʼwana wa mina a sati leyo.

Genesisi 48:15

Zonake i lo katekisa Josefa, aku: Nungungulu loyi vadadani, Abrahama, na Isaka, va nga wa famba mahlweni kakwe, Nungungulu loyi a nga nzi wundla kusukela kubelekweni ka mina kala lezi, Maheb. 11:21

Genesisi 5:22

Anzhako kakuva a belekile Metusela. Enoki i lo famba zinwe na Nungungulu 300 wa malembe; a ka xikhati lexo i lo beleka varisanyana ni vanhanyana.

Genesisi 5:24

Enoki i lo famba zinwe na Nungungulu; na yena i lo nyamalala, hakuva i lo tekwa hi Nungungulu. Maheb. 11:5

Genesisi 6:9

Leti hi timhaka ta Noa. Noa i wa hi munhu a lulamileko, a nga hi na nanzu xikhatini xakwe; Noa i lo famba zinwe na Nungungulu. Maheb. 11:7; 2 Ped. 2:5

1 Tihosi 2:3

Hlayisa milayo ya Jehova Nungungulu wa wena, u famba hi tindlela takwe, u hlayisa zileletelo zakwe, ni milayo yakwe, ni nongameto wakwe, ni wukustumunyu gakwe khwatsi hi lezi zi tsalilweko nayweni wa Mosi, kasi u fela ku tlhariha zilweni zontlhe lezi u ta nga zi maha ni kwihi laha u yako kona;

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Tisimu 16:8

Nzi na na Jehova mahlweni ka mina xontlhe xikhati; Cima nzi nga ta tsekatsekiswa hakuva i le reveni ga mina ga xinene.

Tisimu 91:11

Hakuva i ta ruma a tingelosi takwe, A kuva ti ku hlayisa tindleleni ta wena tontlhe. Mat. 4:6; Lu. 4:10

Eksodusi 23:20

Languta, nza ruma a ngelosi ya mina mahlweni ka wena, kasi yi fela ku ku hlayisa lomu ndleleni, yi ku chiketa tikweni legi nzi gi longisileko. Deut. 31:3; Isa. 63:9

Eksodusi 33:2

Nzi ta ruma a ngelosi leyi yi ta nga ku rangela, zonake nzi ta hlongola vaKanani, ni vaAmori, ni vaHiti, ni vaPerezi, ni vaHivi, ni vajebusi.

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5

Kuvululelwa 22:8

Hi mina Johani nzi ngazwa ni ku wona lezi zilo. Laha nzi nga zizwa ni ku zi wona, nzi lowa hasi nzi khozela mikonzweni ya ngelosi leyi yi nga nzi kombeta zona.