Genesisi 24:3 - Tshwa Bible

³ Nzi ta ku hlambanyisa hi Jehova, Nungungulu wa tilo ni Nungungulu wa misava, lezaku u nga tekeli a nʼwana wa mina a sati xikari ka vanhwana va maKanani, laya nzi tshamileko xikari kabye;

Genesisi 24:3 Mawu Ofanana

Genesisi 14:19

I lo mu katekisa, aku: A katekiswe Abrama hi Nungungulu a nga Hehla-hehla, a nwinyi wa tilo ni misava.

Genesisi 14:22

Na Abrama i te ngalo ka hosi ya le Sodoma: Nzi tlakusile a canja ga mina ka Jehova, Nungungulu a nga Hehla-hehla, a nwinyi wa tilo ni misava,

Genesisi 21:23

Hikwalaho hlambanya ka mina kwalaha hi Nungungulu lezaku, u nga ta nzi kanganyisa, mina ni pswalo wa mina; kanilezi kota wuxinji legi nzi nga ku mahela, u ta nzi mahela gona wenawu, ni tiko legi u akileko ka gona.

Genesisi 24:7

Jehova, Nungungulu wa tilo, loyi a nga nzi teka le ndlwini ka dadani, ni le tikweni ga maheleko, loyi a nga wulawula a hlambanya ka mina, aku: A pswalo wa wena nzi ta wu nyika legi tiko; i ta ruma ngelosi yakwe mahlweni ka wena, u ta ya mu tekela nʼwana wa mina a sati leyo.

Genesisi 27:46

Rebeka i te ngalo ka Isaka: Nzi swirilwe hi kota ya mahanyela ya vanhwana va ka Hiti, ni loku Jakobe a teka sati ka vanhwana va ka Hiti, wo kota vanhwana va legi tiko, a kuhanya ka mina ku ta nzi yini ke?

Genesisi 28:1

Isaka i lo vitana Jakobe i lo mu katekisa, a mu laya aku ka yena: U nga teki sati xikari ka vanhwana va maKanani.

Genesisi 28:8

Esau i lo wona kambe lezaku a vanhwana va maKanani va bihile mahlweni ka raru wakwe Isaka;

Genesisi 34:9

Tekanani na hina, mu hi nyika vanhanyana va nwina, nwinawu mu teka vanhanyana va hina.

Genesisi 38:2

Juda i lo ya wona a nhanyana wa munhu wa muKanani, a vito gakwe hi Xua; yena i lo mu teka, i lo enghena ka yena.

Genesisi 47:31

Israel aku: Hlambanya mahlweni ka mina. I lo hlambanya mahlweni kakwe. Zonake Israeli i lo korama laha tihlokweni ta mubhedi wakwe.

Genesisi 50:25

Josefa i lo hlambanyisa a vana va ka Israeli, aku: Laha Nungungulu a ta nga mu enzela, nwina mu ta rwala a marambu ya mina mu famba nawo. Ekso. 13:19; Jox. 24:32; Maheb. 11:22

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

Genesisi 6:4

Ni zihotlovila zi wa hi kona misaveni hi lexo xikhati, ni nzhako ka lezo kambe, laha varisanyana va Nungungulu va nga enghena ka vanhwana va vanhu, va lo beleka navo vanana, va nga vanhu va tinhenha ti nga dumile kale. Mitse. 13:33

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

2 Kronekele 2:12

A engeta aku: A ku bongiwe Jehova Nungungulu wa ka Israeli, loyi a nga maha a tilo ni misava, hakuva i nyikile ka hosi Davida a nʼwana a tlharihileko, loyi a nga ni malanga ni kupima, loyi a ta nga aka a yindlu ya Jehova ni yindlu yakwe ya wuhosi. Ekso. 20:11; Tis. 102:26; Kuv. 10:6

Ezra 5:11

Va lo hi hlamula, vaku: Hina hi malanza ya Nungungulu wa tilo ni misava; hi aketa a yindlu leyi yi nga wa akilwe kale ka matiko; leyi yi akilweko hi yinwani hosi ya hombe ya va ka Israeli, a yi mbhelelisa.

Nehemia 13:25

Nzi lo va holovela, nzi va rukatela, a vanwani va kona nzi vaba, nzi hlurula misisi yabye, nzi va hlambanyisa hi Nungungulu, nziku: Mu nga lowolisi a vanhanyana va nwina ka vafana vabye, ge hambu ku lowota a vafana va nwina a vanhanyana vabye, ge hambu ku ti lowolela nwina wutsumbu. Deut. 7:3; Ezra 9:2

Nehemia 9:6

Wena u Jehova, wena wece; hi wena u mahileko tilo ni matilo ya matilo, ni tiyimpi ta wona tontlhe, ni misava ni zontlhe zi nga ka yona, ni mabimbi ni zontlhe zi nga ka wona, u zi hanyisa zontlhe; a yimpi ya le tilweni yi khozela wena. Isa. 37:16, 20; Miti. 4:24

Tisimu 115:15

Nwina mu katekisilwe hi Jehova, Loyi a mahileko a tilo ni misava. Mat. 25:34

Tisimu 136:26

Dumisani Nungungulu wa matilo, Hakuva a wuxinji gakwe ga kala kupinzuka.

Eksodusi 20:7

U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Eksodusi 22:11

laho ku tava kona kuhlambanya Jehova xikari ka vanhu lava vambiri, ku ta tibyiwa lezaku hakunene a nga yivangi a xifuyo xa xaka gakwe; a nwinyi wa kona i ta vumela kuhlambanya loko, zonake a nga mu rihisi nchumu.

Eksodusi 23:13

Mu ta hlayisa zontlhe lezi nzi mu leleteleko. Mu nga dzuki mu kumbuka a mavito ya vanwani vanungungulu; ngha ma nga zwali milonwini ya nwina.

Eksodusi 34:16

hambu ku wuta a vanhanyana vabye u lowota a vana va wena, kutani a kuva a vanhanyana vabye va hambukisa a vana va wena, hi ku lanzela vanungungulu vabye. Vala. 3:6; 1 Tih. 11:2

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Isaya 65:16

Kasi ni wihi loyi a ti katekisako laha misaveni I ta ti katekisa hi Nungungulu wa zinene; Ni wihi lomu tikweni a ta nga hlambanya, I ta hlambanya hi Nungungulu wa zinene. Hakuva a makhombo ya kale ma rivelwe, Ma fihlilwe mahlweni ka mina.

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 12:16

Loku va gonzile a tindlela ta vanhu va mina, lezaku va hlambanya a vitweni ga mina, vaku: Hi Jehova loyi a hanyako; kota lezi va gonzisileko vanhu va mina a ku hlambanya hi Baali, zonake va ta akiwa xikari ka vanhu va mina. Deut. 6:13; Efe. 2:19

Jeremia 29:6

Tekani vasati, mu beleka varisanyana ni vanhanyana; tekelani a vafana va nwina a vasati, ni ku nyikela a vanhwana va nwina va tekwa hi vanuna; va beleka varisanyana ni vanhanyana; anzani seyo, mu nga hungulela.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Levi 19:12

Mu nga hlambanyi mawunwa hi vito ga mina, hakuva lezo ku nyenyezisa a vito ga Nungungulu wa nwina. Hi mina Jehova. Deut. 5:11; Mat. 5:33; Jak. 5:12

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Mitsengo 5:21

(zonake mupristi i ta hlambanyisa wasati hi xifungo xa hombe, aku ka yena:) Loku ziva tano, Jehova a ku nyikele nzhukanweni ni kunyenyezeni lomu tikweni ga nwina, a wunisa mahangaswa ya wena, ni ku vimbisa a rumbu ga wena,

1 Va le Korinte 7:39

A wasati i bohilwe na a ha hanya a nuna wakwe; kanilezi loku a nuna afa, i tlhatlhekile; a nga tekana ni wihi loyi a mu ranzako, ntsena ku mahiwa Hosini. Deut. 17:3; Rom. 7:2; 2 Kor. 6:14

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Maheberu 6:16

A vanhu va hlambanya hi loyi a nga wahombe ku hunza vona, ni kuhlambanya loku ku tiyisako a mhaka ka heta a kukanetana kontlhe. Ekso. 22:11

Joxua 2:12

Hikwalaho mina nza mu khongotela lezaku mu hlambanya ha Jehova lezaku kota lezi nzi mu hawukeleko, na nwinawu mu fela ku hawukela a yindlu ya dadani wa mina, mu nzi nyika xiwoniso xa zinene,

Valamuli 14:3

Zonake a raru ni nyine wakwe va te ngalo kakwe: A ku na wasati xikari ka vanhwana va vamakabye va wena, kutani lomu tikweni ga hina ke, ko kala uya teka wasati wa maFilistia lawa ma nga makhuna? Samsoni aku ka raru wakwe: Nzi lowoteni yena, hakuva i nzi xalalisile. Ekso. 34:16; Deut. 7:3

1 Samueli 20:17

Jonatani i lo hlambanyisa Davida hi liranzo leli a nga wa mu ranza ha lona, hakuva i wa mu ranza ku khwatsi hi wutsumbu gakwe.

1 Samueli 30:15

Davida i te ngalo kakwe: Wa zi kota ku nzi heleketa ka yimpi leyo ke? Aku: Hlambanya ka Nungungulu lezaku u nga ta nzi daya, hambu ku nzi nyikela mandleni ya nwinyi wa mina, zonake nzi ta ku heleketa ka yimpi leyo.