Genesisi 22:2 - Tshwa Bible

² Aku ngalo: Teka a nwanana wa wena Isaka, loyi u mu ranzako, uya tikweni ga le Moria, u ya mu nyikela laho, a kuva munyikelo wa kuhiswa le xitsungeni lexi nzi ta nga ku kombisa xona.

Genesisi 22:2 Mawu Ofanana

Genesisi 17:19

Nungungulu i te ngalo: Sara, a sati wa wena, i ta ku belekela a nisanyana, u ta mu chula vito gakwe ku hi Isaka; nzi ta tiyisa a xivumelwano xa mina na yena, ni ka pswalo wakwe anzhako kakwe, xi tava xivumelwano xi nga gumesiko.

Genesisi 21:12

Nungungulu i te ngalo ka Abrahama: Ngha lexi xi nga ku tsanwisi hi kota ya mufana, na hi kota ya khumbi ya wena; ingisa zontlhe lezi Sara a ku byelileko; hakuva hi ka yena Isaka ku ta nga huma a pswalo wa wena. Rom. 9:7; Maheb. 11:18

Genesisi 21:3

Abrahama i lo chula a vito ga nisanyana wakwe loyi a belekelweko, loyi Sara a nga wa mu belekela, aku ngalo hi Isaka.

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Genesisi 22:16

yiku ngalo: Nzi hlambanyile ha mina, ku wula Jehova, hakuva u mahileko lezi, a ku nzi alelangi ni nʼwana wa wena wa munwe, Lu. 1:73; Maheb. 6:13

Genesisi 22:3

Abrahama i lo vuka ni mixo, i lo gabhatsela a mbongola yakwe, a teka a malanza yakwe ya mambiri, na Isaka a nʼwana wakwe, i lo tshova ni tihunyi ta munyikelo wa kuhiswa, i lo suka aya ka wutshamu lego Nungungulu a nga mu byelile gona.

Genesisi 22:9

Loku va chikele ka wutshamu lego Nungungulu a nga wa mu byelile, Abrahama i lo aka a alati laho, a longisa a tihunyi, a boha nʼwana wakwe Isaka, a mu veka alatini hehla ka tihunyi.

Genesisi 8:20

Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

2 Tihosi 3:27

Zonake yi lo teka a nʼwana wa yona wa matiwula, loyi a nga ta ngha a fuma wutshanwini gakwe, a mu nyikela a maha muphahlelo wa kuhiswa le hehla ka khurisi. Ku lo vutsuka a zanga ya hombe yi vukela Israeli. Va lo tsika a hosi ya vaMoabi, va suka va tlhelela tikweni gabye.

2 Kronekele 3:1

Zonake Solomoni i lo sangula ku aka a yindlu ya Jehova le Jerusalema, laha xitsungeni xa Moria, laha Jehova a nga woneka ka raru wakwe Davida, le nzhimbyeni wa Ornani a mujebusi, a wutshamu gi longisilweko hi Davida.

Mika 6:7

Jehova i ta xalaliswa hi makume mazana ya tihamba, kutani hi mazanazana ya micongo ya mafura ke? Nzi ta nyikela a matewula ya mina hi zihambunyeto za mina, ni mbhanzu wa miri wa mina hi kota ya kuonha ka muhefemulo wa mina ke?

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Va le Roma 5:8

Kanilezi Nungungulu wa kombisa a kuhiranza kakwe hi lexi, lezaku na ha hi vaonhi Kristu i lo hi fela. Joh. 15:13; 1 Ped. 3:18

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Maheberu 11:17

Hi kukholwa Abrahama i lo phahlela ha Isaka a siku a nga ringiwa; ina, loyi a amukeleko a zitsumhiso i lo nyikela a nʼwana wakwe a belekilweko yece; Gen. 22:1, 9; Jak. 2:21

Valamuli 11:31

lexi xi ta nga huma hi laha nyangweni ya yindlu ya mina xi nzi khinga, a siku lego nzi ta nga tlhela hi kurula loku nzi hlulile a va ka Amoni, xwalexo nzi ta maha ha xona a munyikelo wa kuhiswa ka Jehova.

Valamuli 11:39

Laha tihweti timbiri ti nga wa mbhelile, i lo tlhelela ka raru wakwe. A raru a maha ka yena khwatsi hi lezi a nga wa hlambanyile; i wa nga tivangi wanuna.