Genesisi 21:1 - Tshwa Bible

¹ Jehova i lo alakanya Sara kota lezi a nga wa wulile ka yena, na Jehova i lo maha ka Sara kota lezi a nga wa mu tsumbisile. Mat. 1:2; Maheb. 11:11

Genesisi 21:1 Mawu Ofanana

Genesisi 17:16

Nzi ta mu katekisa, hi ka yena nzi ta ku nyika a nisanyana; nzi ta mu katekisa, a maha mamani wa matiko, a tihosi ta vanhu ti ta huma hi ka yena.

Genesisi 17:19

Nungungulu i te ngalo: Sara, a sati wa wena, i ta ku belekela a nisanyana, u ta mu chula vito gakwe ku hi Isaka; nzi ta tiyisa a xivumelwano xa mina na yena, ni ka pswalo wakwe anzhako kakwe, xi tava xivumelwano xi nga gumesiko.

Genesisi 17:21

Kanilezi nzi ta tiyisa a xivumelwano xa mina na Isaka, loyi u ta nga pswalelwa hi Sara hi xikhati xa kona a lembe gi tako.

Genesisi 18:10

Yena i te ngalo kakwe: Hizinene nzi ta wuya ka wena ha nwakani; languta, Sara a sati wa wena i tava ni nisanyana. Sara i lo zizwa na hi laha nyangweni ya yindlu yi nga hi nzhako kakwe.

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Genesisi 24:36

Na Sara, a sati wa nwinyi wa mina, na hi wakale i mu pswalele nʼwana a nwinyi wa mina; i nyikile ka yena zontlhe lezi a nga nazo.

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

2 Tihosi 4:17

A wasati i lo xura nyimba a beleka a nwanana wa mufana xikhatini xwalexo, lomu ka lembe gi gamelako, khwatsi hi kuwula ka Elixa.

Tisimu 106:4

Jehova, nzi alakanye hi tipswalo leti u mahelako vanhu va wena, U nziha a kuhanyisa ka wena,

Tisimu 12:6

A timhaka ta Jehova timhaka ti basileko, Ti khwatsi i siliva yi hlutilweko, Yi basisilweko ntlhanu ni mambiri makhati. 2 Sam. 22:31; Mav. 30:5

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Luka 1:68

A yi khesiwe Hosi, a Nungungulu wa Israeli, Hakuva i enzele a vanhu vakwe ni ku va tirula. 1 Tih. 1:48; Tis. 72:18

Luka 19:44

Va ta ku hahlula uku putsu, zinwe ni vana va wena lava va nga xikari ka wena; ku nga ta siyiwa xikari ka wena a ribye ginwe hehla ka ginwani; hakuva a ku tivangi a xikhati lexi u enzelwako ha xona. Mika 3:12; Dan. 9:24; Mat. 24:2; Mar. 13:2; 1 Ped. 2:12

Va le Galatia 4:23

Kanilezi a nʼwana wa wasati loyi wa khumbi i lo belekiwa hi ka nyama, kasi a nʼwana wa sati wa xiteko i belekilwe hi xitsumbiso. Gen. 18:10; Rom. 9:7, 8

Va le Galatia 4:28

Makunu vamakabye, nwina mu vana va xitsumbiso khwatsi hi Isaka. Rom. 9:8

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Rute 1:6

Zonake i lo suka ni vakatamwane vakwe le tikweni ga Moabi, hakuva i wa zwile lomu tikweni ga Moabi lezaku Jehova i enzele vanhu vakwe, hi ku va nyika zakuga.

1 Samueli 1:19

Va lo vinzuka ni mixo va ya khozela mahlweni ka Jehova, va tlhela vaya kaya kabye le Rama. Elkana i lo tiva sati wakwe, Hana, Jehova a mu alakanya.

1 Samueli 2:21

Jehova i lo enzela Hana, a xura tinyimba a pswala vafana vanharu ni vanhanyana vambiri. Kanilezi mufana Samueli i lo kulela mahlweni ka Jehova.