Genesisi 20:7 - Tshwa Bible

⁷ Hikwalaho tlhelisa a sati wa vambe, hakuva a nuna wakwe muprofeti, i ta ku kombelela u hanya, kanilezi loku u nga mu tlhelisi, zi tive lezaku wena u tafa futsi ni zontlhe lezi zi nga za wena.

Genesisi 20:7 Mawu Ofanana

Genesisi 12:15

Ni tinduna ta Faro ti lo mu wona ti babaza ha yena mahlweni ka Faro; ni wasati i lo engheniswa lomu ndlwini ya Faro.

Genesisi 12:17

Na Jehova i loba Faro ni yindlu yakwe hi mababyi ya hombe hi kota ya Sarai, a sati wa Abrama.

Genesisi 2:17

kanilezi a sinya ya ku tiva kusaseka ni kubiha u nga yigi; hakuva a siku lego u ta nga yiga, u tafa.

Genesisi 20:18

Hakuva Jehova i wa valile hakunene wontihe a marumbu ya yindlu ya Abimeleki hi kota ya Sara, a sati wa Abrahama.

Genesisi 20:3

Kanilezi Nungungulu i lota ka Abimeleki a norweni wa wusiku, i te ngalo kakwe: Languta, wena u file hi kota ya loyi wasati u mu tekileko; hakuva i sati wa vambe.

Genesisi 20:8

Abimeleki i lo vuka ni mixo, i lo vitana wontihe malanza yakwe, a va byela tontlhe leti timhaka; ni vanhu va lo chava nguvu.

Genesisi 23:6

Hizwe, hosi ya hina, wena u nduna ya Nungungulu xikari ka hina; lahla mufi wa wena ka xilahla lexo u ta nga xi hlawula xikari ka zilahla za hina; a nga kona wa hina a ta nga ku tsimbetela ka xilahla xakwe, lezaku u nga keleli a mufi wa wena.

2 Samueli 24:17

Laha Davida a nga wa wonile a ngelosi ya Jehova leyi yi lovisako vanhu lomu xikari ka tiko i lo wulawula ka Jehova, aku: Languta, mina hi mina nzi onhileko, hi mina nzi mahileko loku kubiha; kanilezi a tiyivu leti ti onhile yini ke? Ngha canja ga wena gi hi hehla ka mina ni hehla ka yindlu ya dadani wa mina!

1 Tihosi 13:6

Zonake a hosi yi te ngalo ka munhu wa Nungungulu: Kombela ka Jehova Nungungulu wa wena, u nzi khongelela kasi a canja ga mina gi fela ku tlhelela wutshanwini ga gona! Zonake a munhu wa Nungungulu i lo khongela ka Jehova, ni canja gakwe gi lo tlhelela wutshanwini ga gona kota kusanguleni. Ekso. 8:8; 9:28; Mitse. 21:7

2 Tihosi 5:11

Namani i lo zangara, a suka a famba, na aku: Mina nzi waku i ta huma ata ka mina a ta khongela ka Jehova Nungungulu wakwe, a nzi phuphutela hi canja gakwe, a nzi chuma a hlokonho ya mina.

1 Kronekele 16:22

Mu nga khumbi a vatotilweko va mina, Mu nga lamati vaprofeti va mina!

2 Kronekele 30:18

Hakuva a wunyingi ga vanhu va tiko, va ka Efraime ni va ka Manasa ni va ka Isakari ni va ka Zebuloni, va wa nga ti basisangi; kanilezi va gile a Pasika na ku nga hi ku lanzela lezi zi tsalilweko. Hakuva Hezekia i lo va khongelela, aku:

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Eksodusi 18:17

A muxade wa Mosi aku ka yena: Lezi u zi mahako a hi zona.

Eksodusi 4:16

Yena i tava muwulawuleli wa wena ka vanhu, ni kuva nomu wa wena, wena u tava wutshanwini go khwatsi u Nungungulu ka yena.

Eksodusi 7:1

Jehova aku ka Mosi: Cuwuka, nzi ku mahile u ku khwatsi u nungungulu mahlweni ka Faro, ni nakuloni Aroni i tava muprofeti wa wena.

Jeremia 14:11

Zonake Jehova i te ngalo ka mi na: U nga kombeleli legi tiko ku hiwa zo saseka. Jer. 7:16; 11:14

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 27:18

Loku va hi vaprofeti, ni loku a mhaka ya Jehova yi hi zinwe navo, a va khongele Jehova wa tiyimpi, lezaku a zibya lezi za ha seleko a ndlwini ya Jehova, ni lomu ndlwini ya hosi ya ka Juda, ni le Jerusalema, zi nga ha yisiwi Babuloni.

Ezekieli 3:18

Loku nziku ka wakubiha: U yimelwe hi kufa, wena na u nga mu tlharihisi, ge hambu ku wulawula nchumu kasi ku tlharihisa loye wakubiha ndleleni yakwe yo biha kasi ku mu ponisa; inaloyi wa kubiha i tafa kugoheni kakwe, kanilezi a nkhata wakwe nzi ta wu lava canjeni ga wena.

Ezekieli 33:8

Loku nzi wula ka wakubiha, nziku: Wena munhu wa kubiha, u tafa futsi, loku u nga wulawuli u tlharihisa a wakubiha ndleleni yakwe, inaloye wakubiha i tafa hi kota ya xigoho xakwe, kanilezi a nkhata wakwe wu ta labyiwa canjeni ga wena.

Levi 6:4

loku a onhile kota lezo, ava ni nanzu, i yimelwe hi ku tlhelisa a zilo lezi a nga wa zi wutlile kutani ku yiva, kutani a zilo lezi zi nga wa vekilwe kakwe, hambu ni zilo lezi zi nga wa lahlekile a zi thumba;

Levi 6:7

A mupristi i ta mu mahela a nzhiho wa wuyiselelo mahlweni ka Jehova, zonake i ta tsetselelwa ka zontlhe lezi yena a onhileko.

Mitiro 8:24

Simoni i lo hlamula, aku: Nzi khongeleleni ka Hosi, kasi nzi nga humelwi hi nchumu xa lezi mu zi wulawulileko.

1 Va le Korinte 14:4

Loyi a wulawulako hi lirimi limbe o ti akela yena wutsumbu; kanilezi loyi a profetako i akela bandla.

Maheberu 1:1

Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; Mitse. 12:6, 8

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

1 Samueli 12:19

Makunu vontlhe vanhu va te ngalo ka Samueli: Kombelela malanza ya wena ka Jehova Nungungulu wa wena, kasi hi ngafi, hakuva hi engetele kuonha ka hina hi lezi hi nga ti kombelela hosi.

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

1 Samueli 7:5

Samueli i te ngalo: Tsombanyisani vontlhe va ka Israeli le Mizpa, zonake nzi ta mu kombelela ka Jehova.

1 Samueli 7:8

A va ka Israeli vaku ka Samueli: U nga gumesi ku hi kombelela ka Jehova Nungungulu wa hina, kasi a fela ku hi ponisa mandleni ya vaFilistia.