Genesisi 20:15 - Tshwa Bible

¹⁵ Abimeleki i te ngalo: Languta, a tiko ga mina gi le mahlweni ka wena; aka laho u ku ranzako.

Genesisi 20:15 Mawu Ofanana

Genesisi 13:9

A tiko gontlhe a gi kona mahlweni ka wena ke? Tsawukana na mina; loku uya canjeni ga xibhabha, mina nzi taya ka canja ga xinene; ni loku uya ka ga xinene, mina nzi taya ka ga xibhabha.

Genesisi 34:10

Mu ta tshama na hina, ni tiko gi ta lumba nwina; akani, mu xaviseiana, mu fuya ka gona.

Genesisi 42:34

Mu ta ya wuya ni nzisana ya nwina, kasi nzi ta tiva lezaku a mu tihloli, mu vanhu va nene. Nzi ta ta mu nyika nakuloni, ni lezaku mu ta simamisa kuta mu xuja ka legi tiko.

Genesisi 47:6

A tiko ga Gipite gi kona mahlweni ka wena; akisa a raru wa wena ni vanakuloni ka tiko go saseka nguvu; va akise tikweni ga le Goxeni. Loku va hi kona vavanuna vo tlhariha xikari kabye, va yimise a kuva varisi va tihomu ta mina.

Jeremia 40:4

Languta, nzi ku tlharihile a mangenje lawa ma nga hi mawokweni ya wena. Loku u ranza a ku famba na mina le Babuloni, ngone, nzi ta ku lonzowota. Kanilezi loku u nga zi ranzi a ku famba na mina le Babuloni, u nga sala. Hi nga wona, gontlhe tiko gi le mahlweni ka wena; ni kwihi ku ku xalalisako, laha u ranzako kuya kona, famba seyo.