Genesisi 2:4 - Tshwa Bible

⁴ Leti hi timhaka ta kuvangiwa ka tilo ni misava, lezi zi vangilweko a sikwini lego Jehova Nungungulu a nga maha a misava ni tilo.

Genesisi 2:4 Mawu Ofanana

Genesisi 1:1

A kusanguleni Nungungulu i lo vanga tilo ni misava.

Genesisi 1:28

Nungungulu i lo va katekisa, ni ku va laya, aku: Pswalani, mu anza, mu tata misava, mu yi fumela; mu fumela ni zidluwani za bimbi, ni tinyanyani ta tilo, ni zontlhe zi hanyako, zi fambako misaveni.

Genesisi 1:3

Nungungulu aku: A kuve kona kuwonekela: kuwonekela ku lova kona. 2 Kor. 4:6

Genesisi 1:31

Nungungulu i lo wona zontlhe a nga maha; languta, zi wa sasekile nguvu. Gi lohlwa, gica, kuva siku ga wuntlhanu ni ginwe.

Genesisi 1:4

Nungungulu i lo wona kuwonekela lezaku ku sasekile; Nungungulu i lo hambanyisa kuwonekela ni munyama.

Genesisi 10:1

Lezi hi zizukulwana za vana va Noa, Xemi, na Hamu, na Jafete; va lo beleka a vanana hi nzhako ka ntalo.

Genesisi 11:10

Lezi hi zizukulwana za Xemi. Laha Xemi a nga hi ni 100 ga malembe i lo beleka Arpaxade, malembe mambiri anzhako ka ntalo.

Genesisi 2:3

Nungungulu i lo katekisa a siku ga wuntlhanu ni mambiri, a gi basisa; hakuva hi ka gona Nungungulu i lo humula mitirweni yakwe yontlhe a nga yi vanga hi ku tira.

Genesisi 25:12

Makunu a zizukulwana za Ixmaeli, a nʼwana wa Abrahama, loyi a nga heleketwa hi Hagari muGipite, a nanza ga Sara, hi lezi:

Genesisi 25:19

Lezi hi zizukulwana za Isaka nʼwana wa Abrahama: Abrahama i lo beleka Isaka;

Genesisi 36:1

Leli hi lixaka la Esau, loyi a nga Edomi:

Genesisi 36:9

Leli hi lixaka la Esau, a nga nyapanze wa va ka Edomi, le xitsungeni xa Seire.

Genesisi 5:1

Legi hi bhuku ga zizukulwana za Adamu. A siku legi Nungungulu a nga vanga vanhu ha gona, i lo va vanga hi kufanana na Nungungulu. Lu. 3:36

1 Tihosi 18:39

Laha vontlhe vanhu va nga wa zi wona, va lowa hi tinghohe tabye, vaku: Jehova i Nungungulu! Jehova i Nungungulu!

2 Kronekele 20:6

aku: Jehova Nungungulu wa vadadani va hina, a hi wena Nungungulu wa le tilweni ni mufumeli wa matiko wontihe ke? Canjeni ga wena ku na ni ntamu ni wunhenha; a nga kona munhu a zi kotako kulwa na wena.

Joba 38:28

A vuta yi na ni dadani ke? Himani a psweleko madona ya nzhokati?

Joba 38:4

U wa hi kwihi a xikhati lexi nzi nga yimisa a xiseketelo xa misava? Tlhatlhambutela loku u hi ni kutivisisa.

Tisimu 18:31

Himani Nungungulu loku ku nga hi Jehova? Himani a nga ribye a handle ka Nungungulu wa hina? Deut. 4:35; Isa. 43:11

Tisimu 86:10

Hakuva wena u wa hombe, u maha zirewukiso; Wena wece u Nungungulu.

Eksodusi 15:3

Jehova i nhenha ya ntamu, A vito gakwe hi Jehova.

Eksodusi 6:16

A mavito ya vana va ka Levi hi mingango yabye hi laya: Gerxoni, na Kohate, na Merari. A malembe ya wutomi ga Levi ma wa hi 137.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Kuvululelwa 1:4

Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1

Kuvululelwa 1:8

Hi mina Alfa na Omega, ku wula Hosi Nungungulu, Loyi a nga kona, Loyi a nga hi kona, Loyi a ta ngata, a Nyamintamu. Isa. 41:4; 44:6

Kuvululelwa 11:17

maku: Ha ku bonga, Hosi Nungungulu wa Ntamu-wontlhe, Loyi u nga kona, Loyi u nga hi kona, hilezi u tekile a ntamu wontihe wa wena wa hombe, u sangule ku fuma. Xip. 1:4, 8; 19:6

Kuvululelwa 16:5

Nzi lozwa a ngelosi ya mati, yiku: U lulamile, wena Loyi u nga kona, Loyi u nga hi kona, wena Wobasa, hakuva u lamulisile lezo. Isa. 49:26; Mat. 23:34; Xip. 11:18