Genesisi 2:17 - Tshwa Bible

¹⁷ kanilezi a sinya ya ku tiva kusaseka ni kubiha u nga yigi; hakuva a siku lego u ta nga yiga, u tafa.

Genesisi 2:17 Mawu Ofanana

Genesisi 2:9

Jehova Nungungulu i lo milisa laha misaveni tontlhe tisinya ti sasekileko kucuwukekeni, na ti sasekile ku giwa; ni sinya ya wutomi xikari ka simu, ni sinya ya ku tiva kusaseka ni kubiha.

Genesisi 20:7

Hikwalaho tlhelisa a sati wa vambe, hakuva a nuna wakwe muprofeti, i ta ku kombelela u hanya, kanilezi loku u nga mu tlhelisi, zi tive lezaku wena u tafa futsi ni zontlhe lezi zi nga za wena.

Genesisi 3:11

Na yena i te ngalo: U byelilwe hi mani ku ngalo a ku ambalangi nchumu ke? U gile sinya leyi nzi nga ku byelile lezaku u nga yigi ke?

Genesisi 3:17

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

1 Tihosi 2:37

Hakuva kani hi gihi siku u ta nga suka u famba, u tlhatuka xicongwana lexi xa Kidroni, zi tive lezaku futsi u tafa; ni nkhata wa wena wu tava hehla ka hloko ya wena.

1 Tihosi 2:42

Zonake a hosi yi lo vitanisa Ximei, a taku kakwe: Kasi a nzi hlambanyangi ha Jehova ka wena, nzi tiyisa lezaku: Zi tive futsi lezaku ni gihi siku u ta nga suka uya wutshamu, u tafa ke? Wena uku: A gezu legi gi nene, nzi gi zwile.

Jeremia 26:8

Loku Jeremia a gumesile ku kanela zontlhe lezo Jehova a mu layileko zona a ku tivisa vanhu, a vapristi ni vaprofeti ni vontlhe vanhu va lo mu khoma, vaku: Futsi u tafa.

Ezekieli 18:13

loyi a pembisileko hi ku bhinzula; a nʼwana loyi i ta hanya ke? A nga ta hanya. I tafa futsi, hakuva i mahile wontihe lawa manyalataniso, a nkhata wakwe wu tava hehla kakwe. Levi 20:9

Ezekieli 18:32

Hakuva a nzi tsakeli a kufa ka loyi a lovako, ku wula Hosi Jehova. Hikwalaho hunzulukani, mu hanya.

Ezekieli 18:4

Langutani, yontlhe mihefemulo nja mina; kota lezi a muhefemulo wa dadani wu nga wa mina, ni wa nʼwana kambe ngwa mina. A muhefemulo lowu wu onhako wu tafa. Gen. 18:25

Ezekieli 33:14

Ni kambe, loku nziku ka wakubiha: Futsi u tafa; loku a hunzuluka xionhweni xakwe, a maha lezi zi nga za nayo ni kululama;

Ezekieli 33:8

Loku nzi wula ka wakubiha, nziku: Wena munhu wa kubiha, u tafa futsi, loku u nga wulawuli u tlharihisa a wakubiha ndleleni yakwe, inaloye wakubiha i tafa hi kota ya xigoho xakwe, kanilezi a nkhata wakwe wu ta labyiwa canjeni ga wena.

Mitsengo 26:65

Hakuva Jehova i wa wulile ha vona, aku: Va tafa le xiwuleni. Hikwalaho a ku salangi ni munwe wabye, saseka Kalebi a nʼwana wa Jefuna na Joxua a nʼwana wa Nuni.

Va le Roma 1:32

lava vaku hambu va wu tiva a nayo wa Nungungulu, lezaku lava va mahako a zilo za kunghahi va fanelwe hi kufa, va zi maha, kambe va yimela lava va zi mahako.

Va le Roma 6:16

Xana a mu zi tivi lezaku mu malanza ya nwinyi loyi mu ti nyikelako kakwe, mu maha malanza ya loyi mu mu ingisako, kutani ya kuonha loku ku yisako kufeni, hambu ya kuingisa loku ku yisako kululameni ke?

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

Va le Roma 8:2

Hakuva a nayo wa Moya wa kuhanya loku ka Kristu Jesu wu nzi tlhatlhisile nayweni wa kuonha ni wa kufa. Joh. 8:36; 1 Kor. 15:45; Gal. 2:19

1 Va le Korinte 15:22

Hakuva khwatsi hi lezi vontlhe ya fako hi ka Adamu, hizalezo kambe hi ka Kristu vontlhe va ta mahiwa va hanya.

1 Va le Korinte 15:56

A livole la kufa hi kuonha; ni ntamu wa kuonha hi nayo. Rom. 4:15

Va le Galatia 3:10

Hakuva vontlhe lava va tsumbako a mitiro ya nayo va lahasi ka nzhukano; hakuva ku tsalilwe ku ngalo: I rukatelwe mani na mani loyi a nga longoloxiko zilo zontlhe zi tsalilweko bhukwini ga nayo, a zi maha. Deut. 27:26; Jer. 11:3

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Deuteronome 27:26

Khombo a give ka loyi a nga khomisisiko a timhaka ta lowu nayo a ti maha! A vanhu vontlhe va ta hlamula, vaku: Amen! Dan. 9:11; Gal. 3:10

Deuteronome 30:15

Cuwuka inyamutlha nzi vekile mahlweni ka wena a wutomi ni zinene, a kufa ni kubiha;

Deuteronome 30:19

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

Va le Kolosi 2:13

Na nwina lava mu nga file hi kota ya zihambuko za nwina ni wukhuna ga nyama ya nwina, i lo mu vuxa zinwe naye; na a tsetselela zihambuko zontlhe za hina.

1 Timote 5:6

Kanilezi a noni leyi yi ti tsakisako ntsena, yi file na ya ha hanya.

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 20:14

A lifu ni wutshamu ga vafileko zi lo hoxwa tiveni ga nzilo: a tiva ga nzilo hi kufa ka wumbiri. 1 Kor. 15:26, 54, 55

Kuvululelwa 20:6

I katekile i basile loyi a nga ni xiavelo kuvukeni ko sangula, a kufa ka wumbiri a ku na ntamu hehla ka vakunghaho; kanilezi va tava vapristi va Nungungulu ni va Kristu, va ta fuma naye 1,000 wa malembe. Isa. 61:6; 1 Ped. 2:9; Xip. 2:11

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Valamuli 3:2

kasi a zizukulwana za ka Israeli zi ta tiva ku gonza tiyimpi, nguvunguvu lava va nga kala va nga ti tivi hi mahlweni.

1 Samueli 14:39

Hakuva nzi hlambanya ha Jehova, loyi ahanyisako Israeli; hambu loku a nanzu wu hi ka nʼwana wa mina Jonatani, hizinene i tafa. Kanilezi ku wa nga hi kona munhu xikari ka vontlhe a nga hlamula.

1 Samueli 14:44

Saule i te ngalo: Nungungulu a mahe lezo hi ku engeta, hakunene Jonata u tafa!

1 Samueli 20:31

Hakuva a ka masiku lawa a nʼwana Jese a ta nga simamisa a hanya laha misaveni, wena cima u nga ta gi kuma wukosi, hambu lezi a mufumo wu nga wa wena. Makunu ruma vanhu lokuloku va ya mu khoma va mu neha laha ka mina, hakuva yena i fanele kufa.

1 Samueli 22:16

A hosi yiku kakwe: Hakunene wena Ahimeleki u tafa zinwe ni yontlhe yindlu ya raru wa wena.