Genesisi 18:25 - Tshwa Bible

²⁵ Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Genesisi 18:25 Mawu Ofanana

Genesisi 18:24

Xana loku va hi kona xikari ka muti a 50 wa valulamileko, hakunene u ta wu lovisa, u nga tsetseleli wutshamu hi kota ya valulamileko lavo va 50 xikari kabye ke?

1 Kronekele 16:33

Zonake tontlhe tisinya ta khwati ti ta yimbelela hi kutsaka mahlweni ka Jehova; Hakuva yena wata a ku ta lamula misava.

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Nehemia 9:33

Ahemba, ka zontlhe zi hi humeleko, wena u mahile nongameto, hakuva u mahile zinene, hina hi maha kubiha. Dan. 9:7, 14

Joba 34:10

Hikwalaho zwanani mina, nwina vanhu va kupimisisa! A kubiha ku le kule na Nungungulu, Ni kugoha a ku kona ka Nyamintamu. Deut. 32:4; Rom. 3:5

Joba 34:12

Ina, hizinene Nungungulu a nga mahi kubiha; Ge hambu Nyamintamu a nga ta tshova nongameto.

Joba 8:20

Languta, Nungungulu cima a nga ta hoxa a munhu a lulamileko, Ge hambu a ku vunetela a vamahi va kubiha.

Joba 8:3

Nungungulu wa zi kota ku hunzula nongameto ke? Nyamintamu wa zi kota ku hunzula kululama ke? Deut. 32:4

Tisimu 50:6

A matilo ma tlhatlhambuta a kululama kakwe, Hakuva hi Nungungulu wutsumbu a nga mulamuli. (Sela.)

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Tisimu 7:12

Loku munhu a nga hunzuluki, i ta lota a supado yakwe; I kondlile a wura gakwe, a gi longisa. Deut. 32:41

Tisimu 75:3

Hambu misava yi tsekatseka zinwe ni vontlhe lava va akileko ka yona, Mina nza tiyisa a timhanze ta yona. (Sela.)

Tisimu 94:2

Vuka, Mulamuli wa misava, Tlhelisela lava va matshanza.

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Mutshawuteli 3:17

Nzite mbilwini ya mina; Nungungulu i ta lamula valulamileko ni va kubiha; hakuva i vekele xikhati ka mhaka yinwe ni yinwani ni ntiro munwe ni munwani.

Mutshawuteli 7:15

Zontlhe lezi nzi zi wonile masikwini ya mina ma nga nyawuliko: i kona munhu a lulamileko a lovako kululameni kakwe, ni munhu wa kubiha a hanyako masiku yo leha kubiheni kakwe.

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Ezekieli 18:25

Nwina muku: A ndlela ya Jehova a yi lulamangi. Zwanani nwina va yindlu ya ka Israeli! A yi lulamangi a ndlela ya mina ke? a hi leti ta nwina ti nga lulamangiko ke?

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Deuteronome 1:16

Ka xona xikhati lexo nzi wa leletele Valamuli va nwina, nziku: Zwanani timhaka ta vamakabye va nwina, mu lamula hi kululama timhaka tabye, hambu ni wamatiko loyi a akileko xikari ka nwina.

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Maheberu 12:23

ni le hlengeletanweni ya hombe, ni ka bandla ga matewula ma tsalilweko le tilweni, ni ka Nungungulu a nga Mulamuli wa vontlhe, ni ka mimoya ya vanhu va lulamileko va mbhelelisilweko, Lu. 10:20; Fil. 3:12; Kuv. 14:4

Valamuli 11:27

Mina a nzi ku onhelangi nchumu; hi wena u nzi vukako hi ku nzi hlomela matlhari u lava kulwa na mina. Jehova a mahe mulamuli nyamutlha, a lamula xikari ka vanana va ka Israeli ni vanana va ka Amoni!