Genesisi 18:20 - Tshwa Bible

²⁰ Jehova i te ngalo: Kota lezi a huwa ga le Sodoma na Gomora gi nga ga hombe, ni lezaku a zionho zabye za tshisa;

Genesisi 18:20 Mawu Ofanana

Genesisi 13:13

Kanilezi a vanhu va le Sodoma va wa bihile, va wa onha nguvu mahlweni ka Jehova.

Genesisi 19:13

Hakuva hi ta lovisa legi wutshamu, hi kota ya huwa ya hombe yi mahiwako hi kota ya vona mahlweni ka Jehova; Jehova i hi rumile akuva hi lovisa legi wutshamu.

Genesisi 19:4

Kanilezi na va nga se etlela, a vavanuna va muti, a vanhu va le Sodoma, va lota ranzela a yindlu, vatsongwani ni vahombe, na vata hi matlhelo wontihe:

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

Genesisi 6:12

Nungungulu i lo wona lezaku a misava yi wa onhekile; hakuva a vanhu vontlhe va wa onhile tindlela tabye laha misaveni.

Isaya 3:9

A tinghohe tabye ta va kona; va fanana ni vanhu va Sodoma, va maha zionho zabye kubaseni, a va zi fihli. Khombo ka mihefemulo yabye, hakuva va ti mahele kubiha vona wutsumbu. Gen. 13:13; Jer. 2:17

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Ezekieli 16:46

A nhonzwa ya wena ya xisati hi Samaria, loyi a akileko tlhelweni ga wena ga xibhabha zinwe ni vanhanyana vakwe. Ni nzisana ya wena ya xisati loyi a akileko tlhelweni ga wena ga xinene ni vanhanyana vakwe hi Sodoma.

Joeli 3:13

Khomani sikela hakuva a mavele ma buvile. Tanani mu kanzihela, hakuva xigowolo xi tele, ni maphiso ma halakela, hakuva a kubiha kabye ka hombe.

Jona 1:2

Suka, uya Niniva, a mutini lowu wa hombe, u ya wu kanelela, hakuva a kubiha ka wona ku chikele mahlweni ka mina. Gen. 10:11; 18:20

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13